Система Orphus

Шығыс Қазақстан облысындағы кене шаққандардың саны 2 мың адамнан асып кетті

11.06.2007, 16:11 2763

СЕМЕЙ. 11-маусым. Kazakhstan Today. Шығыс Қазақстан облысында кене шаққандардың саны 2 мың адамнан асып кетті. Бұл туралы Kazakhstan Today агенттігінің тілшісіне Шығыс Қазақстан облысының Мемлекеттік санитарлық-эпидемиологиялық қадағалау департаментінен хабарлады.

Департаменттің ақпараттарына сүйенсек, 28-наурыз бен 6-маусым аралығында облыстың емдеу-профилактикалық мекемесіне кене шаққан 2060 адам медициналық көмекке жүгінген, олардың 592-і 14 жасқа дейінгі балалар. Департаменттегілердің айтуынша, 2006 жылы осы кезеңдегі кенеден зардап шеккендер саны - 1508 адам.

Естеріңізге сала кетейік, облыста кене энцефалитімен мамыр айында үш адам ауырған болатын. Департамент мамандарының мәліметтеріне сүйенсек, науқастарыдың саны әзірге белгісіз.

Мемлекеттік санитарлық-эпидемиологиялық қадағалау мекемесіндегілер, "қазіргі уақытта облыстағы індеттің таралу аумағындағы емдеу-алдын алу мекемелері кене энцефалитіне қарсы дәрі-дәрмекпен қамсыздандырылғандығын" растап отыр. Індетті жұқтырудың алдын алу мақсатында тұрғындар арасында емдеу-профилактикалық шаралар мен санитарлық-түсіндіру жұмыстары жалғасуда.

Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны