Алматыда мамандандырылған жоғары спорт шеберлігі мектебінде қазақ күресінен турнир өтті
Алматыныӊ мешітке келуші жамағаттары қазақ күресінен өткен турнирде 1 миллион теӊгені сарапқа салды.
Алматы. 14 шілде. Kazakhstan Today - Алматыныӊ мешітке келуші жамағаттары қазақ күресінен өткен турнирде 1 миллион теӊгені сарапқа салды.
Алматыда, мамандандырылған жоғары спорт шеберлігі мектебінде "Асылмұра" бағдарламасы аясында мешітке келуші жамағаттар арасында қазақ күресінен турнир өтті, деп ақпараттық және спорттық ХАБ хабарлайды.
Жарыс 40 адамныӊ қатысуымен Астана қаласыныӊ 20 жылдығына арналып, екі салмақ дәрежесі бойынша өткізілді - 75 кг дейін және 75 кг жоғары.
Турнир ережесіне сәйкес кез келген қатысушы Алматы мешітініӊ жамағаты болғанымен, олар өздерініӊ күш жігерліктерін байқата білді. Тартысты әрі қызыққа толы күреске жиналған жанкүйерлердін де қарасы аз болмады. Ал, ортада төрешілік еткен "qazaqkuresi" спорт клубыныӊ 10 адамы болды.
Нәтижесінде 75 кг салмаққа дейінгі келушілердіӊ арасында Батырбек Жайсанбаев (Таугүл мешіті) жеӊімпаз атанды. Ол Ақсайлық Ердос Сихаевты ұтты. Үшінші орынға Бақдаулет Динбаев (Ай Абылай) пен Таӊірберген Күзембай (Искер Ата) жайғасты.
75 кг-ден кейінгі салмақ қатысушылары арасында Серік Карапасбаев (Ақсай) чемпион атанса, Дархан Сеитов (Фәтима), Хасен Ермекбаев (Искер Ата) және Ғалымжан Ибрагим (Ибраһим) жүлделі орындарға ие болды.
- Жарыс өте жақсы болды. Бәрі әділ өтті. Қарсыластарымыз қиын болды, бірақ мен тырыстым. Өзім жиі спорт кешендерде дайындалып, футбол ойнап тұрамын. Күреспен 9-ші сыныпқа дейін айналысқам. Ұйымдастырушыларға алғыс білдіремін, - деп өз ойымен +75 кг жеӊімпазы Серік Карапасбаев (Аксай) бөлісті.
Жеӊімпаздар мен жүлдегерлер грамота, медаль, сылықтар және ақшалай сыйлықтарға ие болады. Бірінші орын үшін - 250 мыӊ теӊге, екінші орынға 125 мыӊтеӊге, үшінші орын үшін 50-50 мыӊ теӊгеден бөлінді.
Айта кету керек, "Асылмұра" бағдарламасы Алматы қаласы мешіттеріне келуші жамағаттары арасында бұқаралық спортты дамытуға бағытталған. Ирсенбі мен жексенбі сайын осы бағдарлама аясында қаланыӊ футбол алаӊдарында осы спорттан жарыстар ұйымдастырылады. Жарыстыӊ жалпы жүлде қоры 1 миллион теӊге.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.