Система Orphus

Әлеуметтік маңызы бар объектілердің 96%-дан астамы Қазақстанда мүгедектер үшін бейімделген

02.03.2020, 21:45 3241

Алматы. 2 наурыз. Kazakhstan Today - Әлеуметтік маңызы бар объектілердің 96%-дан астамы Қазақстанда мүгедектер үшін бейімделген.

Қазақстандағы әлеуметтік және көлік инфрақұрылымының 34,3 мың объектісінің 96,6%-ы мүгедектігі бар адамдар үшін қолжетімді орта құру мақсатында бейімделді.

2020 жылғы 1 қаңтардағы жағдай бойынша 34 301 объектінің (мектептер, ауруханалар, кітапханалар, мәдениет үйлері, теміржол және автовокзалдар, әуежайлар және т.б.) жалпы санынан жергілікті атқарушы органдар 33 642 объектіге паспорттау жүргізді.

Мүмкіндіктері шектеулі адамдар үшін қолжетімді орта жағдайларының сақталуын, яғни пандустарды, дыбыстық / визуалды / акустикалық / сезгіш құрылғыларды, ақпараттық белгілерді орнатуды, тұрақ үшін орындар бөлуді және т. б. қамтамасыз ету үшін паспорттау жүргізілді, мұндағы мақсат әрбір қазақстандық өзінің денсаулығына қарамастан, осы объектілерге кіре алуы керек.

Паспортталған объектілердің жалпы санынан 24 452 объект бейімделуге жатады, оның ішінде 23 314 объект бейімделді. Осылайша, паспортталған объектілердің жалпы санының 96,6% бейімделуі қамтамасыз етілді.

Объектілерді 100% бейімдеу Алматы қаласында, Шығыс Қазақстан, Солтүстік Қазақстан, Қарағанды облыстарында жүзеге асырылды. Батыс Қазақстан облысында - 99,4%, Атырау облысында - 98,6%, Ақтөбе облысында - 98,5%, Қызылорда облысында - 98,1%, Маңғыстау облысында - 97,3%, Шымкент қаласында - 96,1%, Павлодар облысында - 96%, Нұр сұлтан қаласында-95,4%, Түркістан және Қостанай облыстарында - 95%, Жамбыл облысында - 94%, Алматы облысында - 92,2%, Ақмола облысында - 83,3%.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны