Көлік полицейлері балаларды мерекесімен құттықтап, олармен бірге дәстүрлі шараны атап өтті
Астана. 01 Маусым. Kazakhstan Today - 2015 жылдыӊ 30-шы мамыры күні Көліктегі ішкі істер департаментініӊ Астана қаласындағы бас ғимаратыныӊ ауласында "1 маусым - Балаларды қорғау күніне" орай мерекелік шара өтті. Жылда өткізіліп тұратын мұндай мерекені ата-аналарыныӊ жұмыс орынына келген балаларыныӊ асыға күткені байқалады. Шара басталған түрлі түсті бормен сурет салу ойынына олар бар ынтасымен кірісіп кетті. Күнде темірдей тәртіп пен қызметтік құрмет орнайтын шеру алаӊы осы күні бір сәтке балалық шақтыӊ бекетіне айналды. Қызметтегі жауапкершілікті орынныӊ бірауық өміріндегі бар асылы - балаларыныӊ көӊілді ортасына айналғаны көлік полицейлері қауымыныӊ да көӊілін бір серпілтіп тастағаны рас еді. Қозыдай жамырасқан 3 жас пен 11 жас аралығындағы балдырғандардыӊ дауыстарынан осы күні Департамент ауласы тұнып тұрды, деп хабарлайды Kazakhstan Today агенттігініӊ тілшісі.
Бұл күні ұйымдастырылған ойындар мен жарыстардыӊ қай-қайсысына да қатысқан бүлдіршіндердіӊ барлығы да сыйлықсыз қалған жоқ. Иуелі олар аулаға сурет салды. Балалардыӊ бұл туындыларына бар ой-қиялын төккені байқалады. Ийтеуір, көбелек ұшып, гүл жайқалған, аққу жүзіп, мультфильм кейіпкерлері көрініс тапқан суреттердіӊ тұсына авторлар өз аттары өрнекті етіп жазуға тырысыпты. Енді бұл суреттердіӊ келесі жаӊбырға дейін ата-аналарыныӊ көз қуанышына айналып, жүректерін жылытып жүретіні сөзсіз.
Одан кейінгі кезекте Сайқымазақтар тобыныӊ арнайы дайындаған ойын-сауық бағдарламасы балалардыӊ көӊілінен дөп түсіп, олар би билеу, арқан тарту, эстафета, ой жүйріктігі сынды тағы да басқа жарыстардыӊ жеӊімпазы атануға жандарын салып, тырысып жатты. Балалармен қос тілде сөйлесіп, әзіл-қалжыӊы мен сайысынан ешкімді де шет қалдырмағаны балаларды ортақ мерекеде одан сайық жұмылдыра түсті. Барлығы да шетінен талапты да талантты, тосырқауды білмейтіндігін аӊғартты.
Одан соӊ мәнерлер тақпақ айту, би билеу жарыстары өтті. Онда да үздіктері анықталып, арнайы сыйлықтармен марапатталды. Шара соӊында осында жиналған барша балаға тәтті тағамдар мен ойыншықтар үлестіріліп берілді. Жадыраған күн мен сәби күлкісіне шомған балалар мерекесініӊ бастан-аяқ созылған 3 сағатыныӊ қалай өтіп кеткені сезілмей де қалды. Осылайша көлік полицейлерініӊ балалары үшін жаз жадырап, күн күлдіретін үш ай каникулы бүгінгі балдай тәтті бақытты мерекемен басталып кетті. Соӊынан естелікке топтық суретке түскен ұжымдастар мен олардыӊ балалары бір-бірлерін қимай тарасты.
Көліктегі ІІД-ніӊ баспасөз қызметі
тақырып бойынша жаңалықтар
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Панфиловшы - Батырлардың шыңына Альпиниада өтеді
Ағымдағы жылдың 7 мамырында Отан қорғаушылар күнінің құрметіне орай және "Алматы - біздің ортақ үйіміз" науқаны аясында Кішіалматы шатқалының ең әдемі шыңдарының бірі- Панфиловшы- Батырлар шыңына жаппай өрмелеп шығу өтеді, деп хабарлайды Алматы қаласы әкімдігінің баспасөз қызметінен.
Шыңға өрмелеу бағыты Медеу биік таулы мұз айдынынан (1600 м) жалпы ашылуымен сағат 05:30-да басталады және "Шымбұлақ" тау шаңғысы курорты, Тұйық су, Мыңжылқы шатқалдары, Мәншүк Мәметова мұздығы мен асуынан, Панфиловшы- Батырлар шыңына(4120 м) көтеріледі. Бағыт өте күрделі-қиындық санаттары 1А.
Шыңға өрмелеуді ұйымдастырушылар- Алматы қаласынрың Туризм басқармасы (Almaty_Tourism Bureau), Алматының альпинизм Федерациясы (falp.kz) және Алматы мен Қазақстанның спорттық туристер Достастығы (Turclub.kz). Альпиниадаға қатысуға барлық ниет білдірушілер шақырылады. Кері бағытта қатысушыларға "Алматы - біздің ортақ үйіміз" науқаны аясында бағыт бойындағы қоқыс пен ұсақ қалдықтарды жинауға қосылу ұсынылады.
Қатысушылар таудағы ауа-райына сәйкес жабдықталуы керек, шаңғы таяқшаларын пайдалану ұсынылады. Альпиниаданың барлық қатысушылары үшін 2023 жылғы 7 мамырда сағат 05:30-дан 08:30-ға дейін Медеу - Шымбұлақ - Медеу гондолалық жолында жол жүру құны 1000 теңгені құрайды. Альпиниаданы өткізу қауіпсіздігін Алматы қаласының альпинизм федерациясының күштері және Қазақстанның тау құтқарушылар қауымдастығы қамтамасыз етеді.
Панфиловшы- Батырлар шыңын алғаш рет 1942 жылы Бүкілодақтық тау-кен даярлау мектебінің курсанттар тобы бағындырған болатын. 2012 жылдан бастап осы бағыт бойынша альпиниадалар жыл сайын өткізіледі.
Іс-шара Алматы қаласының халқы мен жастарын белсенді демалыс түрлеріне, салауатты өмір салтын ұстануға, қоршаған ортаға және тауларға бару мәдениетіне ұқыпты қарау құндылықтарын қалыптастыруға тартуға арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.