Нұр-Сұлтан қаласы Қазақстан халқы Ассамблеясының қоғамдық келісім кеңесінің кеңейтілген отырысы өткізілді
Жиын қорытындысында ұсыныстар мен пікірлерге маңыз беріліп, алда бірлесіп атқаратын істер нақтыланды.
Алматы. 6 ақпан. Kazakhstan Today - Нұр-Сұлтан қаласы Қазақстан халқы Ассамблеясының қоғамдық келісім кеңесінің кеңейтілген отырысы өткізілді.
Бүгін, елордамыздағы Достық үйінде "Қазақстан халқы Ассамблеясының қоғамдық келісім кеңестері мен қоғамдық кеңестердің өзара әрекеттістігі" атты Нұр-Сұлтан қаласы Қазақстан халқы Ассамблеясының қоғамдық келісім кеңесінің кеңейтілген отырысы өткізілді.
Іс-шараға Нұр-Сұлтан қаласы Қазақстан халқы Ассамблеясы қоғамдық келісім кеңестерінің, Нұр-Сұлтан қаласы Қазақстан халқы Ассамблеясы Аналар кеңесінің мүшелері, Нұр-Сұлтан қаласы қоғамдық кеңесінің өкілдері, "Nur Otan" партиясы Нұр-Сұлтан қалалық филиалының қызметкерлері және Нұр-Сұлтан қаласы Қазақстан халқы Ассамблеясы этномәдени бірлестіктерінің өкілдері қатысты.
Жиында Нұр-Сұлтан қаласы Қазақстан халқы Ассамблеясы хатшылығының меңгерушісі Ләззат Сейітқазықызы Құсайынова күн тәртібіндегі мәселенің маңызын ашып көрсетіп, атқарылған жұмыстарға тоқталды. "Қазақстан халқы Ассамблеясының XXVII сессиясында Ассамблеяның, соның ішінде қоғамдық келісім кеңестерінің басымдықтары айқындалды. Қазіргі уақытта қоғамдық келісім кеңесінің, Аналар кеңесінің, Ақсақалдар алқасының қоғамдағы бірлік пен келісімді нығайту жөніндегі жүйелі жұмыстарын жалғастыру өзекті болып отыр. Жалпы Қазақстан халқы Ассамблеясы-қоғамның рухани және интеллектуалды жаңаруы, қоғамдық сананы жаңғырту үдерістерінің белсенді қатысушысы ретінде саналады. 2019 жылы Қазақстан халқы Ассамблеясы мен Нұр-Сұлтан қаласы әкімдігі жанындағы "Қоғамдық келісім" коммуналдық мемлекеттік мекемесі 72 мыңнан астам адамның қатысуымен 120-ден аса іс-шара өткізді. Мәселен, Қазақстан халқы Ассамблеясы "Қайырымдылық керуені" жобасы аясында 150-ге жуық шара өткізілді. Бұқаралық ақпарат құралдарында 2500-ден астам материалдар жарық көрді. Соның ішінде республикалық және елордалық газеттерде, қалалық сайттарда, республикалық интернет-ресурстарда, телеарналарда, радиода, ютуб-арналарда материалдар жарияланды. Ал 2019 жылы Нұр-Сұлтан қаласы Қазақстан халқы Ассамблеясының қоғамдық келісім кеңесі 15 іс-шара ұйымдастырды. Ол бойынша қатысушылар саны-550.Тұрғындардың шешілген мәселелері мен проблемаларының саны - 10. Мемлекеттік органдар мен азаматтық қоғам институттарына ұсынымдар беру ісі-5. Сонымен бірге, 2019 жылы тоқсан сайын Қазақстан халқы Ассамблеясы қоғамдық келісім кеңесінің жұмыс отырыстары өткізілді. Олардың қатарында конференциялар, сессия, кездесулер мен мәжілістер бар",-деді жиын барысында Нұр-Сұлтан қаласы ҚХА хатшылығының меңгерушісі Л. Құсайынова.
Нұр-Сұлтан қаласы Қазақстан халқы Ассамблеясы қоғамдық келісім кеңесінің төрағасы Әміржан Әлпейісов "Қазақстан халқы ассамблеясы қоғамдық келісім кеңестерінің қоғамдық кеңестермен өзара іс-қимылы" атты тақырыпқа баяндама жасады. "Қоғам өмірінде Қазақстан халқы Ассамблеясы қоғамдық келісім кеңесінің атқаратын рөлі өте зор. Кеңес жұмысы негізінде жалпы мемлекеттік органдардың әрі қоғамдық институттардың, аймақтардың жұмыстарын бағалауға болады. Бастысы, кеңестің қамтитын жұмысының бағыты сан қырлы. Олардың қатарында жұмыссыздықты реттеу, ардагерлермен жұмыс, сондай-ақ кәсіподақтар мен саяси ұйымдарға қатысты мәселемен бірге және де басқа мәселелер бар. Бұл ретте біз тұрғындармен етене араласып, олардың проблемаларын шешуге атсалысамыз. Соның бір айқын дәлелі ретінде Көктал шағын ауданындағы тұрғындар мәселесін депутаттар назарына ұсынып, оны іс жүзінде тиянақты дәрежеде шеше білдік", - деді ол.
Жиында Нұр-Сұлтан қаласы қоғамдық кеңестің хатшысы Мұхтар Еркетаев бюджеттік бағдарлама жөнінде, Сарыарқа ауданы әкімі аппаратының жергілікті өзін-өзі басқарудың сұрақтарын үйлестіру бөлімінің басшысы Қуандық Ержанов "халық үніне құлақ асатын мемлекет" тұжырымдамасын, "Nur Otan" партиясы филиалы төрағасының орынбасары Владислав Сергеев партияның қоғамдық бақылауы қызметі туралы, "Қырғызстан-Астана" қоғамдық бірлестігінің төрағасы Шавкат Исмаилов "халық үніне құлақ асатын мемлекет" тұжырымдамасын іске асыру бойынша Нұр-Сұлтан қаласы Қазақстан халқы Ассамблеясының үлесі жөнінде айтып берді.
Жиында көзделген ең негізгі іс-Нұр-Сұлтан қаласы Қазақстан халқы ассамблеясы қоғамдық келісім кеңесі мен Нұр-Сұлтан қаласының қоғамдық кеңесі арасындағы ынтымақтастық туралы меморандумға қол қойылды.
Жиын қорытындысында ұсыныстар мен пікірлерге маңыз беріліп, алда бірлесіп атқаратын істер нақтыланды.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Алматыда бірнеше күн бойы толассыз жаңбыр жауады
24-28 сәуір аралығында Алматы қаласында толассыз жаңбыр жауады деп күтілуде, деп хабарлайды Алматы қаласы әкімдігінің баспасөз қызметінен.
Жауын-шашын кезінде мотопомпа, шанц құралдарымен жабдықталған 52 жедел мобильді бригаданың кезекшілікке шығады, 2,5 мың қап құм дайындалады.
Күндіз жауын-шашын кезінде барлығы 465 бірлік арнайы техника, 28 мотопомпа және 810 жұмысшы, ал түнгі уақытта 236 бірлік арнайы техника және 215 жұмысшы жұмылдырылады.
Судың кедергісіз ағып кетуін қамтамасыз етіп, су басудың алдын алу үшін 320 жұмысшы мен 92 бірлік арнайы техника арық желілерін, арық өткелдерін тазалау бойынша жоспарлы жұмыс жүргізеді. Күн сайын арықтан 250 м3 лай және кездейсоқ қоқыс шығарылады.
Ауа-райының бұзылуына байланысты жүргізушілерге ағаштардың құлау қаупі мен электр желілерінің үзілуіне байланысты автомобильдерді жол жиектеріне қоюға кеңес берілмейді. Қала тұрғындары мен қонақтарына тауға бармауын сұраймыз. Су тасқынының алдын алу үшін тұрғындардан арық пен каналды қоқысқа толтырып, бітеп тастамауға шақырамыз.
Анықтама үшін:
Қазгидромет" РМК болжауынша:
24 сәуір: көшпелі бұлт шығады, 3 мм-ге дейін өткінші жауын, оңтүстік-батыстан 3-8 м/с жел соғады, күндіз ауа температурасы +23...+25°C.
25 сәуір: күн ала бұлтты, таңертең және түстен кейін 15 мм-ге дейін жаңбыр жауып, найзағай ойнайды. Оңтүстік-батыс, батыс 3-8 м/с жел, найзағай кезінде екпіні 15-20 м/с. Ауа температурасы түнде + 10...+12°, күндіз + 18...+20°C.
26 сәуір: көшпелі бұлт, түнде және таңертең 8 мм-ге дейін жаңбыр жауады. Батыс, солтүстік-батыс 3-8 м/с жел соғады, найзағай кезінде екпіні 15 м/с. Ауа температурасы түнде + 10...+12°, күндіз + 16...+18°C.
27 сәуір: күн ала бұлтты, күндізгі сағат 15-тен 23-ке дейін 3 мм-ге дейін жаңбыр жауады. Батыс, солтүстік-батыстан 3-8 м/с жел соғады. Термометр бағанасы түнде +8...+10°, күндіз +13...+15°C көрсетеді.
28 сәуір: көшпелі бұлт шығады. Батыс, солтүстік-батыстан 3-8 м/с жел соғады. Ауа температурасы түнде +7...+ 9°, күндіз + 13...+15°C.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.