Алматыда үстел теннисінен 20-шы "Оӊтүстік астана" атты халықаралық турнир аяқталды
Алматы. 15 қыркүйек. Kazakhstan Today - Алматыда "Зенит" спорт кешенінде үстел теннисінен 20-шы "Оӊтүстік астана" атты халықаралық турнир аяқталды, деп ақпараттық және спорттық ХАБ хабарлайды.
17 жасар Зәруеш Акашева үстел теннисінен "Оӊтүстік астана" турнирініӊ жеӊімпазы атанды.
Жарыстыӊ финалында қыздар арасында қарағандылық Зәуреш Акашева өзбекстандық Камила Халикованы 4:2 есебімен ұтты. Ал, үшінші орынды астаналық Анастасия Лаврова иеленді. Ол Өзбекстаннан келген өз қарсыласы Мархабо Магдиеваны 4:1 есебімен жеӊіске жетті.
- Финал психологиялық жағынан өте қиын болды. Оныӊ үстіне біз өз елімізде ойнаған соӊ, мойынымызда үлкен жауапкершілік болды. Бірақ, мен тырысып, жеӊіске жеттім. Өте қуаныштымын, - деді жеӊімпаз Зәуреш Акашева.
Ерлер арасындағы финалда ресейлік спортшылар Илья Жидков пен Илья Исаков кездесті. Оныӊ нәтижесінде Жидков 4:2 есебімен жеӊді. Ал, үшінші орын алматылық Тимур Кельбугановқа бұйырды. Ол өзбекстандық Ельмурот Холиковты 4:1 есебімен ұтты.
Жарыс жүлдегерлерін Алматы қаласы Денешынықтыру және спорт басқармасыныӊ басшысы Рүстем Байсеитов марапаттады. Айта кетер жайт, 20-ші рет өткен халықаралық жарысқа Қазақстан, Ресей және Өзбекстаннан келген жасы 14-тен асқан 130 ұлдар мен қыздар бақ сынасты. Ойындар"Зенит" спорт кешенінде өткізілді.
Жеӊімпаздар мен жүлдегерлер медалдар және ақшалай сыйлықтарға ие болды. Ұлдарға бірінші орын үшін - 300 мыӊ, екінші 230 мыӊ, үшінші 150 мыӊ, төртінші 60 мыӊ, бесінші 40 мыӊ, алтыншы 30 мыӊтеӊге. Қыздар тиісінше 250 мыӊ, 150 мыӊ, 100 мыӊ, 50 мыӊ, 30 мыӊ, 20 мыӊ теӊге иеленді.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.