Система Orphus

COVID-19 жұқтырған азаматтарды орналастыруға арналған мобильді далалық госпитальдің әзірлігі тексерілді

08.05.2020, 16:30 9424

Алматы. 8 мамыр. Kazakhstan Today - Ержан Бабақұмаров COVID-19 жұқтырған азаматтарды орналастыруға арналған мобильді далалық госпитальдің әзірлігін тексерді.

Ержан Бабақұмаров COVID-19 жұқтырған азаматтарды жатқызуға арналған ҚР Қорғаныс министрлігінің мобильді далалық госпитальдің дайындығын тексерді.

"Қазақстандық бітімгерлік полкі" негізінде құрылған далалық госпиталь қажеттілік туындаған жағдайда COVID-19 диагнозы расталған азаматтарды жатқызуға арналған инфекциялық стационар ретінде пайдаланылады.

Алматы қаласы әкімінің орынбасары Ержан Бабақұмаров қалалық Қоғамдық денсаулық сақтау басқармасының басшылық өкілі Әсел Бисенбаева және Алматы қаласы Тауарлар мен қызметтердің сапасын бақылау департаменті өкілі Ерлік Дүйсембаев, И.Жекенов атындағы ҚКИА бас дәрігері Айгүл Абдрахманова, Алматы гарнизоны және далалық госпиталь басшыларымен бірге аталған мекеменің дайындық деңгейімен және пациенттерді қабылдау мүмкіндігімен танысты.

Басты назар госпиталь ішіндегі инфекциялық бақылау мен қызметкерлердің еңбек қауіпсіздігін ұйымдастыру мәселелеріне аударылды. Госпитальдің жұмыс аймақтарын "таза", инфекцияланған және шлюздар жұмысы деп бөлу қарастырылды. Сонымен бірге, госпитальді медициналық мамандармен қамту, тамақтандыру және дезинфекциялық жұмыстарды ұйымдастыру, биологиялық, медициналық және тұрмыстық қатты қалдықтарды утилизациялау мәселелері де қаралды.

Алматы қаласы әкімінің орынбасары Ержан Бабақұмаров әкімшілік атынан госпитальдің жеке құрамын Отан қорғаушылар күнімен құттықтап, коронавирус инфекциясымен күресте қосқан үлестері үшін оларға алғыс білдірді.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны