Система Orphus

Алматыда 10 мыңнан астам адам COVID-19 індетіне тексерілді

06.04.2020, 16:52 5293

Алматы. 6 сәуір. Kazakhstan Today - Алматыда 10 мыңнан астам адам COVID-19 індетіне тексерілді.

Бұл туралы Алматы қаласы әкімдігінің баспасөз орталығында өткен онлайн брифингте қалалық Тауарлар мен қызметтер сапасын және қауіпсіздігін бақылау департаментінің басшысы Айзат Молдағасымова мәлімдеді.

"Мегаполисте 10 мыңнан астам адам қауіпті індетке тексерілді. Соның ішінде 93 жағдай расталды", - деп атап өтті спикер.

Ауырғандардың басым бөлігі мына рейстермен ұшып келген. Атап айтқанда, Мәскеу - 33%, Ыстамбұл - 25%, Берлин - 16%, Санкт-Петербург -13%, Минск - 13%.

"Жас шамасына қарай алатын болсақ, індет жұқтырғандардың көбі 20-29 жастағылар. Екінші орында 30-39 жас және үшінші, төртінші орында 40-49 жас және тиісінше 50-59 жас та бар. 60 жастан асқан, яғни осал топтағылардың арасында 7 жағдай тіркелді", - деді А. Молдағасымова.

Брифингті қорытындылаған қаланың Бас санитарлық дәрігері мегаполисте тестілер, реагенттер, барлық қажетті аппараттар мен тексеру жүргізетін құралдар жеткілікті мөлшерде екенін айтты.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны