16.10.2009, 12:47 1612

Сот бұрынғы қоршаған ортаны қорғау вице-министрлерін шартты жаза мерзімдеріне кесті

Сот бұрынғы қоршаған ортаны қорғау вице-министрлерін шартты жаза мерзімдеріне кесті

Астана. 16 қазан. Kazakhstan Today - Астананың Есіл аудандық сотында бүгін судья Ерлан Тасыров бұрынғы қоршаған ортаны қорғау вице-министрлері Илжан Бралиев пен Зейнолла Сәрсенбаевқа қатысты үкімді жария етті, деп хабарлайды Kazakhstan Today.

З. Сәрсенбаев үш жылға бас бостандығынан айыруға шартты, А. Бралиев - екі жылға шартты бас бостандығынан айыруға кесілді. Вице-министрлер сот залында босатылды.

Сондай-ақ, сот "Меркурий плюс" компаниясының өкілі Иділбек Жайылғановты жазаны жалпы тәртіптегі абақтыда өтеумен 6 жылға бас бостандығынан айыруға үкім шығарды.

Бұдан бұрын да хабарлағанымыздай, Астана қаласының Есіл аудандық сотында 16 маусымда бұрынғы қоршаған ортаны қорғау министрі Нұрлан Ысқақовқа және мекеменің екі вице-министрі - Илжан Бралиев пен Зейнолла Сәрсенбаевқа қатысты іс қарала бастады. Сот мәжілістері ашық жүргізілді.

Айыптау материалдары бойынша Нұрлан Ысқақов, И. Бралиев, З. Сәрсенбаев, Т. Савицкая, А. Жайылғанов пен В. Лайсқа қызметтік өкілеттіліктерін пайдаланып бюджет қаржысын жымқыруға түрлі жолдармен қатысты және мемлекеттік сатып алулар кезінде қызметтік өкілеттілігін асыра пайдалану арқылы мемлекетке 1 млрд 172 млн теңге көлемінде шығын келтірді деген айып тағылды.

И. Бралиев пен З. Сәрсембаев аталған қылмыстық іс бойынша өздеріне тағылған айыпты мойындамайтындарын мәлімдеді.

Айыптау қорытындысын оқыған прокурор Бахтияр Ерназаров Мемлекеттік айыптаушы ретінде З. Сәрсембаевты 6 жылға бас бостандығынан айыруды, Бралиевті 3 жыл шартты бас бостандығынан айыруды сұрады.

Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

МӘТІННЕН ҚАТЕ ТАПТЫҢЫЗ БА?

Оны тінтуірмен таңдап, Ctrl + Enter пернелерін басыңыз.

тақырып бойынша жаңалықтар

Ең көп оқылғаны