Система Orphus

Алматы қаласында COVID-19 вирусынан кейін тегін оңалтуды қайдан өтуге болады

23.09.2020 7210

Алматы. 23 қыркүйек. Kazakhstan Today - Алматы қаласының емханаларында оңалту бөлімшелері құрылып, жұмыс жасауда.

"Оңалту - бұл адам денсаулығына байланысты, хирургиялық операциядан кейін, оның ішінде созылмалы аурулар, жарақаттар және т.б. салдарынан күнделікті өмірде функционалдық шектеулерге тап болған немесе мүмкін болған жағдайда, біртіндеп қалпына келтірудің қажетті іс-шаралар кешені. Біздің Орталық барлық жастағы адамдарға күнделікті қызметін тоқтатпай немесе қайта бастауға мүмкіндік беретін оңалту қызметтерін ұсынады. Бізде мықты кәсіби команда бар, оның мақсаты зақымдалған функцияларды барынша қалпына келтіру болып табылады. Қазіргі уақытта коронавируспен ауырып шыққан науқастарға оңалтуды жүргізіп жатырмыз" - деп №4 Қалалық емхананың бас дәрігері Умарова Зухра Исмаиловна пікірін білдірді.

№4 Қалалық емханада медициналық оңалту бөлімшесі жұмыс істейді. COVID-19 пандемиясына байланысты қазіргі уақытта науқастарға: оттегі терапиясы, арнайы дренажды массаж, тыныс алу гимнастикасының белгілі бір әдістері, физиотерапия жаттығулары оңалту үшін белсенді түрде жүргізілуде. Оның ішінде психологиялық және әлеуметтік бейімделу де бар. Мамандар тыныс алумен ғана емес, бүкіл ағзамен, тұтас жүйе ретінде жұмыс істейді, интегралды жүйемен бірге, бронх-өкпе жүйесі ғана емес, сонымен қатар жүрек-тамыр және жүйке жүйесі де зардап шегеді, өйткені ми қан айналымының созылмалы бұзылуы орын алады.

Бөлімшеде оңалтудың үшінші кезеңіне жататын науқастар да емдеу курсынан өте алады. Бұл курстан тірек-қимыл жүйесінің патологиясы бар (жарақаттардан, хирургиялық араласулардан, сынықтардан, жұлын бағанның даму ақауларынан кейін), нейрохирургиялық және неврологиялық профильдер, сондай-ақ жүрек-қантамыр жүйесінің патологиясы бар науқастар (жедел миокард инфарктісі) өтеді. Медициналық оңалту бөлімшесінде 3 кезеңде амбулаториялық оңалту: кардиология, неврология және нейрохирургия, травматология, ортопедия бойынша жүргізіледі. Оның ішінде орталық жүйке жүйесінің перинаталды зақымдануының салдары бар балаларға қызмет көрсетіледі.

Ж.Қ.Ділмағамбетов - Алматыдағы N4 Қалалық емхананың пациенті. Қазіргі уақытта ол емхана жанындағы Оңалту орталығында амбулаториялық реабилитацияның 3 кезеңінен өтіп жатыр.

"Ол ми қан айналымының жіті бұзылуына ұшыраған. Мұнда өте сауатты мамандар жұмыс істейді, мәселені мұқият зерттейді, аурудың барысын анықтайды, әр науқасқа әрқашан мейірімді, жанашыр және шыдамды келеді. Ең бастысы -өзіңізді аямау және барлық ұсыныстарды орындау, содан кейін нәтижелер жақсы болады. Роксана, Айсұлу Амангелдіқызына кәсіби кеңестері мен жылы сөздері үшін алғысымды білдіремін. Орталықтың барлық ұжымына денсаулық және жұмыстарына сәттілік тілеймін!" - дейді Жеткербай Қарасайұлы.

Науқастар МӘМС және амбулаториялық-емханалық көмек аясында жергілікті жалпы тәжірибе дәрігерінің жолдамасы бойынша қабылданады. "Алматы қаласы Қоғамдық денсаулық басқармасының қолдауымен біздің мамандар Германия мен Латвияда білім алды. Медициналық оңалту дәрігері, дәрігер-рефлексотерапевт Қытайда білім алып келді" - №4 Қалалық емхананың бас дәрігері Умарова Зухра Исмаиловна деп айтты.

Бөлімшеде медициналық оңалту дәрігері, невропатолог, дәрігер-рефлексотерапевт, дәрігер-физиотерапевт, психологтар, логопед-дефектологтар, терапиялық гимнастика және тыныс алу гимнастикасы бойынша нұсқаушылар, кинезитерапевт, массажистер, эрготерапевт жұмыс істейді. Сондай-ақ физиотерапия, парафинмен емдеу жүргізіледі. Пассивті және белсенді механотерапияны жүргізу үшін науқастар жарақаттанудан, ми қан айналымының жіті бұзылуынан кейін айналысатын құрылғылар бар. Мысалы, иық буынының, жамбас, тізе, тобықтың пассивті дамуына арналған құрылғылар. Балалар мен ересектерге арналған вертолизаторлар, сондай-ақ белсенді механотерапияға арналған қосымша жабдықтар да бар. Эрготерапия және ұсақ моториканың дағдыларын қалпына келтіру үшін арнайы эргостолдар бар.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны