05.05.2014, 20:23 24457

СҚО-да Жеңіс Күні мен Отан қорғаушылар күніне орай митинг өтті

М.Қозыбаев атындағы Солтүстік Қазақстан мемлекеттік университетінде Жеңіс күніне және Отан қорғаушылар күніне орай салтанатты митинг өтті. Игі шараға СҚМУ әскери кафедрасының тыңдаушылары, тыл және еңбек ардагерлері, университет ұжымы қатысты.

Алматы. 5 мамыр. Kazakhstan today. М.Қозыбаев атындағы Солтүстік Қазақстан мемлекеттік университетінде Жеңіс күніне және Отан қорғаушылар күніне орай салтанатты митинг өтті. Игі шараға СҚМУ әскери кафедрасының тыңдаушылары, тыл және еңбек ардагерлері, университет ұжымы қатысты.

Сонымен қатар, шараға облыс әкімі Самат Ескендіров пен ҚР Парламенті Сенатының депутаты Анатолий Башмаков қатысты.

"Ұрпақ ауысуда, алайда намыс, беріктік, парыз сынды ұғымдарды құрметті Отан қорғаушылар атағынан бөле жара қарамаймыз. Отанды қорғау мемлекеттің басты міндеті және ол ел азаматтарының құрметті парызы", - деді аймақ басшысы.

" "Ата-бабаларының қайтпас қайсарлығын, ұлы ерлігін ешқашан ұмытпаңыздар", деп Ұлы Отан Соғысының ардагері Қасым Жүнісов жастарға үндеу тастады", деп облыс әкімдігінен хабарлады.

Салтанатты маршпен басты алаңды әндетіп СҚМУ әскери кафедрасының жеке құрамы өтті.

Айта кетерлік жайт, М.Қозыбаев атындағы СҚМУ әскери кафедрасы 1998 жылы құрылып, осы уақытқа дейін 2000 астам офицерлер мен запастағы сержанттарды түлетті.

Концерттік бағдарламада әскери жылдардың дәстүрлі әндері орындалды. Дәл осы күні жоғарғы оқу орнында Қазақстан халқы Ассамблеясының кафедрасы салтанатты түрде ашылды.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны