Алматыдағы ЖОО-ларда студенттерді "Қоғамға қызмет ету" пәніне оқытатын болады
Алматы. 5 қыркүйек. Kazakhstan Today - Алматыда "Рухани жаӊғыру" бағдарламасын жүзеге асыру аясында "U38" альянсы студенттерді "Community Service Learning" (Қоғамға қызмет көрсетуге оқыту-Обучение служению обществу) пәніне оқыту туралы бастама көтерді, деп хабарлайды Kazakhstan Today.
Осылайша, AlmaU университетінде 3 жылдан бері оқытылып келе жатқан "Community Service Learning" пәні енді Алматыныӊ басқа да оқу орындарында енгізілмекші.
Бұл шешім Алматыда 38 университет құрған "U38" альянсыныӊ "Community Service Learning" бағдарламасын енгізу бойынша әлемдік тәжірибені қолдану туралы семинарында мәлім болды.
Бүгін Алматыда ""Community Service Learning" бағдарламасын қолданысқа енгізу бойынша әлемдік тәжірибемен бөлісу" тақырыбында семинар болып өтті.
Almaty Management University ректоры Гүлмира Қорғанбаева аталған пәнніӊ студент жастарды тәрбиелеудегі маӊызы зор болатынын айтады.
"Қоғамға қызмет көрсету - "Рухани жаӊғыруға" негіз болатын бағдарлама болуы тиіс. Бұл бір жағынан, логикалық нәрсе болса, екінші жағынан жаӊа сапалы қадам. Біз университеттер қоғам дамуына қалай ат салысуы керектігін ойладық. Түлектеріміздіӊ мансап, табыс, жақсы жалақы, атақ қуып кетпей, түрлі оқиғаларға байланысты қиын жағдайға тап болғандар туралы да ойлауы тиістігін ескердік. Біз студенттердіӊ тек менталды ғана емес, эмоциялық ой-өрісін де дамытуымыз керек", ? дейді Гүлмира Қорғанбаева.
"Бүгін альянс мүшелері қоғамға қызмет көрсету бойынша білім беру әдістемелерін қолданысқа енгізуге әзірлік танытты. Қоғамға қызмет ету дегеніміз не? Бұл - адамдардыӊ қоғамныӊ игілігі үшін риясыз еӊбек етуге әзірлік танытуы. Сол себепті біз бұл құндылыққа мектеп және университет қабырғасынан бастап баулу қажет деген ойдамыз. Жастарымыз өздері еӊбек ететін қандай салада болмасын игілікті істер тындыруға дайын болғаны абзал. Қоршаған ортаға қатысты сала болмасын. Қаӊғыбас жануарлардыӊ күтімі болмасын. Зейнеткерлерге, ауыр жағдайда қалған отбасыларға көмекке келу болмасын, барлық салада дайын болу керек. Қаланы абаттандыру жұмыстары болмасын. Егер біз студенттерді осыған баули алсақ, осы құндылықты бойларына сіӊіре алсақ, қоғамға және адамдарға қызмет етуге әзірлік жағдайына келтіре алсақ, сонда ғана біз санасы жаӊғырған қоғам құра алғанымыз", - деді Ил- Фараби атындағы ҚазМҰУ әлеуметтік даму жөніндегі проректоры Шолпан Жаманбалаева.
AlmaU-дыӊ тіркеу кеӊсесініӊ жетекшісі Жұлдыз Елубаева университетте "Service Learning" пәнін оқыту бойынша тәжірибесімен бөлісті. Оныӊ айтуынша, бұл сабақта студенттер балалар үйіне, мүгедектер мен қарттар үйіне және басқа да әлеуметтік ұйымдарға барады. Балалар жұмыс істейтін жерін өзініӊ әлеуметтік икеміне қарай таӊдайды.
"Мен үшін де, студенттер үшін де жаӊа пән. Студенттер бір ай бойы университет қабырғасында сабақ оқиды, аудиторияларда. Дәрістер, тәжірибелік сабақтар және семинарлар. Сабақтарда біз студенттерді құрамаларға бөлеміз, сосын олар серіктес ұйымдарды таӊдаған соӊ жұмысқа кірісеміз. Жастардыӊ көбі мектепті жаӊа ғана тәмамдағанына қарамастан, жұмысқа дайын екенін мәлімдеуде. Бірінші курсқа келгендердіӊ 80%-ы бірінші күні-ақ дәрістен кейін келіп "Біз жұмыс істегіміз келеді, бұл бізге ұнайды", деп жатыр. Бізде Service Learning дәрісінен өтіп "Қызыл крест" қоғамында жұмыс істеп жүрген жастар бар. Бұған қоса олардыӊ өздері тренинг өткізуде. Алғашқы медициналық жәрдем көрсету бойынша. Бұл пәнді оқытуға барлық бірінші курстағы студенттер жаппай жұмылдырылған. Бірінші және екінші семестрде Service Learning міндетті пән ретінде оқытылады. Ал жылдыӊ аяғында олар түрлі әлеуметтік жобалар дайындайтын болады", - деді ALMAU университетініӊ оқытушысы Гүлнәр Сепулова.
Ол сондай-ақ, балалар жетімдер үйлерінде, ауруханалар мен басқа да әлеуметтік ұйымдарда тәжірибелік түрде жұмыс істей бастамас бұрын арнаулы тренингтен өтетінін атап көрсетті. Олар алдымен арнайы әзірленеді. Дәрістен өткеннен кейін студенттердіӊ санасы мен өмірге қатысты көзқарастары оӊ бағытта өзгеруде дейді ол.
Семинарға қатысушылар шараныӊ соӊында бұл бағытты одан әрі дамытып, аталған пәнді Қазақстанныӊ барлық жоғары оқу орындарында базалық пән ретінде енгізу қажеттігі туралы ұсыныстар айтты.
"Service Learning" бағдарламасы алғаш рет АҚШ-та дайындалып, сынақтан өткізілген. Кейін Аргентина, Чили және басқа да Еуропа елдеріне тараған. Бүгінгі күнге дейін елімізде мұндай пән болмады, оны енгізу AlmaU-дыӊ жаӊашыл қадамдарыныӊ бірі болып отыр.
Студенттер дәріс және практикалық сабақтарға қатысып, алған білімдерін кейін белгілі бір қоғамдық ұйымдарда тереӊдететін болады.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.