Ұялы байланыс тарифтері бойынша Қазақстан 144 елдің ішінде 42-орында
Астана. 13-мамыр. Kazakhstan Today - Илемнің 144 елінің ішінде ұялы байланыс тарифтерінің деңгейі бойынша Қазақстан 42 орында, деп хабарлайды Kazakhstan Today агенттігінің тілшісі.
Бұл туралы ҚР көлік және коммуникация вице-министрі Сәкен Сәрсенов мәлім етті.
"Тарифтер туралы жалпы айтатын болсақ, Қазақстандағы тарифтер өте жоғары деп айтуға болмайды. 2013 жылдың ДЭФ-ның IT есебіне сәйкес әлемнің 144 елінің ішінде біз ұялы байланыс тарифтері бойынша 42-орындамыз. Бізде тарифтер Ресейдегіге қарағанда төмен. Мысалы, өткен жылы біз аталған рейтингтің 67-орнында болдық", - деді С.Сәрсенов.
Сонымен қатар, ол қазіргі уақытта Көлік және коммуникация министрлігі ұялы байланыс нарығының шамамен 80% иеленген Kcell және Beeline басым операторларының бөлшек нарығында бағаны реттеуді жүзеге асырып жатқанын хабарлады.
"Бізде 2 оператор - Kcell және Beeline басым операторлар қатарында. Ағымдағы жылы аталған операторлардың ұялы байланыс қызметтеріне бағалар сараптамасы жүргізілді, соның нәтижесінде біз оларға максималды бағаларды орта есеппен алғанда 18%-ға төмендету қажеттілігі туралы ескертулер бағыттадық. "КарТел" компаниясы Beeline сауда белгісімен шекті бағалармен келісіп, тарифтерді төмендетті, ал Kcell қазір бізбен сот процестерін жүргізіп жатыр", - деп атап өтті ККМ басшысының орынбасары.
"Айта кету керек, Тele-2 жаңа операторы тарифтерді төмендету бөлігінде үлкен өзгерістер енгізуде. Компания discount- оператор болып табылады. Бұл нарық үшін өте жақсы", - деп толықтырды С.Сәрсенов.
ComNewsResearch талдау агенттігінің мәліметінше, 2013 жылдың ақпанына Қазақстанның ең арзан операторы TELE-2 болып табылады: оператордың ұсынысы бойынша "қоржынның" орташа құны республиканың барлық облыстарында 1093,86 теңгені құрайды, бұл Қазақстан бойынша орташа көрсеткіштен (1932,26 теңге) 43%-ға төмен. Одан кейін "КаР-Тел" компаниясы Вeeline брендімен бірге: 1855,55 теңге.
Рейтингте қарастырылған операторлар ішінде ең қымбаты Kcell брендімен "Кселл" АҚ болып табылады. Оның ұялы байланыс "қоржыны" 2270,93 теңге деңгейінде тіркелген, бұл ел бойынша орташа есептен 16%-ға артық. Компанияның басқа бір бренді Activ "қоржын" құнының орташа есебінен не бары 6%-ға жоғары.
Қазіргі уақытта Қазақстанның ұялы байланыс нарығында Kcell, Beeline, Tele 2, ALtel брендтерімен 4 оператор жұмыс жасайды. Оған қоса нарықтың 80%-дан астамы Kcell және Beeline тиесілі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.