Система Orphus

Теңіз жаяу әскерлерінің жауынгерлері үздік "Мерген батальон"жарысында топ жарды

15.04.2019, 00:14 5131

Нұр-Сұлтан. 14 сәуір. Kazakhstan Today - Теңіз жаяу әскерлерінің жауынгерлері үздік "Мерген батальон"жарысында топ жарды.

"Мергендер батальоны" жалпы әскери құрылымдар жарысының қортындысы бойынша "Батыс" өңірлік қолбасшылығының теңіз жаяу әскері батальоны Құрлық әскерлерінің үздігі атанды.

Аталмыш жарыс Қарулы Күштердің Бас штаб бастығының бастамасымен ұйымдастырылып, әскерлердің жауынгерлік даярлық деңгейін анықтауға бағытталды.

Жарыста 25744 әскери бөлімінің теңіз жаяу әскері батальонының басқа, мотоатқыш, десанттық-шабуылдау, шабуылдау батальондары бақ сынады.

Әскери бөлім командирінің жауынгерлік даярлық жөніндегі орынбасары гвардия подполковнигі Тимур Сулаймановтың айтуы бойынша, бұл нәтиже кешендік даярлықтың арқасында, оның ішінде - жеке құрамның сапалы үйлестірілуінде, командирлердің сапалы жұмыс жасауында және жеке құрамның жоғары жауапкершілігі арқасында қол жеткізілді.Батальон құрамының басым бөлігін мерзімді қызметтегі сарбаздар құрады.

Жарыстың басты мақсаты Құрлық әскерлерінде жалпыәскери және десанттық бөлімшелер арасында оқ ату машықтығын арттыру, штаттық қару мен қару-жарақтан оқ атулардың жаттығуларын (тапсырмаларын) орындау бойынша үздіктерді анықтау, тапсырылған қару-жарақ пен әскери техниканы шебер меңгеруге жауапкершілік сезімдерін ояту болды.

Биылғы көрсеткіштер өткен жылдың сайыс нәтижелері Құрлық әскерлері бөлімшелерінің атыс машығының, дәл көздеу мен дәл оқ атуда әскери қызметшілердің дағдыларының деңгейі анағұрлым жоғарлағанын растайтынын айта кету қажет.

"Батыс" өңірлік қолбасшылығының баспасөз қызметі

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

тақырып бойынша жаңалықтар

Комментарии

Ең көп оқылғаны