Оқу-ағарту министрлігі ата-аналардың мұғалімдермен чатта сөйлесу ережелерін әзірлеуді көздеп отыр
Ведомство ата-аналарды шұғыл емес мәселелер бойынша жұмыс уақытынан кейін мұғалімдерді мазаламауға шақырды
Қазақстанның Оқу-ағарту министрлігі ата-аналардың мұғалімдермен қарым-қатынас тәртібін айқындайтын ата-аналар чаттарына арналған бірыңғай ережелерді әзірлеуге дайын, деп мәлім етті министр Жұлдыз Сүлейменова Үкіметте өткен брифинг барысында.
Жұлдыз Сүлейменова ата-аналар чаттарындағы қарым-қатынасты реттеу қажет екенін атап өтті.
"Қазір біз осы талқылаулардың барлығын жинақтап, пікірлерді қарап жатырмыз. Кейбір ата-аналардың да мұны жақсы түсініп, қолдайтынын көріп отырмыз. Ата-аналар қандай мәселелер шұғыл екенін, қандай мәселелер ата-аналар чаттарында талқыланатынын және нені талқыламауға болатынын түсінеді. Мұғалімдер қай чаттарға қатысады, қай чаттарға қатыспайды - менің пайымдауымша бұл жерде регламент қажет. Біз ата-аналар чаттарына қатысты барлық тәсілдер мен жаңашылдықтарды реттейтін бірыңғай нормаларды әзірлеуге дайынбыз. Оның уақыты келді, бұдан әрі осылай жалғаса бермейді", - деді ол.
Оның айтуынша, ережені бұзғандарға қандай да бір айыппұл санкцияларын енгізу қарастылымаған.
"Жоқ, жұмыс уақытанан кейін мұғалімдерді мазалайтын ата-аналарға айыппұл қарастырылмаған. Мұндай жоспар да жоқ", - деп қосты оқу-ағарту министрлігінің басшысы.
Журналистер бұл жұмыстың қалай ұйымдастырылуы мүмкін екенін және сағат 18.00-ден кейін педагогтерге қоңырау шалуға тыйым салу туралы сөз болып отыр ма деген сұрағына министр "Алғашқы кезеңде сағат 18.00-ден кейін мұндай чаттарда мәселелерді талқыламау және оларға жауап бермеу туралы ұсыныс болған. Қазір бізде екі ауысымда оқытатын мектептер бар, сабақтар сағат 20.00-де аяқталады, сондықтан бұл жерде мәселе басқаша бет алатынын көріп отырмыз... Мен ата-аналарды өздерін мұғалімдердің орнына қойып, олардың мойнында қандай жүктеме бар екенін және балалармен қандай жұмыс жүргізетінін түсінуге шақырдым. Сабақтан кейін ата-аналардан шұғыл әрі өте маңызды өтініштер түсуі мүмкін - мұндай жағдайда мұғалімдер міндетті түрде ата-аналарға мәселені шешуге көмектеседі. Бірақ мен қоғамдағы жаңа әдеп туралы, мұғалімдерді түрлі болмашы, ұсақ-түйек мәселелер бойынша мазаламау керектігі туралы айттым", - деп түсіндірді Жұлдыз Сүлейменова.
Естеріңізге сала кетсек, бұған дейін министр ата-аналарға арналған бейнеүндеу жариялаған болатын.
Оқу-ағарту министрлігінің мәліметінше, бүгінде мектептерде 4,1 млн бала білім алады, шамамен 8 млн ата-ана және 420 мың мұғалім бар.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.