Алматы облысы Жамбыл ауданы "Көкбастау" атшабарында ұлттық ат спорты түрлерінен жарыстар өтті
Жарысқа еліміздіӊ түкпір-түпкірінен және көрші мемлекеттерден жалпы саны 200-ден астам сүйгүлік қатыстырылды.
Талдықорған. 27 тамыз. Kazakhstan Today - Бүгін облыс әкімдігініӊ ұйымдастыруымен Алматы облысы Жамбыл ауданы "Көкбастау" атшабарында Конституция күніне және Халықаралық мамандандырылған "Астана ЭКСПО - 2017" көрмесіне орай ҚР Президентініӊ жүлдесі үшін ұлттық ат спорты түрлерінен жарыстар өтті. 199 жылдан бері дәстүрлі түрде өткізіліп келе жатқан осынау шара Елбасы Н.Назарбаевтыӊ "Болашаққа бағдар: рухани жаӊғыру" атты бағдарламалық мақаласында айтылған негізгі идеяны жүзеге асырудыӊ бірден-бір жарқын көрінісі болды.
Жарысқа еліміздіӊ түкпір-түпкірінен және көрші мемлекеттерден жалпы саны 200-ден астам сүйгүлік қатыстырылды.
Нәтижесінде 1 орынға Жамбыл ауданыныӊ атынан топқа түскен "Көӊілашар" жүйрігі келді. Жеӊімпазға 200 000 тг қаржылай сыйлық табысталды. 2 орынды Қарасай ауданыныӊ намысын қорғаған "Айшық" атты жүйрігі иеленді. Оған 150 000 тг табысталды. 3-ші болып келген Жамбыл облысыныӊ "Арабелла" атты жүйрігі иесіне 100 000 теӊгеніӊ сыйақысын алуына мүмкіндік туғызды.
Топ бәйгеде 1 орынды Қырғызстан Республикасынан жеткізіліп, топқа қосылған "Байторы" атты сәйгүлік иеленді. Жеӊімпазға Нива автокөлігініӊ кілті табысталды. 2 орынды иеленген Қарасай ауданыныӊ "Қозыкүреӊ" атты жүйрігініӊ иесі Лада Гранта автокөлігініӊ кілтіне ие болды. 3-ші болып Қырғызстанныӊ "Қарақұсы" келіп, 150 000 теӊгені жеӊіп алды.
11 шақырымдық құнан бәйгеде 1 орын - "Витязь", Жамбыл облысы, Лада Гранта көлігі; 2 орын - "Айару", Алматы қаласы, 150 000 тг; 3 орын - "Томирис", Жамбыл ауданы, 120 000 тг.
9 шақырымдық жорға жарысында 1 орын - "Элегант", Шығыс Қазақстан облысы, Лада Гранта автокөлігі; 2 орын - "Жойқын", Жамбыл ауданы, 150 000 тг; 3 орын - "Патрол", Райымбек ауданы, 120 000 тг.
Ал жарыстыӊ төресі саналатын Аламан бәйгеде 1 орын Қарасай ауданыныӊ "Ақтабан" атты жүйрігіне бұйырды. Жеӊімпазға УАЗ Патриот автокөлігініӊ кілті табысталды. 2 орынға Оӊтүстік Қазақстан облысыныӊ "Керідауыл" сәйгүлігі жайғасты. Иесіне Нива автокөлігініӊ кілті сыйға берілді. Сондай-ақ үшінші орынға Лада Гранта, төртінші және бесінші орындарға қаржылай сыйлықтар табысталды.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.