Система Orphus

"Абай және XXI ғасырдағы Қазақстан" ҚР Президенті Қасым-Жомарт Тоқаевтың мақаласына пікір

09.01.2020 64288

Қарағанды. 8 қаңтар. Kazakhstan Today - Қазақтың ұлы ақыны Абай Құнанбаевтың 175 жылдық мерейтойы былтырғы жылдан басталғаны белгілі. Абай өлеңдерін оқу челленджін ҚР Президенті Қасым-Жомарт Кемелұлы да қолдаған болатын. 

 
Бүгін Мемлекет басшысының Қазақстан халқына жариялаған "Абай және ХХІ ғасырдағы Қазақстан" мақаласы үлкен серпін беріп отыр. Мақала әсіресе, білім саласымен, жалпы ұрпақ тәрбиесімен тікелей байланысты екендігі қуантады. Жаһандану дәуірінде кез келген дүниені Абайдың даналығымен байланыстыру керектігі және әр қазақтың үйінде домбыра болу керек десек, әр отбасының төрінде Мұхтар Әуезовтың "Абай жолы" кітабы мен Абайдың қара сөздері тұруы керек дейді Мемлекет басшысы. 
 
Демек, қазақтың ұлттық өнері мен ұлттық құндылықтарымызды, Ұлы ойшылдардың даналық сөздерін әр бала жастайынан өз отбасында ұғынуы керек деген ой түйіндейміз. Біз ұстаздар қауымы, алдымызға келген бүлдіршіндерді Абайдың қара сөздерімен қуаттандыру керекпіз. Біз Мемлекет басшысының мақаласын басшылыққа алып, алдағы уақытта тек мерейтой қарсаңында емес, әр жыл сайын Абай мұрасын дәріптеп, жас ұрпақты патриоттық рухта тәрбиелеуге күш жұмсау қажеттігін айқындадық. 
 
Мемлекет басшысының мақаласы - ұстаздар қауымы үшін, жалпы қоғам үшін басшылыққа алатын құжат болмақ. Себебі, бұл мақала ұлылықтың тойы ұлт алдындағы ұлы міндеттің үдесінен шығудың жолын іздеуге ұмтылдырады. Сондықтан Абай Құнанбаевтың 175 жылдығы аясында өткізілетін әрбір іс-шаралар алдында Мемлекет басшысының мақаласын тағы бір мәрте оқып шығу қажет деп санаймыз.

Қарағанды облыстық білімді дамытудың оқу-әдістемелік орталығының директоры Асакаева Д.С

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны