Испания футболдан әлем чемпионаты атанды
Сурет: REUTERS / Kai Pfaffenbach
Испания құрамасы 2026 жылғы футболдан әлем чемпионатының финалында Аргентинаны қосымша уақытта 1:0 есебімен жеңіп, әлем чемпионы атанды.
Жеңіс голын ойынның 106-минутында Ферран Торрес соқты. Аргентина құрамасы 93-минуттан бастап Энцо Фернандестің алаңнан қуылуына байланысты он ойыншымен ойнаған болатын.
Бұл Испания құрамасының тарихындағы екінші әлем чемпионаты. Бұған дейін олар әлем біріншілігінде 2010 жылы топ жарған еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
тақырып бойынша жаңалықтар
"Болашақ ойындары - 2026" Астанада аяқталды: сегіз спорттық тәртіп бойынша жеңімпаздар анықталды
Сурет: Казспортинвест
Астанада "Болашақ ойындары - 2026" (GOTF 2026) халықаралық мультиспорттық турнирі аяқталды. Samruk-Kazyna қолдауымен өткен жарыс 29 шілде мен 9 тамыз аралығында ұйымдастырылып, дәстүрлі спортты, киберспортты және заманауи технологияларды біріктірді. Турнирдің жалпы жүлде қоры 4,65 млн АҚШ долларын құрады. Бұл туралы ұйымдастырушылар - "Қазспортинвест" АҚ хабарлады.
Турнирдің соңғы күнінде фиджитал футбол және Mobile Legends: Bang Bang (MLBB) мобильді MOBA ойыны бойынша жеңімпаздар анықталды.
Phygital Football presented by Samruk-Kazyna финалында Quetzales-Armadillos және NS Team командалары кездесті. Цифрлық кезеңде Quetzales-Armadillos 1:0 есебімен жеңіске жетсе, нақты алаңдағы ойында NS Team 3:2 есебімен басым түсті. Осылайша, жалпы есеп 3:3 болып, жеңімпаз пенальти сериясы арқылы анықталды. Нәтижесінде NS Team 4:3 есебімен жеңіске жетті.
Үшінші орынды FC Olympic Phygital командасы иеленді.
Ал MLBB турнирінің чемпионы Bigetron by Vitality атанды. Финалда команда ONIC клубын 3:1 есебімен жеңді. Алғашқы екі карта Bigetron by Vitality пайдасына аяқталса, үшінші картада ONIC жеңіске жетті. Төртінші картада Bigetron серияны өз пайдасына аяқтады.
Қола медальді Selangor Red Giants командасын 2:0 есебімен жеңген Aurora Gaming иеленді.
"Болашақ ойындары - 2026" жеңімпаздары
Спорт түрі Жеңімпаз Жүлде
Phygital Basketball Wilders $100 мың
MOBA PC - Dota 2 PlayTime $350 мың
Phygital Dancing Franco Vitali $20 мың
Phygital Shooter - CS 2 Team KZ $50 мың
Phygital Fighting Archangel Michael $100 мың
Phygital Football NS Team $150 мың
MOBA Mobile - MLBB Bigetron by Vitality $315 мың
Battle Royale - PUBG: BATTLEGROUNDS 17 Gaming $300 мың
Жарыстар Астанадағы төрт спорт нысанында өтті. Турнирге 528 ойын техникасы және 500-ден астам ойын орны дайындалды. Жарысты ұйымдастыруға 800 ерікті қатысты.
Ұйымдастырушылардың мәліметінше, турнир қазақстандық мамандарға киберспорт, IT, телевизиялық хабар тарату, инженерия, логистика, қауіпсіздік және ірі халықаралық жарыстарды ұйымдастыру салаларында тәжірибе жинауға мүмкіндік берді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Астанада Буакав Банчамектің қатысуымен муайтайдан шеберлік сабағы өтеді
Сурет: Қазақстанның муайтай федерациясы
Астанадағы Қазақ ұлттық спорт университетінде (KNUS) 2026 жылдың 20-21 тамызды аралығында муайтай чемпиондарының қатысуымен шеберлік сабағы өтеді деп күтілуде.
Шеберлік сабағының басты қатысушысы - аты аңызға айналған тайландтық муайтай шебері Буакав Банчамек. Ол жаттығу сабақтарын өткізіп, қазақстандық спортшылармен, жаттықтырушылармен және осы спорт түрінің әуесқойларымен тәжірибесін бөліседі.
Іс-шараға "Миллион ат күші" (Million Horsepower) лақап атымен танымал Нуэнгланлек Джитмуангнон және "Қар барысы" (Snow Leopard) атанған Мэри Руумет те қатысады.
Ұйымдастырушылардың мәлімдеуінше, шеберлік сабағы Қазақстан мен Таиланд арасындағы спорт, мәдениет және гуманитарлық алмасу салаларындағы ынтымақтастықты дамытуға ықпал етіп, муайтайды кеңінен насихаттауға бағытталған.
Іс-шара Қазақстан мен көршілес елдерден жүздеген спортшы мен муайтай әуесқойлары бас қосады деп күтілуде.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық ауыр атлет Азия чемпионатында жеңіске жетті
Сурет: ҚР ҰОК
Ауыр атлетикадан Қазақстан құрамасының өкілі Бейбарыс Ерсейіт Өзбекстанның Ташкент қаласында өтіп жатқан 17 жасқа дейінгі спортшылар арасындағы Азия чемпионатында жеңімпаз атанды, деп хабарлайды ҚР ҰОК баспасөз қызметінен.
Қазақстандық спортшы Ерсейіт 65 келіге дейінгі салмақта қоссайыс қорытындысы бойынша 281 келі (129+152) көтеріп, алтын медальға ие болды.
Айта кетейік, ол жұлқа көтеруде де үздік атанды. Спортшының екі нәтижесі де U17 санатындағы Азия рекорды ретінде тіркелді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық Team KZ командасы Phygital Shooter CS 2 бойынша "Болашақ ойындарының" чемпионы атанды
Сурет: instagram/sport_comiteti
Қазақстанның Team KZ командасы Астанада өтіп жатқан "Болашақ ойындары - 2026" турнирінде Phygital Shooter CS 2 жарысының финалында Liga Pro Team командасын 2:1 есебімен ұтып, жеңісті қоржынға салды, деп хабарлайды турнирдің баспасөз қызметінен.
"Біз Liga Pro Team командасының лазертагта басымдығы бар екенін білдік. Олар - осы сайыстағы үздік командалардың бірі, сондықтан біздің жеңіске жету мүмкіндігіміз жоқтың қасы екенін түсіне отырып Counter-Strike ойынына ден қойдық. Себебі жеңе алатынымызға сендік. Баршаңызға көп рақмет!" - деді Team KZ ойыншысы Руслан Боржиков.
Команда осы жеңісі үшін 150 мың АҚШ доллары көлеміндегі жалпы жүлде қорының 50 мың АҚШ долларын қанжығасына байлады.
Бұған дейін қазақстандық үш команда "Болашақ ойындары - 2026" турнирінде жеңіске жеткен болатын.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстан ескек есу марафонынан Азия чемпионатында төрт алтын медаль жеңіп алды
Қазақстан құрамасы Жапонияның Киото қаласында байдарка мен каноэде ескек есуден марафон бойынша VI Азия чемпионатында төрт алтын медальмен аяқтады, деп хабарлайды ҚР Ұлттық ескек есу спорты түрлері федерациясы.
Турнирдің қорытынды күнінде Кирилл Тубаев пен Полат Төребеков команда қоржынына тағы екі алтын медаль салды.
Мәреге 30 минут 22,889 секунд нәтижемен жеткен Тубаев 10 шақырым қашықтықтағы байдарка жарысында үздік атанды. Күміс медаль Оңтүстік Корея өкілі Пак Чжу Хён, қола жүлде вьетнамдық Нгуен Ан Дуге бұйырды.
Қазақстанға тағы бір алтын медальді Полат Төребеков әкелді. Ол каноэде 10 шақырым қашықтықты 35 минут 10,277 секундта жүріп өтіп, жарыс жеңімпазы атанды. Екінші және үшінші орындарды жапониялық Такаюки Кокадзи мен Иссэй Такэнака иеленді.
Осылайша, Тубаев пен Төребеков Азия чемпионатын екі алтын медальмен аяқтады. Бір күн бұрын екі қазақстандық спортшы да 3400 метр қашықтықта чемпион атанған болатын.
Азия чемпионатына 12 елден барлығы 390 спортшы қатысты.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
2026 жылғы "Болашақ ойындарында" Қазақстанның үш командасы жеңіске жетті
Сурет: astana2026.gofuture.games
Қазақстанның Team KZ, NOVAQ және ACF&Allur командалары Астанада өтіп жатқан "Болашақ ойындары - 2026" (GOTF 2026) халықаралық турнирінің жаңа жарысының алғашқы матчтарында жеңіске жетті.
Phygital Shooter (CS2) жарысында Team KZ командасы Mirage Team ұжымын 3:0 есебімен сенімді түрде жеңсе, тағы бір қазақстандық NOVAQ командасы Eternal Fire командасын 2:1 есебімен ұтты.
Phygital Football жарысында да қазақстандық ACF & Allur клубы жеңіске жетіп, бразилиялық Oeste SP командасын ұтты. Команда цифрлық кезеңде аз ғана басымдыққа ие болып, кейін футбол алаңында басымдығын нығайтып, матчты 3:0 есебімен аяқтады.
"Біз бір айға жуық дайындалып, күн сайын бес-алты сағат жаттықтық. Негізгі турнирде де жеңіске жетеміз деген үмітіміз зор", - деді матчтан кейін ACF & Allur ойыншысы Тимур Ращев.
Сонымен қатар, Dota 2 жарысында алғашқы финалист анықталды. PlayTime командасы Team Resilience ұжымын 2:0 есебімен жеңді. Mobile Legends: Bang Bang турнирінде де алғашқы кездесулер аяқталып, Team Falcons, Selangor Red Giants, ONIC және басқа да командалар жеңіске жетті.
Бұған дейін, "Болашақ ойындарының" қаралымы бір тәуліктің ішінде екі еседен астам артқаны хабарланған болатын.
Естеріңізге сала кетсек, "Болашақ ойындары" дәстүрлі спорт пен цифрлық дисциплиналарды біріктіретін халықаралық турнир. Жарыс 2026 жылғы 29 шілде мен 9 тамыз аралығында Астанада өтіп жатыр.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Алматыда тұңғыш рет университеттер арасындағы шахматтан командалық әлем чемпионаты өтеді
4-9 тамыз аралығында Алматыда Халықаралық шахмат федерациясының (FIDE) университеттер арасындағы тұңғыш командалық әлем чемпионатының финалы өтеді, деп хабарлады федерацияның баспасөз қызметі.
Чемпиондық атақ үшін шахматтан бай дәстүрі бар жетекші жоғары оқу орындарының студенттік құрамалары, соның ішінде Оксфорд, Кембридж және Гарвард университеттерінің командалары бақ сынайды. Қазақстан атынан өз алаңындағы әлем чемпионатында Әл-Фараби атындағы Қазақ ұлттық университеті мен Қазақ ұлттық спорт университеті өнер көрсетеді.
Қазақстан шахмат федерациясының президенті Тимур Турловтың айтуынша, тарихтағы тұңғыш университеттер арасындағы FIDE командалық әлем чемпионатының Қазақстанда өтуі Халықаралық шахмат федерациясының елімізге деген жоғары сенімін білдіреді.
Қазақстан шахмат федерациясының бірінші вице-президенті Дармен Сәдуақасовтың мәліметінше, іріктеу кезеңіне 49 елден 79 университет командасы қатысып, финалға ең үздік 16 ұжым жолдама алған.
Топтық кезеңде командалар төрт топқа бөлінеді. Әр топтан үздік екі команда плей-офф кезеңіне шығады. Әр матч төрт тақтада өтеді, ал әр команданың құрамында міндетті түрде кемінде бір ер және бір әйел шахматшы болуы тиіс. Турнирдің жүлде қоры - 50 мың еуро.
Әлемдік университеттік біріншіліктен бөлек, 4-5 тамыз күндері Алматыда Қазақстанның жасөспірімдер құрамасы мен әлем құрамасы (18 жасқа дейін) арасында матч ұйымдастырылады. 12 тақтада 24 шахматшы түрлі жас санаттары бойынша өзара мықтыны анықтайды.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.