Almaty Arena спорт кешенінде футзалдан әлем чемпионаты салтанатты түрде басталды
Алматы. 20 тамыз. Kazakhstan Today - Almaty Arena спорт кешенінде 19 тамызда студенттер арасында футзалдан әлем чемпионаты басталды, деп ақпараттық және спорттық ХАБ хабарлайды.
Бұл әлемдік доданыӊ ашылу салтанатында Алматы қаласы әкімі Бауыржан Байбек, ҚР Білім және ғылым министрі Ерлан Сағадиев, ФИСУ вице-президенті Мариан Дымальский құттықтау сөз сөйлеп, барлығына осындай қолдау көрсеткені үшін өз алғыстарын білдірді.
Чемпионаттыӊ ашылу салтанатында бишілер мен фристайлистер өз өнерлерін көрсетіп, еліміздіӊ эстарада жұлдыздары Камшат Жолдыбаева, Мәдина Садуақасова, Алашұлы тобы өз әндерін орындады. Салтанатты шараға жалпы саны 14 мыӊнан адам қатысты. Олардыӊ алдында танымал мәнерлеп сырғанаушы Денис Тенніӊ орындауындағы әнге өмірінен үзінді ұсынылып, артынша бишілер Денис Тенніӊ мұздағы биін орындады.
Бұл салтанатты ашылу спортшылардыӊ шеру рәсімімен жалғасты. Сондай-ақ, шара барысында еліміздіӊ және ФИСУ-дыӊ тулары көтеріліп, Қазақстан ерлер құрамасыныӊ капитаны Біржан Оразов ант қабылдады.
Салтанатты бағдарламадан соӊ ерлер ұлттық құрамасыныӊ ойындары басталды. Қазақстан командасы Чехияға қарсы ойын өткізіп, жиналған спорт сүйер қауым отандастарымызға керемет қолдау көрсетті.
Ойынныӊ нәтижесінде Қазақстан құрамасы чеxтарды 4:3 есебімен тізе бүктірді. Ел құрамасы сапында Агидил Мадияров пен Даурен Тұрсағұлов дубль жасаса, Чехияныӊ құрамынан Павел Дрозд екі гол, Давид Дрозд бір гол соғып көзге түсті.
"Біз қиын ойын болатындығын білдік. Қарсылас құраманы жақсы зерттеп, тыӊғылықты дайындалдық. Нәтижеге ризамыз. Үйдегі кездесуде жеӊіске жету деген керемет әсер. Бұл барлық қазақстандықтардыӊ жеӊісі", - деді Қазақстан ойыншысы Ағеділ Мадияров.
Айта кету керек, әлем чемпионаты 26-ші тамызға дейін жалғасады. Ойындар Halyk Arena және Almaty Arena мұз сарайларында өтеді. Теӊбіл доп додасына 17 елдіӊ өкілдері қатысуда - 16 ерлер 9 әйелдер кұрамалары.Ертеӊ сағат 20:00-де Қазақстан құрамасы Жаӊа Зеландия командасымен кездеседі.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.