04.07.2019, 13:10 7682

Нұр-Сұлтан қаласының полиция қызметкерлері алаяқтықтың тағы бір түрін анықтады

Қазіргі уақытта ұсталғанға 2 осыған ұқсас факті дәлелденуде, сотқа дейінгі тергеп-тексеру жүргізілуде.

Нұр-Сұлтан. 4 шілде. Kazakhstan Today - Нұр-Сұлтан қаласының полиция қызметкерлері алаяқтықтың тағы бір түрі туралы айтып берді.

Тәртіп сақшыларының айтуы бойынша алаяқ әдейі адамдар көп жүретін жерлерде, яғни парктер мен скверлерде "жұмыс істеген". Жалғыз серуендеп жүрген азаматтарды таңдап, сол адамның жанынан өтіп бара жатып байқаусызда білдіртпей әмиянды тастап, кетіп қалған. Адамдар ешқандай жамандықтан күдіктенбестен әмиянды көтерген. Осы сәттен бастап алаяқ әрекет ете бастаған. "тауып алған" әмиянды қолына ұстап тұрған адамның қасына келіп әмиянның ішіндегі ақшаны санай бастайды да онда ірі көлемдегі ақшаның жетпейтіндігін анықтайды және табанды түрде дау шығара бастайды. Дауласу және жоғалып кеткен ірі сомадағы ақша қаражатын нақтылау кезінде алаяқ жәбірленушінің ақша қаражатын бірнеше рет санайды, сол кезде саусақтарының арасына купюраларды білдірместен қысып алып, бөтен адамның ақшасын иемденген.

Осыған ұқсас қылмыстарды жасағаны үшін елордалық полиция қызметкерлері Ақмола облысының "гастролерін" ұстады.

Қазіргі уақытта ұсталғанға 2 осыған ұқсас факті дәлелденуде, сотқа дейінгі тергеп-тексеру жүргізілуде.

Нұр-Сұлтан қаласының Полиция департаменті осындай жағдай туындаған кезде "102" хабарласуды және қандай жағдай болмасын, өз ақша қаражатын бөтен адамдарға жібермеуді ұсынады.

Осы тұлғаның заңсыз әрекетінен зардап шеккен азаматтарды "Бейбітшілік" көшесі 19 мекенжайында орналасқан Нұр-Сұлтан қаласы Полиция департаментіне немесе 8 (7172) 71-60-24, 71-60-69 немесе "102" телефондарына хабарласуды сұраймыз, деп хабарлайды ПД.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны