Элизабет Тұрсынбаева Almaty Arena кешенінде өтетін Илья Авербухтың мұздағы шоу-бағдарламасына қатысады
30 наурызда Алматыда өтетін шоу кезінде Элизабет Тұрсынбаева өзінің әлем чемпионатында көрнекі бағдарлама ретінде Жапонияда көрермен назарына ұсынған және Денис Теннің құрметіне арнаған бағдарламасын орындайды.
Алматы. 27 наурыз. Kazakhstan Today - 30 наурызда Almaty Arena кешенінде өтетін Илья Авербухтың мұздағы шоу-бағдарламасында отандық мәнерлеп сырғанау спортының қазіргі жарық жұлдызы Элизабет Тұрсынбаева да қатысады, деп хабарлайды Kazakhstan Today.
Элизабет Тұрсынбаева жуырда ғана Жапонияның Сайтама қаласында өткен әлем чемпионатында күміс жүлдені жеңіп алғаны белгілі.
Биыл, 2019 жылы Илья Авербухтың өз продюсерлік компаниясын құрғанына 15 жыл толып отыр. Осы уақытта оның ұлығаусар шоу-бағдарламалары мұздағы шоу-индустриясының әлемдік лидеріне айналып үлгерді. Компания өмірге әкелген жобалардың барлығы да көрермендердің зор ықылыасына бөленіп, сарапшылардың мақтау-мадақтауына ие болуда. "15 жылғы сәттілік" деп аталатын бағдарлама оған қатысушы құраманың мәнерлеп сырғанау спортына деген шексіз сүйіспеншілігінің, олардың дарыны мен қажымас-талмас еңбегінің бейнебір квинтэссенциясы іспетті.
30 наурызда Алматыда өтетін шоу кезінде Элизабет Тұрсынбаева өзінің әлем чемпионатында көрнекі бағдарлама ретінде Жапонияда көрермен назарына ұсынған және Денис Теннің құрметіне арнаған бағдарламасын орындайды.
Алматыда өтетін мерейтойлық шоуға Алексей Ягудин, Роман Костомаров, Максим Маринин, Оксана Домнина, Максим Шабалин, Мария Петрова, Алексей Тихонов, Маргарита Дробязко, Повилас Ванагас, Албена Денкова, Максим Ставиский секілді Ресейдің ең танымал мәнерлеп сырғанаушы спорт жұлдыздары қатысады.
"15 жылғы сәттілік" деп аталатын шоу бағдарлама Almaty Arena мұз кешенінде 30 наурызда сағат 19:30-да өтеді.
Билеттерді касса операторларының сайтынан сатып алуға болады.
Еске сала кетейік, Жапонияның Сайтама қаласында өткен мәнерлеп сырғанаудан әлем чемпионатында қазақстандық Элизабет Тұрсынбаева күміс жүлде иеленді. Бұл Тұрсынбаеваның үлкен жарыстардағы ең үлкен жүлдесі. Қазақстандық мәнерлеп сырғанаушы еркін бағдарламаны тамаша орындап, нәтижесінде 224,76 балл ұтып алды. Э.Тұрсынбаева ересек қыздар арасындағы әлем чемпионатында тұңғыш рет төрт айналымдық сальхов элементін орындады. Ал ресейлік Алина Загитова 237,50 балмен әлем чемпионы атанды. Оның отандасы Евгения Медведева 223,80 балмен үшінші орынға жайғасты.
Ақпаратты пайдаланѓан жаѓдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігініњ материалдарына авторлық қ±қық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.