06.01.2011, 12:33 4020

Елбасы еліміздің православиелік христиандарын және барша қазақстандықтарды Рождество мерекесімен құттықтады

Мемлекет басшысы Нұрсұлтан Назарбаев еліміздің православиелік христиандарын және барша қазақстандықтарды жарқын мейрам - Рождество мерекесімен құттықтады, деп хабарлайды Kazakhstan Today агенттігі ҚазАқпарат агенттігіне сілтеме жасай отырып.

Астана. 6 - қаңтар. Kazakhstan Today - Мемлекет басшысы Нұрсұлтан Назарбаев еліміздің православиелік христиандарын және барша қазақстандықтарды жарқын мейрам - Рождество мерекесімен құттықтады, деп хабарлайды Kazakhstan Today агенттігі ҚазАқпарат агенттігіне сілтеме жасай отырып.

Рождество - ізгі үміттер мен жақсылықтардың мерекесі. Ол адамдарды игі істер жасауға, құдайдың өсиетімен бейбітшілік пен келісімде өмір сүруге ұмтылуда бастарын біріктіреді, - делінген Елбасының құттықтауында.

ҚазТаг агенттігінің хабарлауынша, ол "осы мәңгілік құндылықтар, әсіресе, түрлі сенімдегі және этностағы адамдар достық ауанында өмір сүретін Қазақстанда ерекше құрметтеледі", деп атап көрсеткен.

"Біздің бірлігіміз бен ынтымағымыздың арқасында Қазақстан ырғақты дамуын жалғастыруда. Еліміздің халықаралық аренадағы беделі нығая түсуде.

Қазақстан Ұйымға мүше елдер мемлекет және үкімет басшыларының тарихи мәнге ие Астана Саммиті заңды қорытындысы болған ЕҚЫҰ-дағы төрағалығын табысты жүзеге асырды", - деді ол.

"Өткен жыл Қазақстандағы Орыс Православие шіркеуі үшін есте қаларлық оқиғамен ерекшеленді. Астанада Мәскеу және Бүкіл Ресей Патриархы Кирилл болып қайтты. Ол елордада Орталық Азиядағы аса ірі Успен кафедралды соборын сәулелендірді. Бұл сапар біздің еліміздегі православие және ислам қауымы арасындағы ізгілікті қарым-қатынасты нығайтуда маңызды қадам болды", - деп есептейді мемлекет басшысы.

"Рождество жарқын мерекесінде ізгілікті істері мен ой-ниеттері Отанымыздың дамуы мен өркендеуіне үлес қосып келе жатқан республиканың барлық православие азаматтарына ризашылық сөзімді айтқым келеді", - делінген құттықтауда.

Елбасы құттықтауының соңында барлық қазақстандықтарға мықты денсаулық, бейбітшілік пен игілік тілей келіп, әр отбасында бақыт, сүйіспеншілік пен өзара түсіністік салтанат құрғанын қалайтынын жеткізеді.

2005-ші жылы заңнамаға енгізілген өзгертулерге сай, Қазақстанда мұсылман күнтізбесімен атап өтілетін Құрбан айттың алғашқы күні мен 7-ші қаңтарда атап өтілетін - православтік Рождество - демалыс күні деп саналады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны