АСТАНА. 15 желтоқсан. Kazakhstan today. Қазақстандық ғалымдар құс тұмауына қарсы тұңғыш ауылшаруашылық вакцинасын ойлап тапты. Бұл туралы кеше Астанада өткен баспасөз мәслихатында білім және ғылым министрі Бірғаным Ийтімова хабарлады.
Өзінің иммунобиологиялық сипаттамасы жағынан Қазақстанда жасалған вакцинаның түрі шет елдік ғалымдар ойлап тапқан дәрілерден қалыспайды",-деп санайды министр. Оның айтуынша, қазіргі кезде вакцинаның ғалымдар "Қазақстан-15" деп атаған сынақ түрі қолда бар. Ол ҚР ауылшаруашылық министрлігінің мал дәрігерлік департаментінде тіркеуден өтті.
Өз кезегінде Биологиялық қауіпсіздік мәселелері жөніндегі ғылыми-зерттеу институтының директоры Сейдіғаппар Мамадалиев отандық вакцинаның шетелдік түрлерінен айырмашылығы оның Павлодар обысында табылған жоғары патогенді Н5N1 вирусына негізделген. Осы орайда институт директоры өткен жылдың шілде айында ҒЗИ мамандары құс тұмауының отандық ерекшелігін анықтаған. Бұл Павлодар облысында жиналған биологиялық материалдар негізінде жасалды.
"Біз вакцинаға халықаралық сертификат толтыруға әлі ерте деп білеміз. Дегенмен егер келесі жылға дейін дәлелдеріміз көбейе түссе, онда міндетті түрде сертификат алуға кірісеміз",-деп атап өті ол.
Мамадалиевтің айтуынша, казақстандық вакцинаның құны оны өндіріске қойғаннан кейін өзінің шетелдік бәсекелестеріне қарағанда әлдеқайда төмен болмақ. Қазіргі кезде ресейлік осындай вакцинаның бағасы 20 теңге болады.
Ол ендігі жылы вакцина өндірісі қызу жүреді деген үмітте. "Менің ойымша, егер бәрі ойдағыдай болса, келесі жылы біз вакцина өндіруді жолға қоямыз. Алайда бұл үшін ауыл шаруашылығы министрлігі жағынан үлкен тапсырыс қажет,-деді Мамадалиев.
ҒЗИ директоры болашақта вакцинаны шет елдерге шығару ойы бар екендігін жасырмады. "Вакцинаны жасау барысында біз оны Орта Азия, Ауғанстан, тіпті одан басқа да елдер қолданады деп жоспарладық.
Дәріні ойлап шығаруға бізге жарты жылдан да аз уақыт қажет болды, алайда сарапшылардың айтуынша, ойлап табу, тәжірибеден өткізу, оны тіркеу және ғылыми-техникалық құжаттандыру үшін орташа есеппен екі жыл қажет деп санайды. "Біз жаңалық аштық деп санамаймыз. Дегенмен, ғылыми жетістік деп ауыз толтыра айтуға тұрарлық іс,-деді "Ұлттық биотехнология орталығының" директоры Ерлан Раманқұлов.
Оның айтуынша, болашақта Қазақстанда адамға арналған құс тұмауына қарсы вакцина ойлап табу жолдары да мүмкін. "Егер мемлекеттен тапсырыс болса, вакцинаны адамға да жасап шығара аламыз. Алайда мұндай жұмыстарға күрделі қаражат қажет. Сондықтан үлкен тапсырыс болғаны абзал,-деді ол.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
Қазақстандық ғалымдар құс тұмауына қарсы тұңғыш ауылшаруашылық вакцинасын ойлап тапты. /толықтырылған нұсқа/
тақырып бойынша жаңалықтар
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Панфиловшы - Батырлардың шыңына Альпиниада өтеді
Ағымдағы жылдың 7 мамырында Отан қорғаушылар күнінің құрметіне орай және "Алматы - біздің ортақ үйіміз" науқаны аясында Кішіалматы шатқалының ең әдемі шыңдарының бірі- Панфиловшы- Батырлар шыңына жаппай өрмелеп шығу өтеді, деп хабарлайды Алматы қаласы әкімдігінің баспасөз қызметінен.
Шыңға өрмелеу бағыты Медеу биік таулы мұз айдынынан (1600 м) жалпы ашылуымен сағат 05:30-да басталады және "Шымбұлақ" тау шаңғысы курорты, Тұйық су, Мыңжылқы шатқалдары, Мәншүк Мәметова мұздығы мен асуынан, Панфиловшы- Батырлар шыңына(4120 м) көтеріледі. Бағыт өте күрделі-қиындық санаттары 1А.
Шыңға өрмелеуді ұйымдастырушылар- Алматы қаласынрың Туризм басқармасы (Almaty_Tourism Bureau), Алматының альпинизм Федерациясы (falp.kz) және Алматы мен Қазақстанның спорттық туристер Достастығы (Turclub.kz). Альпиниадаға қатысуға барлық ниет білдірушілер шақырылады. Кері бағытта қатысушыларға "Алматы - біздің ортақ үйіміз" науқаны аясында бағыт бойындағы қоқыс пен ұсақ қалдықтарды жинауға қосылу ұсынылады.
Қатысушылар таудағы ауа-райына сәйкес жабдықталуы керек, шаңғы таяқшаларын пайдалану ұсынылады. Альпиниаданың барлық қатысушылары үшін 2023 жылғы 7 мамырда сағат 05:30-дан 08:30-ға дейін Медеу - Шымбұлақ - Медеу гондолалық жолында жол жүру құны 1000 теңгені құрайды. Альпиниаданы өткізу қауіпсіздігін Алматы қаласының альпинизм федерациясының күштері және Қазақстанның тау құтқарушылар қауымдастығы қамтамасыз етеді.
Панфиловшы- Батырлар шыңын алғаш рет 1942 жылы Бүкілодақтық тау-кен даярлау мектебінің курсанттар тобы бағындырған болатын. 2012 жылдан бастап осы бағыт бойынша альпиниадалар жыл сайын өткізіледі.
Іс-шара Алматы қаласының халқы мен жастарын белсенді демалыс түрлеріне, салауатты өмір салтын ұстануға, қоршаған ортаға және тауларға бару мәдениетіне ұқыпты қарау құндылықтарын қалыптастыруға тартуға арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан жастары арасында "Бірлескен болашақ, үздік әлем - адамзаттың ортақ тағдырлас тұлғасын қалыптастыру" тақырыбында сурет салу байқауын өткізу туралы хабарландыру
Сурет: russian.news.cn
2013 жылдың наурыз айында Қытай Халық Республикасының төрағасы Си Цзиньпин алғаш рет адамзаттың тағдырлас ортақ тұлғасын қалыптастыру туралы бастамасын жариялаған болатын. Он жылдан астам уақыттан кейін адамзаттың тағдырлас ортақ тұлғасын қалыптастыру тұжырымдамасы қытайлық бастамадан халықаралық ортақ танымға, керемет көзқарастан бай тәжірибеге дейін дамып, тұжырымдамадан ғылыми жүйеге айналды. Бұл жүйе Қытай елінің жоспарымен әдемі әлемді бірлесіп құруға ықпал ететін, дәуірді алға бастайтын жарқыраған туға айналды.
Қазақстан жастары арасында адамзаттың тағдырлас ортақ тұлғасын қалыптастыру тұжырымдамасын түсіндіру, Қытай мен Қазақстан халықтары арасындағы алмасуды, әсіресе жастар арасындағы алмасуды жақсарту мақсатында "Бірлескен болашақ, үздік әлем - адамзаттың тағдырлас ортақ тұлғасын қалыптастыру" тақырыбында Қазақстан жастары арасында сурет салу байқауы өткізіледі.
1. Ұйымдастырушылар
Бас ұйымдастырушы: ҚХР-ның ҚР-ндағы Елшілігі
Ұйымдастырушы: Қ.Жұбанов атындағы Ақтөбе өңірлік университеті жанындағы Конфуций институты
2. Байқауға қатысушылар
1) Қазақстан Республикасы азаматтығы бар жастар;
Жас категориялары: балалар, оқушылар, студенттер;
Балалар: 12 жасқа дейін қоса алғанда;
Оқушылар: 13-20 жас қоса алғанда;
Студенттер: 21-30 жас қоса алғанда.
3. Тақырыбы және жұмыс түрлері
Тақырыбы: "Бірлескен болашақ, үздік әлем - адамзаттың тағдырлас ортақ тұлғасын қалыптастыру".
Жұмыс түрлері: көркемсурет, кескіндеме, сурет (қолданылатын материалдар мен өлшемге шектеу қойылмайды).
4. Байқау жұмыстарына қойылатын талаптар.
1) Байқауға жұмыстардың ажыратымдылығы жоғары фотосуреттері қабылданады. Бір қатысушы тек бір жұмыстың суретін ұсынады. (кемінде 2 МБ). Файл атауы: "Реттік нөмірі + жұмыс авторының толық аты-жөні + жас тобы + жұмыс атауы/тақырып" болуы керек.
2) Жұмысты іс жүзінде қатысушының өзі жасау керек, балалар тобына қатысушылар жұмысты ата-анасының немесе жетекшісінің жетекшілігімен жасай алады.
5. Байқау форматы:
Жұмыстың фотосуретін көрсетілген электрондық поштаға жіберу қажет.
6. Тіркеу әдісі:
Әрбір қатысушы тіркелу бланкасын толтырады (қосымшада, бір қатысушы үшін бір бланк), тіркелу бланкасы + жұмысты мына электрондық поштаға жібереді: [email protected]. Хат атауы: "жас тобы+қатысушының аты-жөні".
Егер қатысушылар оқу орнынан / ұйымнан ұсынылса, барлық жұмыстарды мұрағатқа бір файлмен жіберу керек, Пошта тақырыбының атауы "Оқу орнының/ұйымның атауы".
Ұйымдастыру комитеті байланыс және кейінгі хабарламалар үшін қатысуға өтінім бланкісінде көрсетілген байланыс нөмірлері негізінде WhatsApp қосымшасында қатысушылар тобын құрады.
7. Байқауды өткізу уақыты:
1. Конкурстық жұмыстарды жинау: 15 сәуір-31 тамыз.
2. Конкурстық жұмыстарды бағалау: 1-10 қыркүйек.
3. Қорытындыларды жариялау: 10 қыркүйектен кейін.
8. Қорытындыларды жариялау әдісі:
Қатысушылар тобында, ҚХР-ның ҚР-дағы Елшілігі @chinaembkazakh парақшасында және Қ. Жұбанов атындағы Ақтөбе өңірлік университеті жанындағы Конфуций институтының Instagram парақшасында @zhubanov_confucius жариялаймыз.
9. Жүлделер мен дипломдар:
1-ші орын (әр жас тобынан 1 қатысушы): 1 жүлде;
2-ші орын (әр жас тобынан 2 қатысушыдан): 1 жүлде;
3-ші орын (әр жас тобынан 3 қатысушыдан): 1 жүлде;
Белсенді қатысқаны үшін (әр жас тобына 3 қатысушыдан): 1 жүлде;
Белсенді ұйым үшін (3 мекеме): 1 жүлде.
Барлық жеңімпаздар Қытай Халық Республикасының Қазақстан Республикасындағы Елшілігі атынан диплом алады.
10. Байланыс ақпараты:
Қ. Жұбанов атындағы АӨУ жанындағы Конфуций институты.：
Байланыс: Алитурлиев Алибек
WhatsApp: +7-702-625-55-10
Электрондық пошта: [email protected]
Instagram：@zhubanov_confucius
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.