Маңғыстау облысында коронавирус бойынша 7 санитарлық карантиндік пункт жұмыс істейді

Алматы. 6 наурыз. Kazakhstan Today - Маңғыстау облысының Өңірлік Қоғамдық коммуникация орталығында коронавирус инфекциясы бойынша атқарылып жатқан іс шаралар туралы баспасөз мәслихаты өтті.

Маңғыстау облысының тауарлар мен көрсетілетін қызметтердің сапасы мен қауіпсіздігін бақылау департаменті басшысы Ерғали Сыдымановтың айтуынша облыс аймағында оқшаулауға арналған стационарлар бекітілген. Олар:

1.Маңғыстау облыстық аурухананың жұқпалы аурулар бөлімі (60 койка);

2. Облыстық туберкулезге қарсы диспансер (провизорлық стационар) - 200 койка;

3.Жаңаөзен қалалық көп бейінді аурухананың жұқпалы аурулар бөлімі - 60 койка.

Коронавирус инфекциясының алдын алу және республика аймағына таралмау мақсатында ҚР бас мемлекеттік санитариялық дәрігерінің соңғы 04 наурыз 2020 жылғы №12 "Қазақстан Республикасында коронавирустық инфнецияның профилактикасы шараларын одан әрі күшейту туралы" Қаулысына сәйкес іс шаралар жүргізілуде.

Қаулыға сәйкес коронавирус инфекциясы бойынша қолайсыз шет мемлекеттердің тізімі категориялар бойынша анықталды.

Сол тізімге байланысты 1 А санатындағы Қытай Халық Республикасы, Иран және Оңтүстік Корея елдеріне соңғы барған сәтінен бастап 14 күннен кем уакыт өткен болса, жергілікті атқарушы органдар айқындаған провизорлық госпитальдарда оқшауланады.

1 Б санаты бойынша Гонгонг, Макао, Тайвань, Жапония, Италия елдерінен келген азаматтарды ҚР шекарасына откен күннен бастап 14 бойы үйінде оқшауланады. Үйінде медицина қызметкерлерінің күнделікті қоңырау шалу арқылы медициналық бақылау жүргізіледі. Үйде оқшаулауға жағдайлар болмаған кезде емдеуге жатқызу ұсынылады.

2 санаты бойынша Франция, Германия, Тайланд, Әзірбайжан елдерінен келген азаматтарды ҚР шекарасын откен күннен бастап 14 бойы тұрғылықты жері бойынша оқшауланады. 14 күн бойы қоңырау шалу арқылы медициналық бақылау жүргізіледі.

Қазақстан Республикасы бойынша бүгінгі күнге дейін короновирус инфекциясы тіркелген жоқ.

Облыс көлемінде шет мемлекеттерден келетін азаматтарды ҚР шекарасынан өткізу барысында арнайы санитарлық карантиндік пункттердің бөлімшелері мамандарымен қызмет көрсетіледі, - деді Маңғыстау облысы денсаулық сақтау басқармасының басшысы Ануар Сағымбаев.

Облыс көлемінде 7 санитарлық карантиндік пункт жұмыс істейді. Оның ішінде 2-уі автөкөлік бекетіндегі "Темір-Баба", "Тажен", 2-уі Ақтау, Құрық теңіз порттарында, 1-уі әуежайда, 2-уі теміржолы көлігінде "Болашақ" станциясы, "Оазис" Бейнеу станциясында. Барлық СКП - да келген азаматтардың барлығы тепловизормен тексеріліп қаралады.

Халықаралық әуежайдағы санитарлық карантиндік пункттеріне көмекке Ақтөбе қаласынан 4 маман, Обаға қарсы күрес станциясынан және Маңғыстау облысының тауарлармен көрсетілетін қызметтердің сапасымен қауіпсіздігін бақылау Департаменті мамандары жұмылдырылды. Ішкі және сыртқы рейстерге тексерулер күшейтілді.

Ағымдағы жылы 5 наурыздан бастап Азербайжан рейстері (7 рейстің орнына 1 рейске дейін) тоқтатылды.

Облысқа Короновирус (2019-nCov) инфекциясына зертханалық тексеру жүргізуге тест система 02.03.2020 жылы алынып, тексеру жұмыстары Ұлттық сараптау орталығының вирусология зертханасында жүргізілуде.

Бүгінгі күнге (06.03.2020ж.) облыста 23 адам медициналық бақылауда (15 Иран елінің азаматтары, 8 Қазақстан азаматы):

4 науқас "Жедел респираторлы вирусты жұқпа" диагнозымен ауруханаға жатқызылды:

3 - еуі Маңғыстау облыстық аурухананың жұқпалы аурулар бөлімінде,

1-еуі Жаңаөзен қаласының көпбейінді ауруханасының жұқпалы аурулар бөліміне жатқызылды.

Облыстық туберкулезге қарсы диспансерге (провизорлық стационар) - 19 адам (6 Қазақстан азаматы, 13 Иран елінің азаматтары) жатқызылып, медициналық бақылауға алынды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.