02.04.2020, 13:01 4212

Шекарашылар бекіре балықтарын аулағандарды құрықтады

Дерек бойынша құзыретті органдармен ақпарат алмасу жұмыстары жүргізілді және сотқа дейінгі тергеу мүмкіндігінің шешімін қабылдау үшін аталған мәлімет 2018 әскери бөлімінің ақпаратты тіркеу кітабына тіркелді.

Алматы.2 сәуір. Kazakhstan Today - Шекарашылар бекіре балықтарын аулағандарды құрықтады.

Шекара қызметі 2018 әскери бөлімінің шекарашылары өздеріне жүктелген міндеттерді әрдайым үлкен жауапкершілікпен және қырағылықпен атқарып келеді. Соның дәлелі ретінде 2020 жылғы 28 наурызда сағат 22.00 шамасында шекара наряды бекіре тұқымдас балықтарды заңсыз алып келе жатқан екі Қазақстан Республикасының азаматын ұстады.

Шекара наряды Маңғыстау облысы Қарақия ауданы Кендірлі демалыс аймағында "Бұрғылау" демалыс орны маңында УАЗ маркалы автокөлігін тоқтатты. Автөкөлікті тоқтату және тексеру барысында 2 адам белгісіз бағытқа қашып үлгерген. Автокөлікті тексеру барысында салмағы 79 кг 20 дана бекіре тұқымдас балық анықталды. Мемлекетке келтірілген шығын құны 20 млн. 642 мың 900 теңгені құрайды.

Заң бұзушыларды құрықтау мақсатында, "Фетисово" шекара заставасының бастығының шұғыл іздеу іс-қимылын шебер ұйымдастыруының нәтижесінде, көлікті тастап қашқан екі ҚР азаматтары дер кезінде құрықталды.

Дерек бойынша құзыретті органдармен ақпарат алмасу жұмыстары жүргізілді және сотқа дейінгі тергеу мүмкіндігінің шешімін қабылдау үшін аталған мәлімет 2018 әскери бөлімінің ақпаратты тіркеу кітабына тіркелді.

Ұсталған азаматтар, УАЗ автокөлігі және 20 дана бекіре тұқымдас балығы акті арқылы Маңғыстау облысы Қарақия ауданы полиция бөлімінің тергеу тобына тапсырылды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны