Система Orphus

Шілде мен қыркүйек аралығында ел аумағында сел, сырғыма көшкін қаупі бар кезең өтуде.

20.08.2020 29566

Алматы. 20 тамыз. Kazakhstan Today - Шілде мен қыркүйек аралығында ел аумағында сел, сырғыма көшкін қаупі бар кезең өтуде.

Жыл сайын ҚР ІІМ ТЖК "Қазселденқорғау" ММ мамандары мұздақ көлдерді босату бойынша алдын алу іс-шараларын және мұздақ көлдердің эвакуациялау арналарында (Іле және Күнгей Алатау жотасының Үлкен, Кіші Алматы, Қарғалы, Ақсай, Талғар, Есік, Қаскелең өзендерінің бассейндерінде; Жетісу Алатау жотасының Қорғас, Сарқан, Биен өзендерінде) ағымдағы жөндеу қалпына келтіру жұмыстарын жүргізеді.

Алдын алу жұмыстары эвакуациялау арналарын кеңейту және тереңдету, сондай-ақ диаметрі 200-ден 300 мм-ге дейінгі сифондарды орнату және іске қосу үшін арнайы шағын көлемді техниканы пайдалана отырып, қолмен де, жару тәсілімен де жүргізіледі.

Ағымдағы жылдың маусым айынан бастап Алматы қаласы мен Алматы облысының аумағында 17 аса серпінді қауіпті мұздақ көлдерде жұмыстар жүргізілуде, оның ішінде 5 көлде (Ақсу өзенінің бассейндерінде № 49, № 50, № 18 Бүйен көлі, № 19 Талғар көлі, Сарқан көлі, Ақкөл көлі) көлемдерді төмендету бойынша жұмыстар аяқталды, 12 көлде жұмыстар жалғасуда.

Ағымдағы жылы жағдайды бағалау үшін Қазселденқорғау, ТЖД және жергілікті атқарушы органдардың мамандары Іле, Күнгей, Жетісу, Қырғыз және Талас Алатау, Тарбағатай, Тұрғысын жоталарының бассейндері бойынша 1501 жерүсті қауіпті учаскеге тексеру және 22 аэровизуалды тексеру жүргізді.

Гидрометеорологиялық жағдайды бағалауды және тау өзендерін бақылауды Қазселденқорғаудың 112 бекеті мен 29 диспетчерлік пункті қамтамасыз етеді.

Өзендер мен автожолдар арналарының қауіпті учаскелерінде 283 ақпараттық қалқан және ескерту белгілері қойылған.

Құрамында 115 адам және 64 бірлік Қазселденқорғау техникасы бар 12 авариялық-механикаландырылған бригада құрылды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны