Зағип жандар "Ізбасары Абайдың" атты Абай қарасөздері мен өлеңдерін жатқа оқудан байқауға қатысты
Зағип жандардың компьютерінде жазбаны дыбыстап айтатын қондырғы бар. Сол арқылы олар ақпарат алып отырады.
Алматы. 4 мамыр. Kazakhstan Today - Әлемді жайлаған короновирус індеті біздің елімізді айналып өткен жоқ. Бүгінде еліміздің барлық аймағынан ауыруға ұшырағандар қатары көбейіп, өзге жұрттар қатарлы қауіпсіздік шараларын ұйымдастырып жатырмыз. Рухани саладағы мекемелер де онлайн жұмыс тәртібіне көшті. Осыған орай "Зағип және нашар көретін азаматтарға арналған республикалық кітапхана" директоры Асхат Құсайынұлы Байұзақовпен сұхбаттасып, мына жағдайда қалай жұмыс істеп отырғандарын білген едік.
-Қазіргі таңдағы әлемдік деңгейде қалыптасып отырған жағдайды білесіз. Жалпы індет туралы адамдардың пікірі әр қилы болып отыр.
-Аурумен бірге жер шарындағы барлық мемлекеттердің тыныс, тіршілігіне өзгеріс енді. Жұмыс орындарының көбі уақытша болса да жабылды. Адамдар үйден жұмыс істеуде. Бұл айта салуға оңай болғанымен, қалыптасқан тіршілік дағдысының өзгеріске түсуі адамдарды өмірге жаңаша қарауға мәжбүр етіп отырған жағдайы бар. Біз індетке қарсы ерте қам жасаған елдердің қатарындамыз. Осының арқасында індеттің жаппай таралуына тосқауыл қойылды. Бұл мемелекет басшысы Қасым-Жомарт Тоқаев пен үкіметтің тарапынан қабылданған шаралардың арқасы.
-Өзіңіз басқарып отырған мекемдегі ахуалға көшсек?
-Қазір еліміз бойынша, әсіресе рухани сала онлайнға көшті. Біздің де жұмыс тәсіліміз өзгерді. Республикалық зағиптар кітапханасы барлық облыстық арнайы кітапханаларға әдістемелік жетекшілік ететіндіктен біз зағип азаматтарға республика аумағында қызмет керсетеміз. Зағип азаматтарға қызмет көрсететіндіктен біздің кітапхана жұмысының толып жатқан өзіндік ерекшеліктері бар. Әдетте біз тұлғалардың мерейтойларына байланысты шаралар үйымдастыратын едік, бұл шаралар кездесулер, дәрістер, сұқбаттар формасында өткізілетін. Енді осы мәселелер онлайн нұсқада орындалатын болды. Карантин жарияланғаннан бері ақын Тұманбай Молдағалиевтың туғанына 85 жыл толуына арналған "Ақын жыры - уақыт сыры" атты әдеби танымдық кеш онлайн арқылы өткізілді.
-Қалыптасқан форматтағы кештер белгілі. Онлайн арқылы өткізілетін кеш қалай өтеді?
-Кітапхана қызметкерлері әдеттегідей тақырып бойынша дайындалады.Сценарий жазып, жүргізілуге тиісті кеш кітапхананың инстаграм әлеуметтік желісіндегі парақшасында тікелей эфирде өтті. Оқырмандар кешке қатысты пікірлерін жазады. Өздерін толғандырған мәселелер төңірегінде сұрақ та қоя алады. Кітапхана мамандары мен кеш қонақтары, спикерлер жауап береді.
-Зағип көрермендер жазбаны көре ала ма?
-Зағиптар көре алмайды. Алайда олардың компьютерінде жазбаны дыбыстап айтатын қондырғы бар. Сол арқылы олар ақпарат алып отырады. Сонымен қатар, күйші, композитор Нұрғиса Тілендиевтің туғанына 95 жыл толуына орай, "Қазақ музыкасының сайыпқыраны" атты әдеби танымдық кеш те осы формада оқырмандарға жол тартты.
-Онлайн арқылы танымдық әдеби кештерден басқа қандай шаралар өткіздіңіздер?
-Сәуірдің 4 күні кітапхананың инстаграм желісіндегі парақшасында "Ізбасары Абайдың" атты Абай қарасөздері мен өлеңдерін жатқа оқудан байқау жарияланды. Сәуірдің 26-сында жеңімпаздар марапатталды. Сонымен қатар,"Брайлевский ввод на операционных системах iOS и Android" тақырыбында кітапханашы Кондратьева Анна біліктілікті арттыру сағатын өткізді.Карантин жарияланған бір айдан аса уақыт ішінде онлайн формат арқылы өткізілуде.
-Зағип азаматтарға арнап дыбыстандырылған кітаптар шығаратын едіңіздер?
-Дыбыстандырылған кітаптарды оқу барысы әсіресе, онлайнға көшкелі бері екпін алды. Біз осы мерзімде 32 дыбыстандырылған кітапты әлеуметтік желіге салдық. Ол кітаптармен танысқан адамдардың саны 8881 оқырман. Атап айтсақ/Facebook/ Instаgram/ Youtube/ BКонтакте/ әлеуметтік желісіндегі шаралардың жалпы саны 168 болса, онымен танысып шыққан оқырмандар саны 15802.
-Сіздерде республикадағы зағип оқырмандарға арналған "Менің жолым" атты дыбыстандырылған газет те бар емес пе?
-Бар, біз оны тек қазір республика дегейінде Инстаграмға салып жатырмыз. Дыбыстандырылған дайын ақпарат. Соны онлайн мүмкіндігіне көшірдік. Біздің келешекте де онлайн мүмкіндігін толық пайдалануды мақсат етіп отырмыз. Бұл жер-жердегі зағип оқырман азаматтарға ақпарат жеткізудің тиімді жолы екеніне көз жеткізіп отырмыз.
-Әңгімеңізге рахмет. Жұмыстарыңызға табыс тілеймін!
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Бірінші тоқсанның қорытындысы бойынша МӘСҚ-тен 840 мыңға жуық адам әлеуметтік төлем алды
2024 жылдың бірінші тоқсанының қорытындысы бойынша Мемлекеттік әлеуметтік сақтандыру қорынан (бұдан әрі - МӘСҚ) 840 мыңға жуық қазақстандық 215,2 млрд теңге сомасына әлеуметтік төлемдер алды, деп хабарлайды ҚР Еңбек және халықты әлеуметтік корғау министрлігінің баспасөз қызметінен.
Еңбекке қабілеттіліктен айырылған жағдайда төленетін әлеуметтік төлем бюджет қаражаты есебінен мүгедектігі бойынша мемлекеттік әлеуметтік жәрдемақыға қосымша тағайындалады. МӘСҚ-тен төлем медициналық-әлеуметтік сараптамада белгіленген 30%-дан 100%-ға дейінгі дәрежеде және еңбек қызметін жалғастыруына қарамастан жалпы еңбекке қабілеттілігін жоғалту кезеңінде жүзеге асырылады.
2024 жылғы 1 сәуірдегі жағдай бойынша бұл төлемді 11,5 млрд теңге сомасына 90 мыңнан астам адам алды, бұл 2023 жылдың сәйкес кезеңімен салыстырғанда 31% - ға артық. Белгіленген төлемнің ай сайынғы орташа мөлшері 57 346 теңгені құрады.
Асыраушысынан айырылған жағдайда төленетін әлеуметтік төлем міндетті әлеуметтік сақтандыру жүйесіне қатысушының асырауында болған адамдарға бюджет қаражаты есебінен төленетін асыраушысынан айырылуы бойынша мемлекеттік әлеуметтік жәрдемақысына қосымша тағайындалады. МӘСҚ-тен төлем асырауындағы адамдар 18 жасқа толғанға дейін, ал күндізгі оқу нысанында оқыған жағдайда 23 жасқа дейін төленеді.
Есепті кезеңде көрсетілген төлемді асыраушысынан айырылған 61,2 мың отбасы 8,6 млрд теңге сомасына алды, бұл 2023 жылдың сәйкес кезеңімен салыстырғанда 39%-ға көп. Белгіленген төлемнің ай сайынғы орташа мөлшері 58 543 теңгені құрады.
МӘСҚ-тен жұмысынан айырылу жағдайы бойынша әлеуметтік төлем әлеуметтік сақтандыру жүйесіне қатысушыға оның жұмыстан шығарылу себебіне қарамастан тағайындалады. Негізгі шарт - жұмыссыз ретінде тіркелу. Төлем мөлшері жұмыссыз ретінде тіркелгенге дейінгі соңғы 2 жыл ішінде МӘСҚ-ке әлеуметтік аударымдар жүргізілген орташа айлық табысқа, жүйеге қатысу өтіліне және табысты ауыстыру коэффициентіне (45%) байланысты.
2024 жылдың 3 айында бұл төлем 18,3 млрд теңге сомасына төленіп, оны 122,6 мың адам алды, бұл 2023 жылдың бірінші тоқсанындағы алушылар санынан 2 есе дерлік асып түсті. Өсім азаматтардың Электрондық үкімет және Электрондық еңбек биржасы порталдары, сондай-ақ екінші деңгейдегі банктердің мобильді қосымшалары арқылы төлемге өтініштер берудің электрондық нысанына сұранысқа байланысты. Белгіленген төлемнің ай сайынғы орташа мөлшері - 65 402 теңге.
Жүктілікке және босануға, жаңа туған баланы (балаларды) асырап алуға байланысты табысынан айырылу жағдайына байланысты әлеуметтік төлем жүктілік және босану бойынша демалыстың барлық күндеріне тағайындалады. Төлем мөлшері жүктілікке және босануға байланысты демалыс күніне дейінгі соңғы 12 айда МӘСҚ-ке әлеуметтік аударымдар жүргізілген орташа айлық табысқа және еңбекке жарамсыздық күндерінің санына байланысты болады.
2024 жылғы 1 сәуірдегі жағдай бойынша бұл біржолғы төлемді 65,8 мың болашақ ана жалпы сомасы 81,9 млрд теңгеге алды, бұл өткен жылдың сәйкес кезеңімен салыстырғанда 19%-ға артық. Тағайындалған төлемнің орташа мөлшері 1 460 282 теңгені құрады.
Бір жарым жасқа дейінгі бала күтіміне байланысты табысынан айырылу жағдайы бойынша ай сайынғы әлеуметтік төлем баланың туған күнінен бастап әлеуметтік сақтандыру жүйесіне қатысушыға тағайындалады. Төлем мөлшері соңғы 2 жылда МӘСҚ-ке әлеуметтік аударымдар жүргізілген орташа айлық табыстың 40%-ын құрайды. Екі және одан да көп бала туған кезде төлем әрбір балаға жеке тағайындалады.
2024 жылдың 3 айында бұл төлем 67 мың адамға тағайындалды, оның ай сайынғы орташа мөлшері 79 106 теңгені құрады. Төлем 94,9 млрд теңге сомасына жүргізілді, бұл 2023 жылдың осы кезеңімен салыстырғанда 1,8 есе көп.
Осылайша, міндетті әлеуметтік сақтандыру жүйесіне қатысатын жұмыс істейтін азаматтарды әлеуметтік қорғау жұмыс істемейтіндерге қарағанда әлдеқайда жоғары.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда жыл сайынғы жылу желілерін сынау өткізіледі
Сурет: gov.kz
2024 жылғы 24 сәуірден 15 мамырға дейін Алматының барлық аудандарының аумағында жылу желілерін гидравликалық сынау жүргізілетін болады, деп хабарлайды Алматы қаласы әкімдігінің баспасөз қызметінен.
Бұл күндері күн сайын сағат 04:00-ден 07:00-ге дейін магистральдық және тарату құбырларын тексеру тікелей жүргізілетін кезде қала тұрғындары мен мегаполис қонақтарына өте мұқият болуға, қарапайым сақтық ережелерін сақтауға кеңес береміз!
Қауіпсіздікті қамтамасыз ету шараларына қарамастан, кенеттен оқыс жағдайлар болып қалуы мүмкін: судың сыртқа ағуы,жол жабындысының ішінара бұзылуы және т.б.
Мұндай оқыс жағдайларда ешқандай дербес әрекет жасамаңыз, оқиға орнынан дереу кетіп, ол туралы "Алматы жылу желілері" ЖШС-не 378-06-48, 378-06-62 (тікелей нөмір), call-орталық: 341-07-00 немесе 341-07-77 (қосымша 1011 немесе 1014), сондай-ақ 109 телефондары арқылы хабарлаңыз.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандағы зейнетақының орташа мөлшері аталды
Жыл басынан бастап республикалық бюджеттен 926,5 млрд теңге сомасына зейнетақы төленді, оның ішінде базалық зейнетақы төлеуге - 291,4 млрд теңге, ынтымақты зейнетақы төлеуге - 635,1 млрд теңге қарастырылды, деп хабарлайды Қазақстан Республикасы Еңбек және халықты әлеуметтік қорғау министрлігінің баспасөз қызметінен.
2024 жылғы 1 сәуірдегі жағдай бойынша зейнеткерлер саны - 2 млн 364 мың адам.
2024 жылғы 1 сәуірдегі жағдай бойынша жиынтық зейнетақының орташа мөлшері 132 595 теңгені құрады, оның ішінде ынтымақты зейнетақы мөлшері - 89 901 теңге, базалық зейнетақы - 42 694 теңге.
2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.
Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі - МЗЖ) төленген кезеңдер зейнетақы жүйесіндегі еңбек өтіліне қосылады.
Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.
Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.
Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.
Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Мамыр айындағы демалыс: Еңбек министрлігі бұйрыққа қол қойды
ҚР Еңбек және халықты әлеуметтік қорғау министрі мамыр айындағы демалыс күндерін ауыстыру туралы бұйрыққа қол қойды.
Демалыс күні 2024 жылғы 4 мамыр сенбіден 2024 жылғы 8 мамыр сәрсенбіге ауыстырылсын", - делінген бұйрықта.
Демалыс күні жұмыс уақытын ұтымды пайдалану мақсатында ауыстырылды.
Осылайша қазақстандықтар мамыр айында келесі күндері демалады:
1 мамыр, сәрсенбі - Қазақстан халықтарының бірлігі күні;
7, 8 және 9 мамыр (сейсенбі, сәрсенбі, бейсенбі) - Отан қорғаушылар күні және Жеңіс күні.
4 мамыр, сенбі, жұмыс күні болады.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда Панфиловшы - Батырлардың шыңына Альпиниада өтеді
Ағымдағы жылдың 7 мамырында Отан қорғаушылар күнінің құрметіне орай және "Алматы - біздің ортақ үйіміз" науқаны аясында Кішіалматы шатқалының ең әдемі шыңдарының бірі- Панфиловшы- Батырлар шыңына жаппай өрмелеп шығу өтеді, деп хабарлайды Алматы қаласы әкімдігінің баспасөз қызметінен.
Шыңға өрмелеу бағыты Медеу биік таулы мұз айдынынан (1600 м) жалпы ашылуымен сағат 05:30-да басталады және "Шымбұлақ" тау шаңғысы курорты, Тұйық су, Мыңжылқы шатқалдары, Мәншүк Мәметова мұздығы мен асуынан, Панфиловшы- Батырлар шыңына(4120 м) көтеріледі. Бағыт өте күрделі-қиындық санаттары 1А.
Шыңға өрмелеуді ұйымдастырушылар- Алматы қаласынрың Туризм басқармасы (Almaty_Tourism Bureau), Алматының альпинизм Федерациясы (falp.kz) және Алматы мен Қазақстанның спорттық туристер Достастығы (Turclub.kz). Альпиниадаға қатысуға барлық ниет білдірушілер шақырылады. Кері бағытта қатысушыларға "Алматы - біздің ортақ үйіміз" науқаны аясында бағыт бойындағы қоқыс пен ұсақ қалдықтарды жинауға қосылу ұсынылады.
Қатысушылар таудағы ауа-райына сәйкес жабдықталуы керек, шаңғы таяқшаларын пайдалану ұсынылады. Альпиниаданың барлық қатысушылары үшін 2023 жылғы 7 мамырда сағат 05:30-дан 08:30-ға дейін Медеу - Шымбұлақ - Медеу гондолалық жолында жол жүру құны 1000 теңгені құрайды. Альпиниаданы өткізу қауіпсіздігін Алматы қаласының альпинизм федерациясының күштері және Қазақстанның тау құтқарушылар қауымдастығы қамтамасыз етеді.
Панфиловшы- Батырлар шыңын алғаш рет 1942 жылы Бүкілодақтық тау-кен даярлау мектебінің курсанттар тобы бағындырған болатын. 2012 жылдан бастап осы бағыт бойынша альпиниадалар жыл сайын өткізіледі.
Іс-шара Алматы қаласының халқы мен жастарын белсенді демалыс түрлеріне, салауатты өмір салтын ұстануға, қоршаған ортаға және тауларға бару мәдениетіне ұқыпты қарау құндылықтарын қалыптастыруға тартуға арналған.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.