Система Orphus

Цой: Ashyq жүйесі қоғамдық орындарда 1 867 коронавирус тасымалдаушысын анықтауға көмектесті

18.05.2021 8803
Цой: Ashyq жүйесі қоғамдық орындарда 1 867 коронавирус тасымалдаушысын анықтауға көмектесті
НҰР-СҰЛТАН. 18 МАМЫР - Қазақстанның Денсаулық сақтау министрі Алексей Цой Үкімет отырысында Ashyq жүйесінің көмегімен адам көп жиналатын орындарға баратын, өзінің коронавирусқа оң тесті туралы білетін санасыз азаматтарды анықтау туралы айтты, деп хабарлайды KAZAKHSTAN TODAY ҚР Премьер-Министрінің баспасөз қызметіне сілтеме жасап.
 
Министр кәсіпкерлік объектілерінің қызметі мен эпидемиологиялық жағдай арасындағы теңгерімді сақтау мақсатында 18 қаңтардан бастап пилоттық режимде "Ashyq" жобасы іске қосылғанын еске салды. 26 сәуірден бастап Ashyq жүйесі бүкіл елде қолданыла бастады. Бүгінгі таңда "Ashyq" жүйесі барлық қызмет саласындағы 6 мыңға жуық нысанды қамтиды, 1 млн 400 мың пайдаланушы тіркелген.
 

"Ashyq" қосымшасы енгізілген сәттен бастап қызыл және сары мәртебесі бар 3 256 келуші анықталды, оның ішінде 1 867 ПТР тестінің оң нәтижесі бар науқастар және 1 389 ауруды жұқтырғандармен байланыста болған адамдар", - деді Алексей Цой.

 
Оның ақпараты бойынша, 12 мамырдан бастап пилоттық режимде Нұр-Сұлтан қаласының және 21 мамырдан бастап Алматы қаласының әуежайларында "Ashyq" қосымшасы пайдаланылуда, бұл ПТР тестінің оң нәтижесі бар 37 науқасты және ауруды жұқтырғандармен байланыста болған 37 адамды анықтауға мүмкіндік берді.
 

Бұл статистика көрсеткендей, өкінішке орай, кейбір азаматтар үйде оқшаулау режимін сақтамайды, халық көп жиналатын нысандарға баруға, ел ішінде жол жүруге тырысады, осылайша басқа келушілер мен ұшақтағы жолаушылар үшін ауруды жұқтыру қаупін тудырады", — деп атап өтті А. Цой.

 
 Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны