16.04.2020, 16:34 6438

Коронавирустық инфекцияның карантині кезіндегі созылмалы обструктивтік өкпе ауруы бар науқастарға арналған ұсыныстар

Коронавирустық инфекцияның карантині кезіндегі созылмалы обструктивтік өкпе ауруы бар науқастарға арналған ұсыныстар

Алматы. 16 сәуір. Kazakhstan Today - Кардиология және ішкі аурулар ҒЗИ-ның Жоғары білім алудан кейінгі және қосымша білім беру департаментінің басшысы, м.ғ.д., профессор Сәуле Касенова созылмалы обструктивтік өкпе ауруы (COӨА) ұзақ жылдар бойы темекі тартып жүрген немесе жұмыс орнында, тұрғылықты жерінде ластанған ауаны жұтуға мәжбүр болған егде адамдарда жиірек пайда болады дейді. Ауру кезінде ентігу, қақырықпен жөтел пайда болады және ол спирометриялық тексеру нәтижесінде расталады.

Коронавирус COVID-19 өкпеге жағымсыз әсер ететіндіктен, COӨА-мен ауыратын адамдарда оған шалдығу қаупі жоғары.

СОӨА-мен ауыратын адамдарда коронавирустық инфекцияның дамуын алдын алу үшін төмендегі ережелерді сақтауды ұсынамыз, олар:

oқшаулану қажеттігі;

oқол, тұрғылықты жер гигиенасы;

oбөлмені жиі желдету қажеттігі;

oпульмонолог тағайындаған ингаляторларды үнемі қолдану қажеттігі.

Тыныс алу, жөтел, сары түсті қақырықтың, өкпенің сырылы пайда болған жағдайда дәрілік терапияны түзету үшін телефон арқылы дәрігерге хабарласып, қажет болған жағдайда ингаляциялық терапияның дозасын немесе препараттарды қолдану жиілігін көбейту керек.

Карантин кезеңінде бронхолитикалық терапияны үйде жеке ингаляциялық аппаратта жүргізу қажет. Жеке пульсоксиметрдің мәліметтері бойынша оттегі қанығуы төмендегенде жеке оттегі концентраторында оттегі терапиясын да жүргізу керек.

Антибиотиктерді тағайындау мәселесін қан мен қақырықты лабораториялық зерттеу нәтижелері негізінде тек дәрігер шешеді.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны