Алматыда өтіп жатқан V Халықаралық Жәутіков олимпиадасына 16 елден 42 құрама қатысуда
Алматы. 15 қаңтар. "Қазақстан Бүгін" - Алматыда өтіп жатқан V Халықаралық Жәутіков олимпиадасына 16 елден 42 құрама қатысуда, деп хабарлайды агенттік тілшісі.
Алматыда физика, математика және информатикадан мерейтойлық V халықаралық Жәутіков олимпиадасы өткізілуде.
Олимпиаданы "Дарын" Республикалық ғылыми-тәжірибелік орталығы мен О.Жәутіков атындағы дарынды балаларға арналған Республикалық мамандандырылған физика-математика орта мектеп-интернаты (РМФМОМИ) ҚР БҒМ басқаруымен, Алматы қаласы әкімдігінің қолдауымен ұйымдастырды, деп хабарлайды агенттік тілшісі РМФМОМИ баспасөз қызметінің маманы Майя Есмағамбетоваға сілтеме жасап.
Оның айтуынша, V олимпиаданың ресми салтанатты ашылуы 15 қаңтарда сағат 15.00-де Қазақстан Республикасы Білім және ғылым вице-министрі Күләш Шәмшидинованың қатысуымен өтті.
Олимпиаданың мақсаты: оқушылар арасында физика-математика ғылымын насихаттау, халықаралық ынтымақтастықты дамыту, әр елдің мамандандырылған мектептері арасында достық қарым-қатынас орнату, олимпиаданы өткізу және ұйымдастыру тәжірибесімен алмасу, Қазақстанның мәдениеті мен білімінің деңгейін көрсету, бұған олимпиаданың "Физика-математика білімі арқылы ұлы достыққа жету" деген ұраны дәлел бола алады, деді М.Есмағамбетова.
2005 жылдан бастау алған физика мен математика (ал 2009 жылдан бастап информатика) олимпиадасы - әлемде теңдесі жоқ халықаралық жоба, деген пікірде РМФМОМИ директоры Қайрош Макишев.
Олимпиадаға 16 елдің 42 командасы қатысуда: Изербайжан (2 команда), Армения (1), Беларусь (3), Болгария (2), Грузия (1), Индонезия (1), Қырғызстан (3), Монголия (2), Нигерия (2), Ресей (7, соның ішінде Адыгея, Башқұртстан, Саха Республикаларынан 1 құрамадан), Румыния (1), Тәжікстан (3), Түркия (1), Өзбекстан (1), Украина (1).
Қазақстан атынан олимпиадаға Астана, Ақтөбе, Павлодар, Талдықорған, Тараз бен Алматыдан 11 құрама, сондай-ақ, Шығыс Қазақстан облысының біріккен құрамасы қатысады.
Халықаралық әділқазылар алқасы құрамында 8 елдің ғалымдары жұмыс істейді. Иділқазылар алқасының төрағасы - әл-Фараби атындағы ҚазҰУ ректоры, ҚР ҰҒА академигі Б.Т. Жұмағұлов. Олимпиада 19 қаңтарда аяқталады.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті