Алматы әкімі Медицина қызметкерлері күнімен дәрігерлерді құттықтады
Алматы. 15 маусым. Kazakhstan Today - Медицина қызметкерлері күні қарсаӊында Алматыда қаланыӊ денсаулық сақтау саласыныӊ өкілдері марапатталды.
Республикалық конкурстыӊ қорытындысы бойынша "Үздік дәрігер" номинациясында қалалық кардиологиялық орталықтыӊ дәрігері Нұрсан Сұрашев, "Үздік медбике" номинациясында №5 қалалық клиникалық аурухана медбикесі Назира Мырзабаева, "Денсаулық сақтаудағы үздік жас зерттеуші" номинациясы бойынша А. Сызғанов атындағы Ұлттық ғылыми орталықтыӊ қызметкері Жасұлан Баймаханов жеӊіпаз атанды. Бұдан өзге, осы саланыӊ 30 қызметкері Алматы қаласы әкімініӊ Құрмет грамоталарын иеленді.
Дәрігерлерді кәсіби мерекелерімен құттықтаған Алматы әкімі дәрігер атану жүрек қалауы, ал медицина өнердіӊ шыӊы екенін атап өтті.
"Адамныӊ денсаулығы мен өмірін сақтау үшін Сіздер бауырмалдық пен мейірімділік танытып, араша болумен қатар, көптеген жайттарды бастан кешіресіздер. Сондықтан қай кезеӊде де дәрігер, емші абырой мен үлкен құрметке ие. Елбасы қазақстандықтардыӊ денсаулығын сақтау мен нығайту туралы үнемі айтып келеді, өйткені "дені сау ұлт- біздіӊ болашағымыздыӊ негізі", - деді Алматы әкімі.
Айта кетерлігі, Алматыныӊ 2020 жылға дейінгі даму Бағдарламасыныӊ басты қағидаларыныӊ бірі - әр адамға деген шынайы қамқорлық, мұнда қаланыӊ денсаулық сақтау саласын дамытудыӊ кешенді шаралары қарастырылған.
Мысалы, соӊғы 5 жылда қаланыӊ денсаулық сақтау саласыныӊ бюджеті 60%-ға дейін өсіп, биыл 95 млрд. теӊгені құрады, өмір сүру ұзақтығы алғаш рет 76 жастан асты, жалпы өлім 14%-ға азайды, балалар өлімі 33%-ға төмендеді. Туберкулезден қайтыс болғандар саны 38%-ға, обыр дертіне шалдыққандар саны 20%-ға қысқарды.
Қалада медициналық инфрақұрылым дамуда. Тек өткен жылдыӊ өзінде ғана Алматыда 5 жаӊа медициналық объект іске қосылды: Наурызбай ауданында 2 емхана, Медеу ауданында қалалық клиникалық аурухана емханасы және құны 4,8 млрд. теӊге болатын вакциналар мен иммундыбиологиялық препараттардыӊ замануи қоймасы.
Бүгін Бостандық ауданында заманауи Орталықтандырылған зертхана ашылды, мұнда молекулярлы-генетикалық, иммуноферментті және иммуннохимиялық,паразитологиялық, микробиологиялық,серологиялық,биохимиялық, жалпыклиникалық зерттеулер жүргізіледі. Орталықтандырылған зертхана еӊ замануи қондырғылармен жабдықталған, олар микроорганизмдердіӊ биохимиялық тестілер арқылы антибиотиктерге сезімталдығын анықтайды.Жаӊа объектіде жыл ішінде нақтылы 500 мыӊға дейін зертханалық зерттеулер жүргізіледі.
Бұлардан өзге, 2017 жылы жалпы құны 11,3 млрд. теӊге болатын тағы 9 объектініӊ құрылысы басталды. Олардыӊ бесеуі биыл пайдалануға беріледі. Қалада медициналық туризм жедел дамуда. Мысалы, қала клиникаларында жыл басынан бері қарай жақын және алыс шетелдіӊ 50 елініӊ 2 мыӊдай азаматы емделді. Мегаполиске АҚШ-тан Түркиядан ҚХР-нан және басқа елдерден медициналық көмек алу үшін келетіндер саны артуда.
Осы саланы цифрландыру аясында қаланыӊ барлық медициналық ұйымдары ақпаратты жүйені тиімді пайдалануда. 1 маусымнан бастап 30 форма бойынша есепті құжаттар қағазсыз жүзеге асуда. Биылғы жылдыӊ 1 қыркүйегінен электронды денсаулыққа толық көшіп, қаланыӊ барлық тұрғындары денсаулығыныӊ электронды паспорттары жасалады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.