Система Orphus

Төтенше жағдай кезеңінде Қарағанды облысында интернет-дүкендердің және онлайн-жеткізулердің қызметтерінде алаяқтық фактілері шамамен 30%-ға артты

19.05.2020, 18:27 8614

Алматы. 19 мамыр. Kazakhstan Today - Төтенше жағдай (бұдан әрі - ТЖ) режимі аяқталғанына қарамастан, Қарағанды облысында карантиндік шектеулер, оның ішінде кейбір тауарлар мен қызметтерге шектеулер сақталуда. Көп кәсіпорындар алыстан қызмет көрсету режимінде.

Сондықтан азаматтар интернет-дүкендердің және онлайн-жеткізулердің қызметтеріне жүгінуде (Olx.kz, Kolesa.kz, Instagram және т.б.).

Осыны пайдаланып, алаяқтар интернетте өздерінде іс жүзінде жоқ тауарлар мен қызметтерді ұсыну бойынша белсенді әрекет ете бастады.

ТЖ кезеңінде өңірде аталған алаяқтық фактілері шамамен 30%-ға артты.

Мысалы, 7 мамыр күні Қарағанды қ. тұрғыны "Kolesa.kz" сайты арқылы автокөлік бөлшектеріне тапсырыс беріп, олар үшін 40 мың теңге көлеміндегі толық соманы аударған. Алдау жолымен ақша қаражаттарын қолға түсіргеннен кейін алаяқ байланысқа шығуды қойған.

"Instagram" әлеуметтік желісі арқылы интернет-дүкеннен ұялы телефон алуды ұйғарып, қылмыскерлерге 140 мың теңге аударған тағы бір азамат та алаяқтардың құрбаны болды.

Бұл екі факт бойынша сотқа дейінгі тергеп-тексерулер басталды. Кінәлі тұлғалар анықталуда.

Осыған байланысты, Қарағанды облысының прокуратурасы азаматтарды абай болып, тауарлар мен қызметтерді тексерілген, заңды интернет-көздері арқылы сатып алуға шақырады.

Сонымен қатар, алаяқтық қылмыстары үшін 10 жылға дейін бас бостандығынан айыру түріндегі қылмыстық жауапкершілік қарастырылатынын ескертеміз.

Қарағанды облысының прокуратурасы

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны