БАКУ. 23-мамыр. Kazakhstan Today. Бүгін Бакуде Каспийдегі теңіз ортасын қорғау жөніндегі негіздемелік конвенцияға қатысушы жақтардың бірінші конференциясы басталды, деп хабарлайды Kazakhstan Today тілшісі
Шараны ашқан Изербайжанның экология және табиғи ресурстар министрі Гусейн Багиров Изербайжанның Бакуде аталмыш бас қосуды өткізуге айрықша маңыз беретінін атап өтті.
Ол 23-24-мамырда конференцияның Каспий теңізін қоршай орналасқан бес мемлекеттің экологиялық мекемелерінің сарапшылары деңгейінде өтетінін жеткізді. Тараптар конференцияның қаржылық және процедуралық ережелерін; Негіздемелік конвенцияның ұйымдастырылу құрылымына қатысты мәселелерді; Каспийдегі тастанды суларды басқару мен теңізді қоршаған ортаны қорғауға қатысты басқа да шаралар жайын талқылайды. 25-мамыр, жұмада конференция министрлер деңгейінде өз жұмысын жалғастырады, бұл кездесу барысында қабылданған шешімдерді бекіту үшін бірқатар хаттамаға қол қойылмақ.
"Бас қосу барысында "Негіздемелік конвенцияға қатысушы жақтардың конференциясының процедуралық ережелері", "Негіздемелік конвенцияға қатысушы жақтардың конференциясының қаржылық ережелері", Негіздемелік конвенцияның ұйымдастырушылық құрылымы жөніндегі құжат пен басқа да бірқатар құжаттар қабылданады. Шараның қорытындысы бойынша тараптардың бірінші конференциясының декларациясы қабылданады",- деп хабарлайды министрлік.
"қабылданған шешімдер каспийді қоршай орналасқан бес мемлекеттің әл-ауқатының артуына қызмет етеді деп сенеміз. Изербайжан жағы Каспийдегі теңіз ортасын қорғау жөніндегі негіздемелік конвенцияның тұрақты хатшылығының іс-қызметін Бакуде ұйымдастыру жөнінде бұрын жасаған ұсынысын қайта растағысы келеді. Біз хатшылықтың қалыпты жұмыс істеуіне қажетті барлық жағдайларды жасауға дайынбыз",- деді министр.
Конвенция 2003-жылдың 4-қарашасында Тегеранда хатталған. Оған Изербайжан, Иран, Қазақстан, Ресей және Түрікменстан қол қойды.
Бұл конвенцияның мақсаты Каспий теңізіндегі қоршаған ортаны барлық ластау көздерінен қорғау, сондай-ақ, Каспий теңізінің ресурстарын күзету, сақтау мен тиімді пайдалану болып табылады. Құжатта сонымен қатар Каспий теңізі ортасын күзету, сақтау мен қалпына келтірудің, оның ластануының алдын алуға бағытталған тиісті шараларды дербес немесе бірлесе қабылдау қарастырылған.
Конвенция ережелерін орындауда келісуші жақтар басшылыққа алатын басты принциптердің бірі - "ақшаны ластаушы төлейді" деген принцип болмақ. Оған сәйкес теңіздің бассейніне кері әсер еткен жақ Каспийдегі теңіз ортасының ластануының алдын алу, бақылау мен азайтуға бағытталған шаралардың шығынын өз мойнына алады.
Каспийдегі теңіз ортасын қорғау жөніндегі негіздемелік конвенцияны Изербайжан 2006-жылдың сәуірінде бекітті.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Бакуде Каспийдегі теңіз ортасын қорғау жөніндегі негіздемелік конвенцияға қатысушы жақтардың бірінші конференциясы басталды
тақырып бойынша жаңалықтар
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Панфиловшы - Батырлардың шыңына Альпиниада өтеді
Ағымдағы жылдың 7 мамырында Отан қорғаушылар күнінің құрметіне орай және "Алматы - біздің ортақ үйіміз" науқаны аясында Кішіалматы шатқалының ең әдемі шыңдарының бірі- Панфиловшы- Батырлар шыңына жаппай өрмелеп шығу өтеді, деп хабарлайды Алматы қаласы әкімдігінің баспасөз қызметінен.
Шыңға өрмелеу бағыты Медеу биік таулы мұз айдынынан (1600 м) жалпы ашылуымен сағат 05:30-да басталады және "Шымбұлақ" тау шаңғысы курорты, Тұйық су, Мыңжылқы шатқалдары, Мәншүк Мәметова мұздығы мен асуынан, Панфиловшы- Батырлар шыңына(4120 м) көтеріледі. Бағыт өте күрделі-қиындық санаттары 1А.
Шыңға өрмелеуді ұйымдастырушылар- Алматы қаласынрың Туризм басқармасы (Almaty_Tourism Bureau), Алматының альпинизм Федерациясы (falp.kz) және Алматы мен Қазақстанның спорттық туристер Достастығы (Turclub.kz). Альпиниадаға қатысуға барлық ниет білдірушілер шақырылады. Кері бағытта қатысушыларға "Алматы - біздің ортақ үйіміз" науқаны аясында бағыт бойындағы қоқыс пен ұсақ қалдықтарды жинауға қосылу ұсынылады.
Қатысушылар таудағы ауа-райына сәйкес жабдықталуы керек, шаңғы таяқшаларын пайдалану ұсынылады. Альпиниаданың барлық қатысушылары үшін 2023 жылғы 7 мамырда сағат 05:30-дан 08:30-ға дейін Медеу - Шымбұлақ - Медеу гондолалық жолында жол жүру құны 1000 теңгені құрайды. Альпиниаданы өткізу қауіпсіздігін Алматы қаласының альпинизм федерациясының күштері және Қазақстанның тау құтқарушылар қауымдастығы қамтамасыз етеді.
Панфиловшы- Батырлар шыңын алғаш рет 1942 жылы Бүкілодақтық тау-кен даярлау мектебінің курсанттар тобы бағындырған болатын. 2012 жылдан бастап осы бағыт бойынша альпиниадалар жыл сайын өткізіледі.
Іс-шара Алматы қаласының халқы мен жастарын белсенді демалыс түрлеріне, салауатты өмір салтын ұстануға, қоршаған ортаға және тауларға бару мәдениетіне ұқыпты қарау құндылықтарын қалыптастыруға тартуға арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан жастары арасында "Бірлескен болашақ, үздік әлем - адамзаттың ортақ тағдырлас тұлғасын қалыптастыру" тақырыбында сурет салу байқауын өткізу туралы хабарландыру
Сурет: russian.news.cn
2013 жылдың наурыз айында Қытай Халық Республикасының төрағасы Си Цзиньпин алғаш рет адамзаттың тағдырлас ортақ тұлғасын қалыптастыру туралы бастамасын жариялаған болатын. Он жылдан астам уақыттан кейін адамзаттың тағдырлас ортақ тұлғасын қалыптастыру тұжырымдамасы қытайлық бастамадан халықаралық ортақ танымға, керемет көзқарастан бай тәжірибеге дейін дамып, тұжырымдамадан ғылыми жүйеге айналды. Бұл жүйе Қытай елінің жоспарымен әдемі әлемді бірлесіп құруға ықпал ететін, дәуірді алға бастайтын жарқыраған туға айналды.
Қазақстан жастары арасында адамзаттың тағдырлас ортақ тұлғасын қалыптастыру тұжырымдамасын түсіндіру, Қытай мен Қазақстан халықтары арасындағы алмасуды, әсіресе жастар арасындағы алмасуды жақсарту мақсатында "Бірлескен болашақ, үздік әлем - адамзаттың тағдырлас ортақ тұлғасын қалыптастыру" тақырыбында Қазақстан жастары арасында сурет салу байқауы өткізіледі.
1. Ұйымдастырушылар
Бас ұйымдастырушы: ҚХР-ның ҚР-ндағы Елшілігі
Ұйымдастырушы: Қ.Жұбанов атындағы Ақтөбе өңірлік университеті жанындағы Конфуций институты
2. Байқауға қатысушылар
1) Қазақстан Республикасы азаматтығы бар жастар;
Жас категориялары: балалар, оқушылар, студенттер;
Балалар: 12 жасқа дейін қоса алғанда;
Оқушылар: 13-20 жас қоса алғанда;
Студенттер: 21-30 жас қоса алғанда.
3. Тақырыбы және жұмыс түрлері
Тақырыбы: "Бірлескен болашақ, үздік әлем - адамзаттың тағдырлас ортақ тұлғасын қалыптастыру".
Жұмыс түрлері: көркемсурет, кескіндеме, сурет (қолданылатын материалдар мен өлшемге шектеу қойылмайды).
4. Байқау жұмыстарына қойылатын талаптар.
1) Байқауға жұмыстардың ажыратымдылығы жоғары фотосуреттері қабылданады. Бір қатысушы тек бір жұмыстың суретін ұсынады. (кемінде 2 МБ). Файл атауы: "Реттік нөмірі + жұмыс авторының толық аты-жөні + жас тобы + жұмыс атауы/тақырып" болуы керек.
2) Жұмысты іс жүзінде қатысушының өзі жасау керек, балалар тобына қатысушылар жұмысты ата-анасының немесе жетекшісінің жетекшілігімен жасай алады.
5. Байқау форматы:
Жұмыстың фотосуретін көрсетілген электрондық поштаға жіберу қажет.
6. Тіркеу әдісі:
Әрбір қатысушы тіркелу бланкасын толтырады (қосымшада, бір қатысушы үшін бір бланк), тіркелу бланкасы + жұмысты мына электрондық поштаға жібереді: [email protected]. Хат атауы: "жас тобы+қатысушының аты-жөні".
Егер қатысушылар оқу орнынан / ұйымнан ұсынылса, барлық жұмыстарды мұрағатқа бір файлмен жіберу керек, Пошта тақырыбының атауы "Оқу орнының/ұйымның атауы".
Ұйымдастыру комитеті байланыс және кейінгі хабарламалар үшін қатысуға өтінім бланкісінде көрсетілген байланыс нөмірлері негізінде WhatsApp қосымшасында қатысушылар тобын құрады.
7. Байқауды өткізу уақыты:
1. Конкурстық жұмыстарды жинау: 15 сәуір-31 тамыз.
2. Конкурстық жұмыстарды бағалау: 1-10 қыркүйек.
3. Қорытындыларды жариялау: 10 қыркүйектен кейін.
8. Қорытындыларды жариялау әдісі:
Қатысушылар тобында, ҚХР-ның ҚР-дағы Елшілігі @chinaembkazakh парақшасында және Қ. Жұбанов атындағы Ақтөбе өңірлік университеті жанындағы Конфуций институтының Instagram парақшасында @zhubanov_confucius жариялаймыз.
9. Жүлделер мен дипломдар:
1-ші орын (әр жас тобынан 1 қатысушы): 1 жүлде;
2-ші орын (әр жас тобынан 2 қатысушыдан): 1 жүлде;
3-ші орын (әр жас тобынан 3 қатысушыдан): 1 жүлде;
Белсенді қатысқаны үшін (әр жас тобына 3 қатысушыдан): 1 жүлде;
Белсенді ұйым үшін (3 мекеме): 1 жүлде.
Барлық жеңімпаздар Қытай Халық Республикасының Қазақстан Республикасындағы Елшілігі атынан диплом алады.
10. Байланыс ақпараты:
Қ. Жұбанов атындағы АӨУ жанындағы Конфуций институты.：
Байланыс: Алитурлиев Алибек
WhatsApp: +7-702-625-55-10
Электрондық пошта: [email protected]
Instagram：@zhubanov_confucius
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда "Қоқысты кофеге айырбаста/снэк" акциясы басталады
Қалада басталған "Алматы - біздің ортақ үйіміз" науқаны аясында "Қоқысты кофеге/снэк айырбаста" акциясы өтеді, деп хабарлайды Алматы қаласы әкімдігінің баспасөз қызметінен.
Акцияны өткізу мерзімі: 2024 жылғы 15 сәуір - 8 мамыр.
Қоқысты кофеге/снэк айырбаста" - бұл қала тұрғындарын сыйлық купондарының орнына қайталама шикізатты жинауға және қайта өңдеуге тапсыруға ынталандыратын экологиялық бастама. Акция қалдықтармен байланысты мәселелер және оларды қайта өңдеудің маңыздылығы туралы хабардар болуға бағытталған.
Акцияға Алматы қаласының барлық тұрғындары мен қонақтары қатыса алады. Қатысушыларға макулатура, пластикалық бөтелкелер, алюминий банкалар, шыны бөтелкелерді қоса алғанда, қайта өңдеу үшін белгілі бір мөлшерде қайта өңдеуге арналған шикізатты өз бетінше жинау ұсынылады.
Жиналған материалдар қайталама шикізатты қабылдау пункттеріне келесі мекенжайлар бойынша тапсырылады:
№
Аудан
Қабылдау пункттері
Мекенжайы
1
Алатау
Ecosen
Нуркент ш/а, 7/1
2
Алмалы
Ecosen
Байзақов көш, 73/1
3
Әуезов
Kazakhstan Waste Recycling
8-й ш/а, 58а
4
Әуезов
Kazakhstan Waste Recycling
Аксай-3 ш/а, 1а/1
5
Бостандық
Kazakhstan Waste Recycling
Тимирязев көш, 81/3 киоск
6
Бостандық
Ecosen
Розыбакиев көш, 247/3
7
Медеу
Kazakhstan Waste Recycling
Самал-1, 32 киоск
8
Медеу
Эко-товарлардың "Hello Eco" дүкені
Самал-2, 56А үйі
9
Жетісу
Қабылдау пункті
Қазыбаев көш, 264а (Карина Trading)
10
Наурызбай
Қабылдау пункті
Райымбек даңғылы, 548/2
11
Түрксіб
Қабылдау пункті
Жас Канат ш/а, 1/28
Әр материал үшін купонның бес түрі ұсынылады: пицца купоны, бургер, кафе, донер және додстер. Берілген әрбір купонның осы науқанға қатысатын тамақтану орындарының мекенжайлары бар өзінің бірегей промокоды болады.
Қатысушылар қайта өңделетін заттарды келесі шарттармен купондарға айырбастай алады:
- Кофе купонына 2 кг макулатура (Қағаз, картон);
- Бургер купонына 1 кг пластикалық бөтелкелер (ПЭТ бөтелкелері);
- Донер немесе додстер купонына 1 кг алюминий банка;
- Пицца купонына 3 кг мөлдір шыны (түссіз) бөтелкелер.
Купондардың жарамды мерзімі 2024 жылдың 8 мамырына дейін. Акцияның серіктестері "Salam Bro", "Dodo pizza", "Gippo", "Degirmen" компаниялары болып табылады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.