Астана мен Алматыда тұрғылықты мекен-жайы бойынша тіркеуге тұруға шектеу қойылуы мүмкін
Себебі осы екі шаһарға көшіп келушілер алдымен баспана алуға кезекке тұрады.
Астана. 7-желтоқсан. Kazakhstan Today - Астана мен Алматыда тұрғылықты мекен-жайы бойынша тіркеуге тұруға шектеу қойылуы мүмкін, деп хабарлайды Kazakhstan Today агенттігінің тілшісі.
Себебі осы екі шаһарға көшіп келушілер алдымен баспана алуға кезекке тұрады. Басқаларын жарылқай алмай жатқанда, оларды қамқорлыққа алу негізсіз екен. Осындай тосын ұсыныс бүгін халықты тұрғын үймен қамту мәсеселерін талқылаған Мәжілістегі тыңдауда айтылды. Жиында жарнамасы жер жарған "Қолжетімді баспана" бағдарламасының шикі тұстары тағы да сынға ілікті.
Парламенттік тыңдаулар бұған дейін шағын кабинеттерде өтіп келген-ді. Бұл жолы Дариға Назарбаева жетекшілік ететін әлеуметтік және мәдени даму комитетіне ерекше құрмет көрсетілгендей. Идетте, Елбасының қатысуымен қос палатаның біріккен отырысы өтетін кең залда бүгін талайды титықтатқан баспана мәселесі қаралды. Оған министрлер кабинетінің мүшелері мен осындай тыңдауларда төбе көрсете бермейтін әкім қаралар да Есілдің сол жағалауына алып ұшып жетіпті. Депутаттар ә дегеннен пәтер бөлуде "бармақ басты, көз қыстыға" жиі жол берілетінін ашып айтты.
Икімдердің шектен тыс "жомарттығы" жылдар бойы кезекте тұрғандардың ашуын туғызуда. Ал былтыр елімізде шенеуніктердің жайбасарлығынан осындай 147 мың азаматтың тек бес мыңы пәтерге қол жеткізген. Бұл бар болғаны үш-ақ пайыз. Ресми мәлімет бойынша Қазақстанда баспанаға мұқтаж 200 мың шаңырақ тіркеуде тұр екен. Мұндай мәліметке халық қалаулылары сенімсіздік танытып отыр. Ийтсе де атқамінерлердің сөзі оптимизмге толы.
Ақшасы жоқтарға шенділер пәтерді жалға алуды ұсынып отыр. Бірақ табысы 100 мың теңгеге жетпейтін отбасылар одан күдерін үзе берсе де болады. Қазіргі таңда еліміздегі әрбір екінші тұрғын жайлы бұрышқа мұқтаж. Ал біраз сынға іліккен "Қолжетімді баспана" бағдарламасы халықтың қалтасы көтере алатындай болмаса алдағы 50 жылда тұрғын үй түйткілін шешу қиынға соғатын түрі бар.
Ал бүгін депутат Рауан Шаекин тіпті айды аспанға бір-ақ шығарды. Ол баспана зарын тартқандардың үштен бір бөлігі Астана мен Алматыда тұрады. Сондықтан осы екі шаһарға басқа аймақтардан көшіп келгендерді тіркеуге алуды доғаруды ұсынды. Алдымен кезекке тұрғандарды жарылқап алайық деді. Ал төменгі палатадан сын естіген Үкімет айтылған олқылықтарды түзеуге уәде беріп тарқасты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Қазақстан жастары арасында "Бірлескен болашақ, үздік әлем - адамзаттың ортақ тағдырлас тұлғасын қалыптастыру" тақырыбында сурет салу байқауын өткізу туралы хабарландыру
Сурет: russian.news.cn
2013 жылдың наурыз айында Қытай Халық Республикасының төрағасы Си Цзиньпин алғаш рет адамзаттың тағдырлас ортақ тұлғасын қалыптастыру туралы бастамасын жариялаған болатын. Он жылдан астам уақыттан кейін адамзаттың тағдырлас ортақ тұлғасын қалыптастыру тұжырымдамасы қытайлық бастамадан халықаралық ортақ танымға, керемет көзқарастан бай тәжірибеге дейін дамып, тұжырымдамадан ғылыми жүйеге айналды. Бұл жүйе Қытай елінің жоспарымен әдемі әлемді бірлесіп құруға ықпал ететін, дәуірді алға бастайтын жарқыраған туға айналды.
Қазақстан жастары арасында адамзаттың тағдырлас ортақ тұлғасын қалыптастыру тұжырымдамасын түсіндіру, Қытай мен Қазақстан халықтары арасындағы алмасуды, әсіресе жастар арасындағы алмасуды жақсарту мақсатында "Бірлескен болашақ, үздік әлем - адамзаттың тағдырлас ортақ тұлғасын қалыптастыру" тақырыбында Қазақстан жастары арасында сурет салу байқауы өткізіледі.
1. Ұйымдастырушылар
Бас ұйымдастырушы: ҚХР-ның ҚР-ндағы Елшілігі
Ұйымдастырушы: Қ.Жұбанов атындағы Ақтөбе өңірлік университеті жанындағы Конфуций институты
2. Байқауға қатысушылар
1) Қазақстан Республикасы азаматтығы бар жастар;
Жас категориялары: балалар, оқушылар, студенттер;
Балалар: 12 жасқа дейін қоса алғанда;
Оқушылар: 13-20 жас қоса алғанда;
Студенттер: 21-30 жас қоса алғанда.
3. Тақырыбы және жұмыс түрлері
Тақырыбы: "Бірлескен болашақ, үздік әлем - адамзаттың тағдырлас ортақ тұлғасын қалыптастыру".
Жұмыс түрлері: көркемсурет, кескіндеме, сурет (қолданылатын материалдар мен өлшемге шектеу қойылмайды).
4. Байқау жұмыстарына қойылатын талаптар.
1) Байқауға жұмыстардың ажыратымдылығы жоғары фотосуреттері қабылданады. Бір қатысушы тек бір жұмыстың суретін ұсынады. (кемінде 2 МБ). Файл атауы: "Реттік нөмірі + жұмыс авторының толық аты-жөні + жас тобы + жұмыс атауы/тақырып" болуы керек.
2) Жұмысты іс жүзінде қатысушының өзі жасау керек, балалар тобына қатысушылар жұмысты ата-анасының немесе жетекшісінің жетекшілігімен жасай алады.
5. Байқау форматы:
Жұмыстың фотосуретін көрсетілген электрондық поштаға жіберу қажет.
6. Тіркеу әдісі:
Әрбір қатысушы тіркелу бланкасын толтырады (қосымшада, бір қатысушы үшін бір бланк), тіркелу бланкасы + жұмысты мына электрондық поштаға жібереді: [email protected]. Хат атауы: "жас тобы+қатысушының аты-жөні".
Егер қатысушылар оқу орнынан / ұйымнан ұсынылса, барлық жұмыстарды мұрағатқа бір файлмен жіберу керек, Пошта тақырыбының атауы "Оқу орнының/ұйымның атауы".
Ұйымдастыру комитеті байланыс және кейінгі хабарламалар үшін қатысуға өтінім бланкісінде көрсетілген байланыс нөмірлері негізінде WhatsApp қосымшасында қатысушылар тобын құрады.
7. Байқауды өткізу уақыты:
1. Конкурстық жұмыстарды жинау: 15 сәуір-31 тамыз.
2. Конкурстық жұмыстарды бағалау: 1-10 қыркүйек.
3. Қорытындыларды жариялау: 10 қыркүйектен кейін.
8. Қорытындыларды жариялау әдісі:
Қатысушылар тобында, ҚХР-ның ҚР-дағы Елшілігі @chinaembkazakh парақшасында және Қ. Жұбанов атындағы Ақтөбе өңірлік университеті жанындағы Конфуций институтының Instagram парақшасында @zhubanov_confucius жариялаймыз.
9. Жүлделер мен дипломдар:
1-ші орын (әр жас тобынан 1 қатысушы): 1 жүлде;
2-ші орын (әр жас тобынан 2 қатысушыдан): 1 жүлде;
3-ші орын (әр жас тобынан 3 қатысушыдан): 1 жүлде;
Белсенді қатысқаны үшін (әр жас тобына 3 қатысушыдан): 1 жүлде;
Белсенді ұйым үшін (3 мекеме): 1 жүлде.
Барлық жеңімпаздар Қытай Халық Республикасының Қазақстан Республикасындағы Елшілігі атынан диплом алады.
10. Байланыс ақпараты:
Қ. Жұбанов атындағы АӨУ жанындағы Конфуций институты.：
Байланыс: Алитурлиев Алибек
WhatsApp: +7-702-625-55-10
Электрондық пошта: [email protected]
Instagram：@zhubanov_confucius
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда "Қоқысты кофеге айырбаста/снэк" акциясы басталады
Қалада басталған "Алматы - біздің ортақ үйіміз" науқаны аясында "Қоқысты кофеге/снэк айырбаста" акциясы өтеді, деп хабарлайды Алматы қаласы әкімдігінің баспасөз қызметінен.
Акцияны өткізу мерзімі: 2024 жылғы 15 сәуір - 8 мамыр.
Қоқысты кофеге/снэк айырбаста" - бұл қала тұрғындарын сыйлық купондарының орнына қайталама шикізатты жинауға және қайта өңдеуге тапсыруға ынталандыратын экологиялық бастама. Акция қалдықтармен байланысты мәселелер және оларды қайта өңдеудің маңыздылығы туралы хабардар болуға бағытталған.
Акцияға Алматы қаласының барлық тұрғындары мен қонақтары қатыса алады. Қатысушыларға макулатура, пластикалық бөтелкелер, алюминий банкалар, шыны бөтелкелерді қоса алғанда, қайта өңдеу үшін белгілі бір мөлшерде қайта өңдеуге арналған шикізатты өз бетінше жинау ұсынылады.
Жиналған материалдар қайталама шикізатты қабылдау пункттеріне келесі мекенжайлар бойынша тапсырылады:
№
Аудан
Қабылдау пункттері
Мекенжайы
1
Алатау
Ecosen
Нуркент ш/а, 7/1
2
Алмалы
Ecosen
Байзақов көш, 73/1
3
Әуезов
Kazakhstan Waste Recycling
8-й ш/а, 58а
4
Әуезов
Kazakhstan Waste Recycling
Аксай-3 ш/а, 1а/1
5
Бостандық
Kazakhstan Waste Recycling
Тимирязев көш, 81/3 киоск
6
Бостандық
Ecosen
Розыбакиев көш, 247/3
7
Медеу
Kazakhstan Waste Recycling
Самал-1, 32 киоск
8
Медеу
Эко-товарлардың "Hello Eco" дүкені
Самал-2, 56А үйі
9
Жетісу
Қабылдау пункті
Қазыбаев көш, 264а (Карина Trading)
10
Наурызбай
Қабылдау пункті
Райымбек даңғылы, 548/2
11
Түрксіб
Қабылдау пункті
Жас Канат ш/а, 1/28
Әр материал үшін купонның бес түрі ұсынылады: пицца купоны, бургер, кафе, донер және додстер. Берілген әрбір купонның осы науқанға қатысатын тамақтану орындарының мекенжайлары бар өзінің бірегей промокоды болады.
Қатысушылар қайта өңделетін заттарды келесі шарттармен купондарға айырбастай алады:
- Кофе купонына 2 кг макулатура (Қағаз, картон);
- Бургер купонына 1 кг пластикалық бөтелкелер (ПЭТ бөтелкелері);
- Донер немесе додстер купонына 1 кг алюминий банка;
- Пицца купонына 3 кг мөлдір шыны (түссіз) бөтелкелер.
Купондардың жарамды мерзімі 2024 жылдың 8 мамырына дейін. Акцияның серіктестері "Salam Bro", "Dodo pizza", "Gippo", "Degirmen" компаниялары болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада ауыл шаруашылығы жәрмеңкесі қайта ашылды
Сурет: gov.kz
Астанада қалалық және өңірлік тауар өндірушілердің қатысуымен демалыс күндері ауыл шаруашылығы жәрмеңкесі қайта ашылды, деп хабарлайды Астана қаласы әкімдігінің баспасөз қызметінен.
Дәстүр бойынша, ауыл шаруашылыы жәрмеңкесі әр демалыс сайын Астананың сол жағалауындағы Сауран, 7 мекенжайында өтеді.
Кәсіпкерлер тауарлардың кең ассортиментін ұсынады, оның ішінде сүт, азық-түлік және ет өнімдері, көкөністер, жеміс-жидек, сондай-ақ әлеуметтік маңызы бар азық-түлік тауарларының барлық түрлері - нан өнімдері, жарма, жұмыртқа, күнбағыс, май, қант және т.б. Жәрмеңке демалыс күндері сағат 10.00-ден 19.00-ге дейін өтеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.