Экологтар дабыл қағуда: "Экокодексті қабылдау мерзімін ұзарту қазақстандықтардың денсаулығына зиян келтіреді"
Экология вице-министрі А.Пірімқұловтың ойынша мерзімді кейінге шегеру еліміздің бірқатар өңірлеріндегі жағымсыз экологиялық жағдайдың сақталуына алып келеді.
Алматы. 27 сәуір. Kazakhstan Today - Экологтар дабыл қағуда: "Экокодексті қабылдау мерзімін ұзарту қазақстандықтардың денсаулығына зиян келтіреді".
Экологиялық қауымдастықтардың өкілдері, сондай-ақ жаңа экокодексті әзірлеушілер-Экология министірлігі Қазақстанда экологиялық реформаларды кейінге қалдыруға болмайды деп пайымдайды.
Мұндай көзқарас тау-кен өндіру және металлургиялық кәсіпорындар қауымдастығының коронавирус пандемиясына байланысты жаңа экологиялық кодекстің жобасын қарастыру мерзімін бір жылға кейінге шегеру туралы ұсынысына жауап ретінде айтылды.
Экология вице-министрі А.Пірімқұловтың ойынша мерзімді кейінге шегеру еліміздің бірқатар өңірлеріндегі жағымсыз экологиялық жағдайдың сақталуына алып келеді.
"Апта ішіндегі статистиканы алып қарайықшы:"Арселордағы" апат", "Теңгиздегі" апат... Ал бір немесе үш жыл ішіндегі статистиканы алып қарасақ ,апаттар мен экологиялық заңнаманы бұзушылықтардың санын ұзақ сонар кестеде көрсете беруге болады. Бүгінгі таңда біз экологиялық реформаларды кейінге қалдырамыз, я болмаса жетік қолжетімді технологияларға көшеміз деп ойлаймын, одан ары кейінге қалдыруға болмайды",-деп атап өтті А.Пірімқұлов.
"Қазіргі уақытта ТЖ және карантин кезінде барлығымызға қиын жағдай екендігі түсінікті. Алайда бұл уақытша құбылыс, ТЖ және карантин бір айға созылар, ал ірі кәсіпорындар он жылдап ештеңе жасамауда, осы ретте ТЖ қажетті модернизация мен жетік қолжетімді технологияларға көшуді кейінге қалдырудың қолайлы себебі болып отыр",-деді вице-министр.
Ол Кодекс жобасының 2018жылдың ортасынан бастап бизнес өкілдерімен талқыланғанын, құжатта "жұмсақ көшу" мен өндірістік кәсіпорындардың жетік қолжетімді технологияларға ауысуының тиімді мерзімдерінің көзделгенін еске салды. Кодекстің жобасы бойынша бизнес үшін алғашқы нақты шаралар 2025-ші жылдан бастап күшіне енеді.
"Жетік қолжетімді технологияларға көшу- Теміртау, Балқаш, Өскемен, Қарағанды сияқты қалалардағы экологиялық жағдайды жақсартудың жалғыз мүмкіндігі екендігін көріп отырмыз. Өзге шаралар мен тетіктерді бүгінгі күні біз көріп отырған жоқпыз. Тау-кен металлургиялық кешенін алып қарасақ 2008-ші жылғы дағдарыстан кейінгі жағдаймен салыстырғанда қазір металлдарға деген баға 40%-ға жоғары. Пандемия экокодексті кейінге қалдыру, оның мерзімдерін қайта қараудың қорабына қақпақ бола алмайды. Біз уәкілетті орган ретінде оны қажет деп есептейміз. Оның барлық нормалары саналы, ешқандай кері кетер шешімдер мен шаралар онда жоқ",-деп пайымдады А.Пірімқұлов.
"Ол қолжетімді емес, ұшпаққа әпермейді деген жалпы фразаларды айтудың қажеті жоқ. Николай Владимирович,("Республикалық тау-кен өндірістік және тау-кен металлургиялық кәсіпорындардың қауымдастығы" ЗТБ директоры), трибунаға шығып Теміртауда атмосфералық ауа проблемасы ешқашанда шешілмейді, қалай "қара қар" болды, ол солай бола береді деп айтайық?!",-деп ойын жеткізді А.Пірімқұлов.
Уәкілетті органның ұстанымын "EcoJer" өңірлік экологиялық бастамалар қауымдастығы, Қазақстанның экологиялық ұйымдарының қауымдастығы, табиғатты пайдаланушылар қауымдастығы, еліміздің тәуелсіз экологтары да қолдады.
Атап айтсақ, Қарағанды облыстық экологиялық музейінің өкілі Дмитрий Калмыков жағымсыз табиғатты қоршаған ортаның салдарынан әлемеде 4млн-ға жуық адамның көз жуматынын тілге тиек етті.
Қазақстанның экологиялық ұйымдары қауымдастығының жетекшісі Айгүл Соловьева пандемия жағдайында нашар экологиядан зардап шегуші қазақстандықтардың денсаулығына ерекше ден беруді атап өтті.
"Ластанудың моральдық-этикалық мәселесі бар. Бұны ары қарай жалғастыруға болмайды. Еуропалық қауымдастығы сіздерге мұнда жеңілдік жасаған күннің өзінде де, өзінің қорғаныс іс-шараларымен әрекет жасамайды. Жоғары көмірқышқыл ізімен ол сіздерді беттеткізбейді, сіздер онда тағы да 30%-ын төлейсіз",-деді А.Соловьева.
Бұдан бөлек талқылауға қатысушылар жетік қолжетімді технологияларды енгізуге дайын өндірістік кәсіпорындар үшін экономикалық талпындырушы шараларын талқылады.
Вице-министірдің айтуынша ведомство кәсіпкерлердің ұсыныстарын қарастыруға және қажет болған жағдайда оларды жобаға енгізуге дайын.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.