31.01.2019, 14:00 13041

Шекарада заңсыз валюта, иесіз тауар мен шұлықтағы марихуана әшкереленді

"Алматы - Дубай" бағытымен ұшқалы тұрған FZ - 736 әуе рейсінің жолаушыларының арасынан Қазақстан азаматы ұсталды. Ол өзімен бірге декларацияланбаған 16 000 АҚШ долларын алып кетпек болған екен. Ақша актіленіп "Жетісу" кеден бекетіне тапсырылды.

Астана. 31 қаңтар. Kazakhstan Today - "Алматы" шекаралық бақылау отрядының шекара наряды Алматы қаласының халықаралық әуежайында (26 қаңтар 2019 жыл), түнгі сағат 4 шамасында "Алматы - Дубай" бағытымен ұшқалы тұрған FZ - 736 әуе рейсінің жолаушыларының арасынан 1987 жылы туған "П" деген Қазақстан азаматын ұстады. Ол өзімен бірге декларацияланбаған 16 000 АҚШ долларын алып кетпек болған екен. Ақша актіленіп "Жетісу" кеден бекетіне тапсырылды.

Қорғастағы Халықаралық шекара бойы ынтымақтастығы орталығының аумағынан, дәлірек айтқанда Қазақстанға қарай кіретін залдан шекарашылар кеден бекетінің қызметкерлерімен бірге жалпы салмағы 110 кг-ға жуық иесіз заттар (киім-кешек пен төсек жабдықтары) тауып алып, актімен "Алтынкөл" кеден бекетінің қызметкерлеріне тапсырды.

Сарыағаш шекара отрядының "Қазығұрт-авто" өткізу бөлімшесінде Шекарашылардың есірткі іздеуге арнайы үйретілген қызметтік иті жолаушылар терминалының ішінде Өзбекстаннан біздің елге қарай өтіп келе жатқан 1983 жылғы өзбекстандықты меңзеді. Шекарашылар бұл азаматты жеке алып шығып тексерген кезде оның шұлығының ішінен жабысқақ лентамен оралған 3 түйіншек тауып алды. Бұл сараптама қорытындысы бойынша, жалпы салмағы 65 грамға жуық кептірілген марихуана болып шықты. Ұсталған азамат айғақ затымен бірге ішкі істер органдарының қызметкерлеріне тапсырылды, деп хабарлайды ҚР ҰҚК ШҚ баспасөз қызметі.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны