Система Orphus

ТЖ жөніндегі оперативті орталығына ҚХР дәрігерлері келді

10.04.2020, 23:01 4834

Алматы. 10 сәуір. Kazakhstan Today - ҚР ДСМ Қоғамдық денсаулық сақтау ұлттық орталығы жанындағы ТЖ жөніндегі оперативті орталығына ҚХР дәрігерлері келді.

Бүгін 10 сәуірде ҚХР дәрігерлері Қытай үкіметі миссиясы аясында ҚР ДСМ ҚДСҰО ТЖ жөніндегі Оперативті орталығына келді.

ТЖ Оперативті орталығына бару барысында қоғамдық денсаулық сақтау саласының докторы Jiang Atai Talifu, сондай-ақ пульмонолог дәрігер Qui Guangfeng Қазақстандағы эпидемиологиялық жағдаймен және жаңа коронавирустық инфекцияның таралуына қарсы іс-қимыл бойынша қабылданып жатқан шаралармен танысты. Қытай әріптестері ҚР-дағы COVID-19 ахуалына қатысты ақпаратты жинау және өңдеу жұмыстары үшін бүкіл елден тартылған эпидемиолог дәрігерлердің жұмысына жоғары баға берді.

ҚР ДСМ ҚДСҰО директоры Дамир Көбжасаров атап өткендей, ТЖ жөніндегі Оперативті орталық қазіргі уақытта коронавирус бойынша деректерді жинақтап, өңдейтін орын болып отыр, оған қоса жынысына және жасына қарай сырқаттанғандар мен байланыста болғандардың саны, бір күн ішінде және жалпы жазылғандар саны және т.б. жөнінде жедел және өзекті ақпарат беруде.

Қытай әріптестерінің сапары аяқталғаннан кейін ҚР ДСМ базасында ҚХР-дан келген барлық дәрігерлердің қатысуымен жаңа коронавирустық инфекцияны клиникалық диагностикалау, емдеу және таратпау бойынша жедел және тиімді шараларды қолдану жөнінде өздерінің бірегей тәжірибесін таныстыру үшін ауқымды онлайн-конференция ұйымдастырылды.

Доктор Лу Чен 7-ші басылыммен шыққан ҚХР-дағы жаңа коронавирус тудырған пневмонияны диагностикалау және емдеу жөніндегі нұсқаулықты көрнекі түрде таныстырды. Сонымен қатар ауруға күдік тудырған пациенттерді қарау процедурасы, сондай-ақ аурудың өзін емдеу мәселелері егжей-тегжейлі талқыланды.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны