Қазақстан Республикасындағы Біріккен Ұлттар Ұйымының Тұрақты үйлестірушісі Норимаса Шимомура мырза және "БҰҰ-Әйелдер" құрылымы Қазақстандағы ұжымының Халықаралық әйелдер күніне орай бірлескен мәлімдемесі
Осы жетістіктерді мойындай отырып, біз әйелдердің қандай кедергілерге кезігетінін білеміз. Мемлекеттік және жеке сектордағы шешімдер қабылдау деңгейінде әйелдер жеткілікті түрде ұсынылмаған, ал әйелдердің Қазақстандағы саяси өмірге қатысуы белгіленген мақсаттар деңгейінен әлі де төмен.
Алматы. 6 наурыз. Kazakhstan Today - Қазақстан Республикасындағы Біріккен Ұлттар Ұйымының Тұрақты үйлестірушісі Норимаса Шимомура мырза және "БҰҰ-Әйелдер" құрылымы Қазақстандағы ұжымының Халықаралық әйелдер күніне орай бірлескен мәлімдемесі
НҰР-СҰЛТАН - Халықаралық әйелдер күнін Қазақстан халқымен бірге атап өтіп, біз әйелдерді әйелдер құқықтары мен қадір-қасиетін құрметтеу, сонымен қатар теңдікке жету жолындағы жетістіктерімен құттықтаймыз.
Биылғы Халықаралық әйелдер күнінің тақырыбы: "Мен - теңдік буыны өкілімін: әйелдер құқығын іске асыру". #ТеңдікБуыны (GenerationEquality) - адам құқығын қорғауға және өркендеген қоғам құру жолында ұрпақтар мен күшті біріктіру мүмкіндігі. 2020 жылы әлемдегі әйелдер мен қыздардың құқықтарын қорғау саласындағы ең жетілдірілген жоба болып табылатын Бейжің декларациясы мен Іс-қимыл платформасының қабылданғанына 25 жыл толуда. Осыған орай 2020 жыл 1995 жылы Бейжіңде жарияланған міндеттемелерді орындау үшін көбірек күш жұмылдыруда үкіметтер, азаматтық қоғам, жастар және белсенділерді ынталандыруға арналады.
2020 жылы біз сонымен қатар бірнеше маңызды сәттерді атап өтудеміз: Біріккен Ұлттар Ұйымының 75-жылдығы және Тұрақты даму мақсаттары бойынша іс-қимыл онжылдығы.
Қазақстан тұрақты даму мақсаттарына сәйкес гендерлік теңдікке жету және әйелдердің мүмкіндіктерін кеңейтуде айтарлықтай үлкен жұмыс атқарды. Қазақстан тұрмыстық және жыныстық зорлық-зомбылықты алдын алу және оған қарсы әрекет ету саласындағы заңнаманы жетілдіру бойынша белсенді жұмыс жүргізуде, әйелдер істері бойынша ұлттық механизм және Қазақстан Үкіметі азаматтық қоғаммен теңсіздік пен дискриминацияны жою үшін сұхбат орнату, әлеуметтік жағынан осал әйелдерді қолдау және әйелдердің экономикалық мүмкіндіктерін кеңейту құралдарын жасау бойынша жұмыс жүргізуде.
Осы жетістіктерді мойындай отырып, біз әйелдердің қандай кедергілерге кезігетінін білеміз. Мемлекеттік және жеке сектордағы шешімдер қабылдау деңгейінде әйелдер жеткілікті түрде ұсынылмаған, ал әйелдердің Қазақстандағы саяси өмірге қатысуы белгіленген мақсаттар деңгейінен әлі де төмен. Жұмыс орындағы жыныстық қудалау, әйелдердің шектеулі мансаптық мүмкіндіктері, ерлер мен әйелдер арасындағы жалақы айырмашылығы және төленбейтін үй жұмысы мәселесін шешу үшін көп күш салу қажет. Бұл шешім жұмыс орындағы теңдікті және бала күтімі бойынша жауапкершілікті арттыратын тиімді саясатты, сондай-ақ отбасыларға мемлекеттік қолдауды қамтамасыз ететін және бейресми секторда жұмыс істейтіндердің қажеттіліктерін қанағаттандыратын іс-қимылдарды қамтиды.
Біз Қазақстандағы әйелдердің сындарлы әлеуметтік өзгерістерге ықпал ету үшін күрделі тақырыптар бойынша ұстанымын білдірудің керемет мысалдарын, көптеген әйелдер мен қыздардың ғылымда, бизнесте, білім беру және басқа да көптеген маңызды салаларда топ жарып, қызмет жасайтындығын көрудеміз. Қазақстанның тәжірибесі бар, сондықтан аталған мәселелерді шешуге болады. Қазақстан өз қоғамының барлық топтары мен білімін жұмылдырса, гендерлік теңдік тұжырымдамасын толығымен іске асыруға болады.
Біз жас әйелдер мен ерлерді, қыздар мен ұлдарды осы шешуші сәттің алдыңғы қатарында болып, "ешкімді артта қалдырмау" ұранымен осыдан да әділ әлемдегі өмір үшін өзгерістерге ат салысуға шақырамыз. Қазақстандағы БҰҰ жүйесі аталған бағыт бойынша Қазақстанға барынша қолдау көрсетуге дайын екенін тағы да растайды.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.