Система Orphus

Шымкентте жастар мәселесі талқыланды

08.02.2019, 23:53 9127

Шымкент. 8 ақпан. Kazakhstan Today -Мемлекет басшысының "Қазақстандықтардың әл-ауқатының өсуі: табыс пен тұрмыс сапасын арттыру" Жолдауы шеңберінде, Шымкент қаласы прокуратурасының ұжымы Парламент Мәжілісінің депутаты Мансұрхан Махамбетовпен кездесті.

Жолдауда Елбасының 2019 жылды "Жастар жылы" деп жариялағанын ескере отырып, кездесуде жастар мәселесіне назар аударылды және олардың арасындағы қылмыстық құқық бұзушылық мәселелері талқыланды.

Қала прокуроры өңірде өткен жылмен салыстырғанда жастардың саны 2,3%-ға артқанын айтты. Сонымен қатар конституциялық құқықтарды қорғауға бағытталған құқық қорғау қызметінің негізгі шараларына тоқталды.

Прокурорлық қадағалау актісі негізінде, өткен жылы орта-арнаулы оқу орындарының 1,5 мың оқушыға (996 кәмелет жасына толмағандар, 3 жетім бала) 7,3 млн. теңге қаржы көлемінде жәрдемақы және жол жүру үстемақылары төленді.

Прокурорлар қаладағы жасөспірімдер арасындағы құқық бұзушылықтардың саны 20,5% төмендегенін де атап өтті (263-тен 209-ға).

"Заңсыз есірткі айналымы 15%-ға төмендегенімен (375-тен 318-ге), олардың заманауи сату, тарату әдістері алаңдатушылық тудырады", - деді қала прокуроры.

Осы орайда, қала тұрғындары "Facebook"және"Telegram" платформаларында есірткі заттарының таралу фактілері туралы хабарламаларды көргенде олардың одан әрі таралуына тосқауыл қою мақсатында әлеуметтік желілерде арнайы парақша ашу ұсынылды.

Кездесу соңында бірқатар ұсыныстар қабылданды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

тақырып бойынша жаңалықтар

Ең көп оқылғаны

Серіктестердің жаңалықтары