Алматы кәсіподақтары орталығы қызметкер мен жұмыс беруші арасындағы шиеленісті реттеуге жәрдемдеседі

Алматы. 26 шілде. Kazakhstan Today - Алматыда мемлекеттік қызметкерлерге арналған семинар өтіп, онда кәсіподақ ұйымдарыныӊ іс-қызметін реформалау шеӊберінде әзірленген "Жол картасы" таныстырылды. Құжатта әлеуметтік әділеттілік пен серіктестік принциптерін ілгерілету, әлеуметтік еӊбек қатынастарын жақсарту, кәсіподақ ұйымдарын нығайту және біріктіру ережелері айқындалған.

Айталық, Алматы кәсіподақ ұйымы қол қойған бірқатар меморандумдарда мегаполис азаматтарыныӊ лайықты еӊбек ету құқығын, қызметкерлер мен олардыӊ отбасыларыныӊ өмір сапасын арттыруды, жалақыныӊ, зейнетақылық және басқа да әлеуметтік төлемдердіӊ уақытылы төленуін қадағалауды, бизнесті дамытуға қолайлы жағдайлар жасауды, тұрлаулы жұмыспен қамтуды және еӊбек нарығыныӊ икемділігін, салауатты және қауіпсіз еӊбек ету жағдайын қамтамасыз ететін әлеуметтік-экономикалық саясат жүргізу жайы қарастырылған.

"Ұжымдық шарттардыӊ ережелерінде әлеуметтік шиеленістерді төмендету шаралары, қызметкерлердіӊ құқықтары мен мүдделерін қорғаудыӊ қосымша кепілдіктері қарастырылған. Бұған қоса, Ұжымдық шарттарға салауатты және қауіпсіз еӊбек ету және тұрмыстық жағдай жасау, еӊбек қорғау және қауіпсіздік іс-шараларын қаржыландыру көлемі туралы, денсаулық сақтау жағдайын жақсарту ережелері қамтылған. Сол себепті кәсіподақ ұйымдары қол қойылған ұжымдық шарттардыӊ саны мен сапасын арттыруға бағытталған жүйелі жұмыстар жүргізуде", - деді өз сөзінде "Алматы кәсіподақтары орталығы" кәсіподақ ұйымдарыныӊ аумақтық бірлестігініӊ төрайымы Зәуреш Өмірбаева.

Ол атап өткендей, бүгінгі күні Қазақстан бойынша ұжымдық шарттармен қамтылу деӊгейі небәрі 34% құрайды. Қазір әлеуметтік еӊбек қатынастарыныӊ заманауи сипатына және әлемніӊ өзгере түсуіне сәйкестендірілген әлеуметтік және еӊбек шарттарыныӊ жаӊа нысандары пайда болуда. Кәсіподақ ұйымы жұмысыныӊ басты мақсаты әлеуметтік өндірістік үдерістерде ұжымдық шарттардыӊ атқаратын рөлі, алатын орны мен сапасын арттыру болып қала бермек.

Сондай-ақ, әлеуметтік серіктестік шеӊберінде кәсіподақ ұйымдары жұмыс берушілермен арада жұмыс орындарын сақтап қалу бойынша жұмыстарды қарқындандыра түсті. Қазіргі күні Қазақстанда еліміз бойынша 2,8 миллион жұмысшы-қызметкерді қамтитын жұмыс орындарын сақтап қалу бойынша 115 мыӊнан астам меморандум түзілді.

Бұл орайда қаладағы кәсіпорындар мен ұйымдарда қауіпсіз еӊбек ету жағдайын жасауға баса назар аударылуда. Өндірісте жарақат алу деӊгейін төмендетуге, кәсіптік ауруларды, өндірістердегі өлім-жітімге әкелетін оқыс оқиғаларды азайтуға, еӊбек қауіпсіздігі жағдайларын жақсартуға, өмір ұзақтығын ұзартуға және халықтыӊ денсаулығын жақсартуға бағытталған "Қауіпсіз еӊбек" бағдарламасы бекітілді.

"Жыл сайын өндірістерде бір жарым мыӊнан астам адам жарақат алады, жүздеген адамдар қаза табады. Сол себепті Өндірістік қауіпсіздік және еӊбек қорғау кеӊестерін құру жұмыстары қарқын алды. ҚР Еӊбек кодексінде бекітілген ережеге сәйкес, кәсіподақ ұйымдарыныӊ мүшелері мен жұмыс беруші өкілдерініӊ теӊ санынан паритетті негізде құрылатын Өндірістік кеӊестердіӊ шешімдері жұмыс берушілер үшін міндетті түрде орындалуға тиістігін атап өту қажет деп санаймын. Кәсіподақ ұйымдары жұмыс істейтін барлық ұйымдарда Өндірістік кеӊестер құрылған, олар еӊбек қорғау талаптарын қамтамасыз ету, өндірістік жарақаттар мен кәсіптік аурулардыӊ алдын алу бойынша жұмыс берушілер мен қызметкерлердіӊ бірлескен іс-әрекеттерін бір жерге тоғыстыруда, сондай-ақ, техникалық инспекторлардыӊ жұмыс орындарындағы еӊбек ету және еӊбек қорғалу жағдайына жүргізілетін тексеру жұмыстарын ұйымдастыруда", - деді З.Өмірбава.

Кәсіпорындардағы жарақат алушылық деӊгейін төмендету үшін 2018 жылды ҚР Кәсіподақ ұйымдары федерациясы "Қауіпсіздік және еӊбек қорғау жылы" деп жариялады. Бұл бастама қауіпсіздік және еӊбек қорғау саласында еӊбек заӊыныӊ сақталуын бұқаралық қадағалауды күшейте түсуге бағытталған.

Бұдан бөлек, кәсіподақ орталығы әлеуметтік серіктестермен бірлесе отырып "Нәтижелі жұмыспен қамту және жаппай кәсіпкерлікті дамыту" бағдарламасын жүзеге асыру бойынша іс-шараларды ұйымдастыруда, олар халықты нәтижелі жұмыспен қамтуға септігін тигізу және азаматтарды кәсіпкерлікке жұмылдыру, тиісті жағдайлар жасау арқылы өзін-өзі жұмыспен қамтушылар мен жұмыссыздардыӊ кіріс көлемін арттыру мақсаттарын көздейді.

Осыған байланысты 2018 жылдыӊ наурыз айынан бастап 2019 жылдыӊ желтоқсан айына дейін "Еӊбек шартына отырыӊыз" атты республикалфық акция өткізілуде. Акция бейресми еӊбек қатынастарыныӊ орнауына жол бермеу және ондай оқиғаларды анықтау, азаматтардыӊ еӊбек құқықтары саласындағы хабардарлық деӊгейін көтеру мақсатымен өткізіліп отыр.

Алматы кәсіподақтары орталығы халық көп жиналатын "Мега" және "Променад" сауда орталықтарында, қалалық клиникалық №12 және №21 емханаларда, Алмалы ауданы бойынша Мемлекеттік зейнетақы төлемдері жөніндегі орталығында, "Ақорда" базарында, Жұмыспен қамту және әлеуметтік қорғау басқармасында, ҚР Кәсіподақ ұйымдары федерациясыныӊ өкілдігінде "қызу желі" ашып, "Сенім телефондарын" және "Сенім жәшіктерін" орнатып, ҚР Кәсіподақ ұйымдары федерациясыныӊ өкілдігі негізінде күн сайын сағат 9 00 мен 18 00 аралығында және"Нұр Отан" партиясыныӊ қоғамдық қабылдауы негізінде айдыӊ бірінші сейсенбісінде 15 00 мен 17 00 аралығында түсіндіру жұмыстарын жүргізуде.

"Көптеген кәсіпорындарда келісім комиссиялары құрылған. Жеке шиеленісті шешуге баса назар аударылмай отырған жағдайда ұжымдық еӊбек дауыныӊ туындауына қолайлы ахуал туындайды. Осы тұста келісім комиссияларын құрған кезде, қызметкерлердіӊ құқықтарыныӊ сақталуын қадағалауды және оны қорғауды жүзеге асырғанда, кейбір жағдайларда еӊбек даулары туындаған жағдайда татуластыру процедураларын қолданған кезде кәсіподақ ұйымдарыныӊ атқаратын рөлі ерекше", - деді спикер.

Дауларды сотқа жеткізбей реттеу мақсатымен арнаулы "Татуласу орталықтары" құрылған. Жоба біртұтас алаӊ нысанында даулы мәселелерді сот және құқық қорғау органдарына жүгініп жатпай-ақ азаматқа медиатор, адвокат, сот орындаушысы, нотариус, психолог және қалалық әкімдіктіӊ әлеуметтік қызметтері өкілдерініӊ қызметтері ұсынылатын азаматтық қоғам ықпалдастығыныӊ жаӊа философиясын қалыптастырады. Исіресе заӊнаманы жетілдіруге, мамандарды оқытуға, ақпарат алмасуға және медиация мен дауларды соттан тыс шешу нысандарын дамытуға баса назар аударылмақшы. "Татуласу орталығында" кәсіподақ ұйымдары да, Алматы қаласыныӊ медиаторлары да, сондай-ақ, Халықаралық құқық қорғау орталығы, Медиацияны дамыту орталығы, "Кәсіпқой медиаторлар" Қоғамдық бірлестігі және басқа да қалалық медиаторлар жұмыс істеуде.

Алматы кәсіподақтары орталығы жұмысыныӊ тағы бір маӊызды бағыты - жастармен жұмыс жүргізу, оларды кәсіподақ ұйымдарыныӊ қатарына тарту болып табылады, соныӊ арқасында жастарға жұмыспен қамту, лайықты жалақымен қамтамасыз ету, жақсы білім алу, кәсіби білікті медициналық көмек алу, демалысы мен сауық-сайранын сапалы ұйымдастыру бойынша көмек көрсетіледі.

"Алматы қаласыныӊ кәсіподақтары орталығы" республикамыздағы 2 млн астам кәсіподақ ұйымдарыныӊ мүшесін біріктіретін ҚР Кәсіподақ ұйымдары федерациясыныӊ құрылымына қамтылады және оған мүше ұйым болып табылады. Алматы кәсіподақ ұйымдарыныӊ аумақтық бірлестігі 183 мыӊ адамды қамтыған Алматы қалалық салалық филиалдар мен жергілікті кәсіподақ ұйымдарыныӊ құрамына кіретін 687 мүшелік кәсіподақ ұйымдарыныӊ жұмысын үйлестіреді және біріктіреді.

Көмек алу, жұмысқа қатысты өз пікір-ұсыныстарын білдіру немесе Алматы қалалық кәсіподақ ұйымына мүшелікке өту үшін орталықтыӊ телефонына хабарласу қажет.

Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.