Алматыдағы "MOSKVA metropolitan" сауда-ойын-сауық орталығыныӊ қызметін тоқтату туралы сот шешіміне қатысты компания өз ұстанымын жариялады
"MOSKVA metropolitan" пікірінше, № 2 Иуезов аудандық сотындағы процесс назарға алынбаса, Алматы қаласы аппеляциялық инстанциясыныӊ сот шешімі жан-жақты және объективті бола алмайды.
Алматы. 30 қазан. Kazakhstan Today - "MOSKVA metropolitan" сауда-көӊіл көтеруге арналған орталығыныӊ басшылығы Алматы қалалық сотыныӊ аппеляциялық коллегиясыныӊ шешімі туралы хабарлайды, бұл шешім сәрсенбіде, 2018 жылы 24-қазан күні Алматы қаласы ТЖ департаментініӊ "MOSKVA metropolitan" сауда-көӊіл көтеруге арналған орталықтыӊ қызметін тоқтату туралы қуынымына орай сот талқысы шеӊберінде қабылданды. Сот компанияныӊ "MOSKVA metropolitan" орталығына қатысты қуынымда көрсетілген бұзушылықтарды толығымен түзеткендігі туралы дәлелдерді назарға ілмеді, тек өрт қауіпсіздігі нормаларыныӊ бұзылуыныӊ бір фактісі ғана орындалмай қалған болатын, ол орталық ғимаратына көрші орналасқан "Сарита" кафесіне қатысты , кафе иесі болса бұл бұзушылықты жоюдан бас тартуда.
Еске салып өтелік, 2018 жылы 03 сәуірде өрт қауіпсіздігі саласындағы өкілетті орган ҚР Бас прокуратурасыныӊ сәйкесті хатына орай Алматы қаласында бірқатар сауда -көӊіл көтеруге арналған орталықтарда өрт қауіпсіздігі нормалары мен ережелерініӊ сақталуын тексеру мақсатында жоспардан тыс тексерістер жүргізген. Тексеру барысында "MOSKVA metropolitan" әкімшілігі мен жалға берушілер тарапынан бірқатар бұзушылықтарға жол берілгендігі анықталды, 2018 жылы 12 сәуір күні компания басшылығына бұзушылықтарды 2018 жылдыӊ 25 сәуіріне дейін жою туралы ескерту табыс етілген.
"MOSKVA metropolitan" әкімшілігі ескертуде көрсетілген бұзушылықтарды (21 бұзушылық) 2018 жылдыӊ 18-мамырына дейін ретке келтірген, көрсетілген бір ғана бұзушылық жойылмай қалған, өйткені "MOSKVA metropolitan" орталығыныӊ оны өз бетінше реттеуге мүмкіндігі жоқ. Бұл бұзушылық -"MOSKVA metropolitan" ғимараты мен "Сарита" кафесініӊ оӊтүстік жағымен арада өртке қарсы қауіпсіздікке орай алшақтықтыӊ жоқтығы.
Серік Сембаев, "MOSKVA metropolitan" ЖШС директорыныӊ құқық мәселелері жөніндегі орынбасары : "Қолданыстағы заӊға сәйкес -көрші тұрған ғимараттар арасындағы алшақтық кем дегенде 6 метр болуға тиіс, шартқа орай биік ғимараттыӊ ("MOSKVA metropolitan") қабырғысы өртке қарсы 1-ші үлгіге жатқызылған, көрші қабырға ("Сарита" кафесініӊ ғимараты ) отқа төзімділігі жағынан 2-ші дәрежеге саналып келген.Алайда, "Сарита" кафесініӊ иелері Алматы қаласыныӊ сәулет және қала құрылысы басқармасымен келіспестен кафе ғимаратыныӊ сыртқы жағын әрлеген, ол үшін жылдам жанатын материал-ұсақталған ағаш плиталарды (ОSB) пайдаланған.Бұл іс-қимылдары арқылы олар кафе ғимаратыныӊ отқа төзімділігі дәрежесін 2 -ші дәрежеден 3-ші дәрежеге дейін түсірген. Бұл жәйт ғимараттар арасындағы өртке қарсы алшақтық болуға тиіс, деген бұзушылықты жоюға кедергі келтіріп отыр. Сонымен қатар, мұндай әрлеуіштерді пайдалану кафе ғимаратыныӊ техникалық құжаттамасына да қайшы келеді, өйткені онда кафеніӊ сыртқы қабырғалары декоративті түрде (силикат кірпіш) әрленуге тиіс, деп көрсетілген. Екіншіден, бұл ҚР Өрт қауіпсіздігі жөніндегі ( п.7.31. 2.02.-05-2009) ережелеріне қайшы.
2018 жылдыӊ мамыр айынан бастап қыркүйекке дейін "MOSKVA metropolitan" басшылығы "Сарита" кафесініӊ басшылығымен жағдайды шешу үшін бейбіт түрде келіссөздер жүргізді, кафе ғимаратыныӊ сыртын техникалық инвентаризацияға сәйкестендіру жағы сөз етілген. "MOSKVA metropolitan" кафеніӊ сыртын өз есебінен әрлеуді ұсынған болатын. Өкінішке орай, кафе иесі тексеру субъектісіне жатпайтын болғандықтан, бұзушылықты жоюдан бас тартуда, тығырықтан шығудыӊ жалғыз жолы ретінде олар кафе мен кафе орналасқан жерді тым қымбат бағаға сатып алуды ұсынуда.
Мәселені сотқа дейін шешудіӊ барлық жолдары қарастырылған соӊ 2018 жылы 03 қыркүйекте "MOSKVA metropolitan" Иуезов аудандық №2 сотына арыз беруге мәжбүр болды, онда кафеден
өрт қауіпсіздігі ережелерін жоюды талап ету туралы жазылған. Бұл іс бойынша сот талқысы 2018 жылы 06-қарашаға қалдырылды.
Сонымен, параллельді түрде екі сот талқысы жүргізілуде, біріншісі - Алматы қаласында аппеляциялық инстанция сотында, ол жерде арыз беруші Алматы қаласыныӊ ТЖ департаменті, екіншісі Иуезов ауданында № 2 сотта, онда арыз беруші "MOSKVA metropolitan", жауап беруші "САРИТА" кафесініӊ меншіктенушісі, олардан өрт қауіпсіздігі ережелері мен нормаларына қатысты бұзушылықты жою талап етілуде.
"MOSKVA metropolitan" пікірінше, № 2 Иуезов аудандық сотындағы процесс назарға алынбаса, Алматы қаласы аппеляциялық инстанциясыныӊ сот шешімі жан-жақты және объективті бола алмайды.
Атап өту керек, "MOSKVA metropolitan" қызметін тоқтату туралы шешім орталыққа келушілерге іс жүзінде қауіп туғызбағанмен, бір мыӊнан аса жұмыс орны жоғалады, қалалық бюджет ай сайын салық түрінде шамамен 200 млн теӊгеден айырылады. Ал пайдалануға беру туралы актісі жоқ кафе "Сарита" болса заӊсыз жұмысын әлі де жалғастыруда.
КОМПАНИЯ ТУРАЛЫ
MOSKVA metropolitan сауда-көӊіл көтеруге арналған орталық, бірігей заманауи ғимарат,алғаш рет 2016 жылы 10 қыркүйекте ашылған, жалпы алаӊы 37 500 шаршы метрді құрайды, қазір онда жүзден аса дүкен қызмет көрсетуде, оныӊ ішінде Magnum Atak, Sulpak, LC Waikiki, Kinopark кинотеатры бар.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.