13.01.2021, 20:45 16949

Қазақстанда әлеуметтік қызметкерлердің лауазымдық еңбекақысы 2 есеге өседі

Нұр-Сұлтан. 13 қаңтар. Kazakhstan Today - Қазақстанда әлеуметтік қызметкерлердің лауазымдық жалақылары 2 есе өседі, деп хабарлайды Kazakhstan Today ҚР Еңбек және халықты әлеуметтік қорғау министрлігінің баспасөз қызметіне сілтеме жасап.
 
Қазақстанда 2021 жылғы 1 қаңтардан бастап әлеуметтік сала қызметкерлерінің лауазымдық жалақысы 50% - ға өсті. 2022 жылы лауазымдық жалақы 25% – ға, ал 2023 жылы тағы 25% - ға өседі. Бұл мақсатқа мемлекеттік бюджеттен алдағы үш жылға 95 млрд теңге бөлінді.
 

ҚР Үкіметінің ағымдағы жылғы 12 қаңтарда өткен отырысы аясында "Азаматтық қызметшілерге, мемлекеттік бюджет қаражаты есебінен ұсталатын ұйымдардың қызметкерлеріне, қазыналық кәсіпорындардың қызметкерлеріне еңбекақы төлеу жүйесі туралы" Қазақстан Республикасы Үкіметінің 2015 жылғы 31 желтоқсандағы № 1193 қаулысына өзгерістер енгізу туралы" қаулы қабылданды, оған сәйкес өз қызметін стационарлық және жартылай стационарлық үлгідегі медициналық-әлеуметтік мекемелерде, үйде қызмет көрсету ұйымдарында, уақытша болу ұйымдарында және жұмыспен қамту орталықтарында жүзеге асыратын басшы құрам мен негізгі персоналдың (әлеуметтік қызметкерлер, педагогтар, медицина қызметкерлері және т.б.) лауазымдық жалақысын үш жыл ішінде арттыру көзделген. Нәтижесінде 2021 жылғы 1 қаңтардан бастап осы қызметкерлердің лауазымдық айлықақысы 50%-ға, 2022 жылы ағымдағы мәннен 25%-ға, 2023 жылы тағы 25%-ға өседі", - деп атап өтті ведомствода.

 
Қаулыда, сондай-ақ, қолданыстағы қосымша ақының мөлшерін базалық лауазымдық жалақының 30% - ынан лауазымдық жалақының 40% - ына өзгерту жолымен стационарлық және жартылай стационарлық үлгідегі МӘМ-де, үйде қызмет көрсету және уақытша болу ұйымдарында жұмыс істейтін әкімшілік және қосалқы персонал үшін жалақыны арттыру көзделген.
 

Осы мәселені іске асыру әлеуметтік қорғау қызметкерлерінің еңбекақы деңгейін білім беру және денсаулық сақтау салалары қызметкерлерінің жалақысына жақындатуға мүмкіндік береді, бұл кадрларды сақтауға және халыққа сапалы әлеуметтік қызмет көрсетуге ықпал ететін болады", - деп атап өтті ЕХӘҚМ.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны