23.02.2021, 17:49 5917

Алматы технологиялық университетінің жатақханасын салу үшін басқа орын таңдалады

Жуырда студенттік үй үшін басқа қолайлы жер қарастырамыз.
Алматы. 23 ақпан. Kazakhstan Today - Алматы әкімі Бақытжан Сағынтаев Әуезов ауданының тұрғындарын тыңдап, 9 қабатты жатақханаға арналған жерге балабақша мен спорт алаңдарын салу туралы шешім қабылдады, деп хабарлайды Kazakhstan Today Алматы қаласы әкімдігінің баспасөз қызметіне сілтеме жасап.
 
Әуезов ауданындағы Алтын бесік ықшамауданының тұрғындары 17 ақпанда өткен Алматы қаласы әкімінің есептік кездесуінде жатақхана салу жоспарын қайта қарау туралы өтініштерін білдірген еді. Олар өз өтінімдерінде қала басшысын жоспарланған құрылыс орнына шақырған болатын.
 

Аталған жерге барып, Алматы технологиялық университетінің студенттеріне арналған жатақхана ғимаратына жер телімін беру туралы қаулының күшін жою туралы шешім қабылдадым. Жуырда студенттік үй үшін басқа қолайлы жер қарастырамыз", — деп жазды Б. Сағынтаев.

 
Оның айтуынша, тұрғындармен кездесуде бұл жерге 120 орынды балабақша, спорт және воркаут алаңдарын салу жөнінде ортақ шешім қабылданды.
 

Ата-аналар балаларға арналған қосымша оқыту мен дамыту орталықтарын құру қажеттігін айтты. Бұл ретте „Шыңға Өрлеу" әлеуметтік клубтарының тәжірибесі негізінде тегін үйірмелер мен спорт секцияларын ашамыз", — деп атап өтті Алматы әкімі.

 
Әуезов ауданына жұмыс сапары барысында қала әкімі ықшамауданның құрылыс салуға тыйым салынған аймақтарда орналасқан бос жерлерін де қарап шықты. Мұнда жайлы жасыл қоғамдық орындарды құру жоспарлануда.
 
Еске салсақ, Назарбаев даңғылында тұратын тұрғындардың өтініштері бойынша Алматы әкімі Б. Сағынтаевтың шешімімен тұрғын үй кешенінің құрылысы тоқтатылған болатын.
 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны