Система Orphus

Алматы облысы Қарасай ауданындағы "Асыл арман" тұрғын үй кешенінен карантин алынды

15.04.2020, 17:02 5887

Алматы. 15 сәуір. Kazakhstan Today - "Асыл арман" тұрғын үй кешенінен карантин алынды.

Қарасай аудандық бас мемлекеттік санитарлық дәрігердің қаулысына сәйкес "Асыл арман" тұрғын үй кешеніндегі карантин алынды, - деп хабарлайды Алматы облысы әкімінің баспасөз қызметі.

Еске салсақ, облыстағы 3-ші сырқат 1995 жылы туған, жүктіліктің 21-22 аптасындағы әйел "Асыл Арман" ТК тұрғыны болатын. Мұнан кейін осы тұрғын үй кешенінде тұратын 1957 жылы туған тағы бір әйелдің ауырғаны анықталған еді. Осыған байланысты коронавирус инфекциясының бұдан әрі таралуына жол бермеу мақсатында "Асыл Арман" тұрғын үй кешенінде 1 сәуірден бастап карантин енгізілген. Сол уақыттан бері тұрғын үй кешені аумағында медицина қызметкерлерімен және тәртіп сақшыларымен бірге әскери-еріктілер де қызмет етті.

Бүгінгі күні тұрғын үй кешенінің тұрғыны, 1995 жылы туған әйел қайталай анализ алынғаннан кейін ауруханадан шығарылды, ал 1957 жылы туған тұрғын ем қабылдап жатыр.

Қарым-қатынаста барлығы 23 адам болғаны анықталып, олардан вирусологиялық анализ алынған, анализ қорытындылары теріс болып шықты.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны