Система Orphus

Джеки Чанның тартулық кітабы Елбасы кітапханасына келіп түсті

17.05.2019, 21:18 12205

Нұр-Сұлтан. 17 мамыр. Kazakhstan Today - Ағымдағы жылдың 28 сәуірінде Қазақстан Республикасының Тұңғыш Президенті Н.Ә. Назарбаев Қытайға сапары барысында белгілі актер Джеки Чанмен жүздесті. Кездесуге Қытай актерінің әріптестері мен шығармашылық ұжымы қатысты. Елбасы әлемге әйгілі тұлғамен кездесу сәтінің түскеніне ризашылығын білдіріп, Қазақстан мен Қытай мемлекеттері арасындағы қарым-қатынастың маңыздылығын атап өтті. Осы тұста Джеки Чан қос мемлекет арасындағы мәдени ынтымақтастыққа көрсетіп жатқан Елбасының қолдауы үшін зор алғысын айтып, Н.Ә. Назарбаевқа "Мен бақыттымын" кітабын тарту етті.

Бүгінде Қытай актерінің қолтаңбасы бар кітап Елбасы кітапханасының қорына келіп түсті. Алты бөлімнен құралған тартулық басылым Джеки Чанның өмірі мен өнер саласындағы жолынан сыр шертеді. Көзі тірісінде есімі аңызға айналған тұлғаның өмірлік көзқарастары мен ұстанымдарын, ұлттық мәдени мұра мен адами құндылықтарға адалдығын, еңбекқорлығы мен қарапайымдылығын, ерлігі мен бастан өткен оқиғаларын кітап бетіне актердің әріптес досы Чжу Мо түсірген.

- Адамдардың тағдырларын қосатын бұл өмір тосынсыйларға бай. Аталмыш кітаптың жазылып, басылымнан шығуы үш жылдай уақытты талап етті. Бұл уақыттың ішінде бақытқа да, сәтсіздікке де толы сәттерді бастан өткеріп үлгердім. Өткенге көз жүгіртсем, естеліктеріммен дәл қазір бөліскенім абзал сияқты. Әңгімелерім оқырмандарға қызық болады деген үміттемін. Олар кем дегенде нағыз болмысымды танып-түсінуге, қорытынды ой түртуге көмектесуі тиіс, - деп Джеки Чан кітап алғысөзінде пікір бөліседі.

"Мен бақыттымын" кітабы Джеки Чанның шынайы әрі ашық әңгімелеріне негізделген. Басылым беттерін парақтаған оқырман түсірілім алаңдарында болған қызықты жағдайларды оқып қана қоймай, актердың абыройлы тұлға ретінде қалай қалыптасқанын, қандай қиындықтардан өткенін біле алады. Қарапайым тілмен жазылған ол Джеки Чанның ата-анасына, жұбайы мен ұлына, әріптестері мен достарына деген қарым-қатынасын баяндап, актердің қуанышын, кейде өкініші мен мұңын келтіреді, кез келген адамның қателік келтіруге бейім екенін түсіндіріп, бақытты болудың "сырын" үйретеді.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны