Система Orphus

Алтай Көлгінов: Әр науқасқа медициналық көмек көрсетілуі керек

15.07.2020, 10:44 4024

Алматы. 15 шілде. Kazakhstan Today - Алтай Көлгінов емханалар мен ауруханалардың бас дәрігерлерімен, қаланың санитарлық дәрігерімен онлайн-кеңес өткізді. Әкім емханаларда амбулаториялық емдеуді күшейтуді, науқастарды бақылау барысында телемедицина құралдарын пайдалануды және тиісті деңгейде жедел көмек көрсетуді тапсырды.

Сондай-ақ амбулаториялық емдеуді күшейту қажеттігін де атап өтті.

"Науқастардың 60%-дан астамы емханаларға жүгінеді. Мұнда амбулаториялық емдеуді күшейту өте маңызды. Аурудың алғашқы кезеңінде тұрғындарға барлық қажетті медициналық көмек көрсетілуі керек. Жұқпалы аурулар стационары дәрігерлері Covid-19-бен күресуде айтарлықтай тәжірибе жинады. Олар телемедицинаны пайдалана отырып, кеңес беріп, емханалардың медициналық қызметкерлерімен тәжірибе алмасатын болады. Екінші мәселе, карантин кезінде жоспарлы емдеуге жатқызу уақытша тоқтатылды, мұнда науқастармен кері байланысты күшейту керек. Қажет болған жағдайда емдеуге жатқызған жөн. Шұғыл ауруханаға жатқызылатын жағдайды әрбір дәрігер бақылауда ұстауы тиіс. Үшіншіден, Денсаулық сақтау министрлігі мен СҚ "Фармация" бірлесіп, ауруханалар мен емханаларды қажетті медициналық жабдықтармен толықтыру бойынша жұмыстар жүргіземіз. Қамтамасыз ету мәселесі бақылауда болады", - деді елорда әкімі Алтай Көлгінов.

Қала әкімі атап өткендей, әрбір науқасқа сапалы медициналық көмек көрсетілуі, ауыр науқасқа шалдыққандар ерекше бақылауда болуы тиіс. Әр науқастың өмірі үшін соңына дейін күресу қажет.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны