Система Orphus

Қызылордада қала күніне орай бірнеше нысан пайдалануға берілді

02.10.2019, 18:43 15229

Қызылорда. 2 қазан. Kazakhstan Today - Қызылордада қала күніне орай бірнеше нысан пайдалануға берілді.Жаңа нысандардың ашылуына облыс әкімі қатысып, қала тұрғындарын құттықтады. Олар 320 орынға арналған "Ханшайым ана" балабақшасы мен жалпы саны 220 пәтерді құрайтын сол жағалауындағы жаңа қалада орналасқан 4 көпқабатты тұрғын үй.

Тыл және ауған соғысының ардагері мен ата анасының қамқорлығынсыз қалған жастар және 2- топ мүгедектеріне пәтер кілті табысталды. Соңғы жылдары қаламызда 15 жаңа шағын аудан бой көтеріп, 7 мыңнан астам қызылордалық баспаналы болды. Сонымен қатар, осы жылы тұрмысы төмен көпбалалы отбасыларды тұрғын үймен қамтамасыз ету үшін "Баламекен" жобасы аясында Болат Өтемұратовтың жеке қорының демеушілік қолдауымен 100 отбасы тұрғын үймен қамтылғанын білесіздер.

Сондай-ақ, бүгінде Сырдарияның сол жағалауында 50 пәтерлік 25 тұрғын үйдің құрылысы жүргізілуде.

Қаржыландырудың барлық көздері есебінен есепті мерзімде жалпы ауданы 179 мың 868 шаршы метр тұрғын үй пайдалануға берілді. Бұл көрсеткіш өткен жылмен салыстырғанда бірнеше есеге артқан.

Дәл осы күні пайдалануға берілген жаңа балабақша мемлекеттік жекешелік әріптестік аясында бой көтерген. 3 қабаттан тұратын ғимараттың жалпы ауданы 6640 шаршы метр. Құны 874,6 млн теңге. Заманауи үлгіде салынған балабақша 16 топқа арналған, әр топта 20 баладан тәрбиеленеді. Аймақ басшысы өз сөзінде "Өскелең ұрпаққа салынған инвестиция -болашағымыздың жарқын болуының кепілі". Бұл мақсатта мемлекеттік-жекеменшік әріптестік бағдарламасы үлкен рөл атқаруда. Қазіргі таңда облыстағы жекеменшік балабақшалардың үлесі 72 пайызды құрайтындығын атап өтті.

Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.

При использовании информации, гиперссылка на информационное агентство Kazakhstan Today обязательна.

Комментарии

тақырып бойынша жаңалықтар

Ең көп оқылғаны