Қазақстандықтар салық бойынша 24,3 млрд теңге қарыз жинады
Оның ішінде берешектің негізгі сомасы көлік құралдары салығына тиесілі – 22,8 млрд. теңге.
Оның ішінде берешектің негізгі сомасы көлік құралдары салығына тиесілі – 22,8 млрд. теңге", - деп хабарлады ҚР ҚМ Мемлекеттік кірістер комитеті.
Олардың ішінде көлік құралдары салығы бойынша салық міндеттемелерінен жалтарған автокөлік иелерінің ең көп саны келесі өңірлерде тіркелген: Алматы қ. - 88 мың борышкер бойынша берешек 5,2 млрд. теңгені құрайды; Алматы облысы - 132 мың борышкер бойынша берешек 3,9 млрд. теңгені құрайды; Нұр-Сұлтан және Шымкент қалаларында – тиісінше 2,6 млрд. теңге және 1,9 млрд. теңге берешегі бар 76 мың борышкерден.
Комитетте 2021 жылға жеке тұлғалардың көлік құралдарына салық төлеу мерзімі 2022 жылғы 1 сәуірде аяқталғанын еске салды.
2022 жылғы 17 мамырдан бастап салық сомасын уақтылы төлемеген тұлғаларға 1 АЕК-тен жоғары берешек сомалары бойынша жеке тұлғаның берешегін өндіріп алу туралы салық бұйрықтарын жолдау басталды", - деп хабарлады МКК.
Берешек төленбеген жағдайда салық бұйрығы табыс етілген күннен кейін 5 жұмыс күні өткен соң, жеке сот орындаушыларының өңірлік палатасына мәжбүрлеп орындатуға жіберіледі.
Егер қарыз 40 АЕК-тен асса, азаматқа елден шығуға тыйым салынуы мүмкін. ҚР шығуға тыйым салу туралы ақпаратты сілтеме арқылы білуге болады", - деп еске салды комитетте.
Жазғы каникул және демалыс маусымы кезінде жағымсыз салдарларды болдырмау үшін Комитет салық берешегі болған жағдайда уақытылы төлем жүргізуді ұсынады. Салық бойынша берешектің бар/жоқ екендігі туралы мәліметтерді e-Salyq Azamat мобильді қосымшасының қойындысы Электронды сервистер>Салық және әлеуметтік төлемдер бойынша берешек туралы қызметі>ЖСН-ды енгізу арқылы тексеруге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
Алматы мен Алматы облысында электр энергиясы қымбаттауы мүмкін
Алатау Жарық Компаниясы" АҚ-ның "Энергосбыт" филиалы Алматы қаласы мен Алматы облысының тұтынушылары үшін электр энергиясының жаңа шекті бағасының жобасын Алматы қаласы бойынша Табиғи монополияларды реттеу комитеті департаментіне жолдады, деп хабарлайды компанияның баспасөз қызметінен.
Тиісті мекеме жобаны мақұлданған жағдайда өзгерістер 2026 жылғы 20 тамыздан бастап күшіне енеді. Ұсынылып отырған шекті тариф ҚҚС-сыз 1 кВт·сағат үшін 39,36 теңгені құрайды.
Компанияның түсіндіруінше, тарифті қайта қарау қажеттілігі бірыңғай сатып алушы - "ЖЭК жөніндегі есеп айырысу-қаржы орталығы" ЖШС-нен электр энергиясын сатып алу құнының өсуіне байланысты. 15 шілдеден бастап оның бағасы 1 кВт·сағат үшін 13 теңгеден 16 теңгеге, яғни шамамен 23%-ға өсті.
Айта кетейік, шілде айында Алматы тұрғындары электр қуатының жиі өшуі мен кернеудің тұрақсыздығына жаппай шағымданған болатын. Мұндай жағдай бірнеше күн бойы ауа температурасы +40 градустан асқан аптап ыстық кезеңіне тұспа-тұс келді. Энергетиктердің айтуынша, кондиционерлер мен электр қуатын көп тұтынатын басқа да құрылғылардың жаппай пайдаланылуы электр желілеріне түсетін жүктемені күрт арттырып, технологиялық ақауларға себеп болған.
Алатау Жарық Компаниясы" мәліметінше, шілде айының соңына дейін Алматы қаласы мен Алматы облысының электр желілерінде жоспарлы жөндеу жұмыстары жалғасады. Олардың кестесі компанияның сайтында жарияланған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Әлемдегі ең ірі киберспорт клубтары Астанада өнер көрсетеді
Сурет: gov.kz
Қазақстан астанасында ауқымды мультиспорттық "Болашақ ойындары" турнирі аясында Tactical 3D/PUBG дисциплинасы бойынша халықаралық турнир өтеді, деп хабарлайды Астана әкімдігінің баспасөз қызметінен.
Астанадағы Ұлттық теннис орталығының аренасында 31 шілде мен 2 тамыз аралығында әлемнің ең мықты 16 командасы бақ сынайды. Қатысушылар стратегия, командалық үйлесім және жедел шешім қабылдау қабілеті шешуші мәнге ие киберспорттың ең тартысты түрлерінің бірінде үздік атану үшін бақ сынайды.
Турнирге әлемге танымал Virtus.pro, Falcons, Twisted Minds және өзге де жетекші киберспорт клубтары қатысады. Командалар жанкүйерлерге тартысқа толы кездесулер мен жоғары деңгейдегі шебер ойын көрсетеді.
Болашақ ойындары" заманауи технологиялар мен дәстүрлі спортты тоғыстырып, халықаралық киберспорт қауымдастығы үшін жаңа алаң қалыптастырады.
Турнир 31 шілде мен 2 тамыз аралығында Астанадағы Ұлттық теннис орталығында өтеді.
Жанкүйерлер әлемнің үздік командалары арасындағы тартысты бәсекені тікелей тамашалай алады. Іс-шараға кіру билет арқылы кіруге болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Сарапшылар Көкжайлауға құрылыс салу Алматыда ауызсу тапшылығына акеп соқтыруы мүмкін деп ескертті Эксклюзив КТ
Сурет: Depositphotos
Көкжайлауға құрылыс салу жерасты су қорының сарқылуына және ауызсу тапшылығына әкелуі мүмкін. Бұл туралы "Алматы экологиялық қоғамы" қоғамдық бірлестігінің сарапшылары Kazakhstan Today агенттігінің тілшісіне берген эксклюзивті сұхбатында мәлімдеді.
Мамандардың айтуынша, курорттың жұмыс істеуі үшін Үлкен және Кіші Алматы өзендерінің саласы болып саналатын Қазақ өзенінен су алынуы қажет болады. Бұл табиғи гидрологиялық режимнің бұзылуына әкеліп, тарихи қалыптасқан жерүсті және жерасты суларының өзара байланысын әлсіретеді.
Өзеннен су алу жерасты су қорының сарқылуына себеп болады. Соның салдарынан жерасты көздерінен алынатын ауызсу тапшылығы туындауы мүмкін", - деді сарапшылар.
Сондай-ақ, олардың пайымдауынша өзеннен су алу тау және жағалау өсімдіктерін, ағаштарды, жануарлар мен құстарды қажетті ылғалдан айырып, олардың жойылуына әкелуі ықтимал.
Аумағы 155 гектарды құрайтын курорттың шаңғы трассаларын жасанды қармен қамтамасыз ету үшін орасан зор көлемде су қажет болады. Шетелдік есептерге сәйкес, 1 акр жерді қалыңдығы 30 сантиметр қармен жабу үшін шамамен 757 мың литр су жұмсалады. Демек, 155 гектарды бір рет қармен жабудың өзіне 289 931 000 литрге дейін су қажет болады. Ал мұндай қарлату бірнеше рет жүргізіледі. Бұған қоса, курорттағы көптеген ғимараттар мен нысандарды шаруашылық-тұрмыстық сумен қамтамасыз ету үшін алынатын су көлемі тағы бар", - деп атап өтті мамандар.
Сарапшылардың толық пікірін сілтеме арқылы оқуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматы-Бішкек тас жолының учаскесін төрт жолдан сегіз жолаққа дейін кеңейту басталды
Сурет: ҚазАвтоЖол
Алматы қаласына кіреберістегі ең қарқынды учаскелердің бірінде Алматы - Бішкек халықаралық автожолын төрт жолақтан сегіз жолаққа дейін кеңейту жұмыстары басталды, деп хабарлайды "ҚазАвтоЖол" ұлттық компаниясының баспасөз қызметінен.
Қайта жаңарту жұмыстары Алматы облысының Қарасай ауданындағы 19-27 шақырым аралығын қамтиды.
Мекеменің мәлімдеуінше, жоба еліміздегі ең жүктемесі жоғары көлік дәліздерінің бірін жаңғыртуды көздейді. Бұл жолмен тәулігіне 70 мыңнан астам автокөлік қатынайды.
ҚазАвтоЖол" басқарма төрағасы Дархан Иманашев қайта жаңарту жолдың өткізу қабілетін едәуір арттырып, қозғалыс қауіпсіздігін күшейтуге және Алматы агломерациясының көлік қолжетімділігін жақсартуға мүмкіндік береді деп атап өтті.
Қазіргі таңда төрт жолақты автожол көлік ағынын толық көтере алмай, тұрақты жол кептелісінің пайда болуына және жол-көлік оқиғаларының артуына себеп болуда.
Күрделі жөндеу аясында жол төрт жолақтан сегіз жолаққа дейін кеңейтіледі. Сонымен қатар, "Таға" үлгісіндегі екі жолайрық, тоғыз жерүсті жаяу жүргіншілер өткелі, учаскенің бүкіл бойымен тротуарлар, сыртқы жарықтандыру жүйесі салынып, жаңа жол жамылғысы төселеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан Сыртқы істер министрлігі мұнай тасымалдайтын танкерлерге жасалған ұшқышсыз ұшу аппараттарының шабуылдарын айыптады
Сурет: ҚР СІМ
Қазақстан Республикасының Сыртқы істер министрлігі 2026 жылғы 17 және 19 шілдеде Қара теңіз акваториясында Каспий құбыры консорциумының (КҚК) инфрақұрылымы арқылы мұнайды заңды түрде тасымалдауға тартылған азаматтық кемелерге ұшқышсыз ұшу аппараттарының жасаған шабуылдарын қатаң айыптайды.
Аталған шабуылдарды Қазақстан Республикасының экономикалық мүдделеріне жол беруге болмайтын қол сұғушылық, сондай-ақ заңды халықаралық сауданы, жаһандық энергетикалық нарықтар мен халықаралық көлік-логистикалық жеткізу тізбектерінің қауіпсіздігін тұрақсыздандыруға бағытталған қасақана әрекеттер ретінде қарастырамыз.
Қара теңіз акваториясына КҚК терминалдарында мұнай тиеу мақсатында кіретін азаматтық кемелер туралы ақпарат алмасудың барлық мүдделі тараптар бұрын келіскен тетігінің әдейі ескерілмегені ерекше алаңдаушылық туғызады. Бұл азаматтық кемелер экипаждарының өмірі мен қауіпсіздігіне қатер төндірді.
Қазақстан шабуылдарды дереу тоқтатуды және қазақстандық көмірсутек шикізаты экспорты инфрақұрылымының қауіпсіздігін қамтамасыз ету мақсатында жан-жақты шаралар қабылдауды талап етеді.
Серіктес мемлекеттерді аталған шабуылдарды батыл айыптауға шақырамыз және барлық мүдделі тараптарды нақты іс-жүзіндегі шараларды бірлесіп әзірлеуге үндейміз. Халықаралық құқық нормаларын мүлтіксіз сақтау ғана осындай оқиғалардың қайталануына жол бермейді деп есептейміз.
Қазіргі уақытта Қазақстан Республикасы келтірілген залалға жан-жақты бағалау жүргізуде. Оның қорытындылары бойынша Қазақстан өзінің заңды мүдделерін қорғау үшін халықаралық құқықта көзделген барлық тетіктерді, оның ішінде келтірілген залалды өтеу туралы талаптар қою құқығын өзіне қалдырады.
Қазақстан Республикасы қақтығыстарды бейбіт жолмен реттеудің баламасы жоқ екенін атап көрсетеді, халықаралық құқық қағидаттарына, кеме қатынасы еркіндігіне және халықаралық көлік-логистикалық әрі энергетикалық бағыттардың сенімді жұмыс істеуін қамтамасыз етуге бейілділігін растайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Түркістанда "Шәмші әндері" фестивалі бастау алды
Сурет: Түркістан облысының әкімдігі
Түркістанда әйгілі қазақ композиторы, танымал әндердің авторы әрі "қазақ вальсінің королі" Шәмші Қалдаяқовтың шығармашылығына арналған "Шәмші әндері" өнер фестивалі ашылды, деп хабарлайды Түркістан облысы әкімдігінің баспасөз қызметінен.
Ашылу рәсіміне Түркістан облысының әкімі Нұралхан Көшеров, зиялы қауым өкілдері, өңір тұрғындары және қала қонақтары қатысты.
Концерттік бағдарламада Шәмші Қалдаяқовтың ең танымал шығармалары қазақстандық эстрада жұлдыздары мен жас өнерпаздардың орындауында шырқалды. Сахнаға "Жігіттер" квартеті, Melomen, "Сарын", Turan Boys топтары, сондай-ақ Мөлдір Әуелбекова, Маржан Арапбаева, Алтынай Жорабаева, Досымжан Таңатаров, Әли Оқапов, Ғазизхан Шекербеков, Асқар Жүнісбеков, Қанай, Руслан Ақынбаев, Аяжан Нұрмаханбет, Маржан Ерланқызы, Данияр Барыс, Эльвира Мамытова және басқа да өнер жұлдыздары шықты.
Мерекелік кешті Нұрсұлтан Есжан мен Алла Гаврина жүргізді.
Облыс әкімдігінің баспасөз қызметі Мемлекет басшысының бастамасымен Түркістанға ерекше мәртебе беріліп, қаланы түркі әлемінің мәдени, рухани, тарихи және туристік орталығы ретінде дамытуға бағытталған арнайы заң қабылданғанын еске салды. Осының нәтижесінде Түркістанға келетін туристер саны жыл сайын артып келеді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстанда 48 градусқа дейін аптап ыстық болады деп күтілуде
Сурет: Depositphotos
18-20 шілде аралығында Қазақстанның басым бөлігінде ауа райы құбылмалы болып, елдің батысында, солтүстігінде және орталығында найзағайлы жаңбыр жауса, шығыс пен оңтүстікте аптап ыстық болады, деп хабарлайды "Қазгидромет" синоптиктері.
Қостанай облысының жекелеген аудандарында қатты жаңбыр жауады деп күтілуде. 19-20 шілдеде Солтүстік Қазақстан және Ақмола облыстарында, ал 20 шілде күндіз Батыс Қазақстан мен Ақтөбе облыстарында нөсер жаңбыр жауады деп болжанып отыр. Кей жерлерде бұршақ жауып, екпінді жел соғады, ал оңтүстікте шаңды дауыл соғуы мүмкін.
Жауын-шашын тек елдің оңтүстігі мен оңтүстік-шығысында, сондай-ақ 18 шілдеде орталық өңірлерде жаумайды.
Қазақстанның солтүстік-батысы мен солтүстігінде күндіз ауа температурасы +21…+29 градусқа дейін төмендесе, шығыс пен орталықтың басым бөлігінде +35…+39 градусға дейін аптап ыстық болады. Еліміздің орталық және шығыс өңірлерінің оңтүстігінде ауа температурасы +42 градусқа, оңтүстік-батыста +44 градусқа, ал елдің оңтүстігі мен оңтүстік-шығысында +45…+48 градусқа дейін көтеріледі.
Бүгін Астанада жауын-шашынсыз, ауа температурасы +34…+36°C, Алматыда жауын-шашынсыз +40…+42°C, Шымкентте жауын-шашынсыз +45…+47°C болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Көк-Жайлауға құрылыс салудың салдаы ауыр болады - сарапшылар
Экологиялық қоғам Алматы" қоғамдық бірлестігінің сарапшылары Kazakhstan Today агенттігіне берген эксклюзивті сұхбатында Көк-Жайлауға құрылыс салудың экологиялық салдары ауыр жане орны толмайтын қателік болатынын мәлімдеді.
Мамандардың пікірінше, табиғи ортадан, орман алқаптарынан, биологиялық алуантүрліліктен, су ресурстарынан, мұздықтардан және олар қамтамасыз ететін экожүйелік игіліктерден айырылуды ешқандай экономикалық тиімділікпен өтеу мүмкін емес.
Сарапшылар Көк-Жайлау шатқалына табиғи қалпын сақтаған жабайы табиғат нысаны ретінде ерекше мәртебе берілуі тиіс екенін атап өтті.
Олардың айтуынша, бұл аумақ тек қала тұрғындары мен қонақтарының жаяу серуендеуіне пайдаланылып, ең бастысы, өзінің табиғатты қорғау жөніндегі негізгі міндетін - ұлттық табиғи парк ормандарын өсіріп, қорғап және сақтау қажет.
Сонымен қатар мамандардың пікірінше, Көк-Жайлауда заңбұзушылықтардың алдын алу үшін Үкімет үш мемлекеттік орман күзеті кордонын табиғат қорғау инспекторларымен бірге құрып, аумақты тұрақты патрульдеуді ұйымдастыруы, сондай-ақ "Көк-Жайлау" орман шаруашылығын ашып, аумақты қоқыстан тазалайтын тұрақты қызметкерлерді тартуы қажет.
Бұдан бөлек, шатқалға зиян келтіретін автокөліктердің, мотоциклдердің, мопедтердің, квадроциклдердің және велосипедтердің еркін жүруіне қатаң түрде тыйым салу қажет екенін айтты.
Сарапшылардың толық пікірімен сілтеме арқылы танысуға болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.