Қазақстан Алматының жанынан халықаралық бокс академиясын салуға АІВА-ға өтініш жолдады
Қазақстан Алматының жанынан халықаралық бокс академиясын салуға АІВА-ға өтініш жолдады
Астана. 17 наурыз. "Қазақстан Бүгін" - Қазақстан Алматының жанынан халықаралық бокс академиясын салуға АІВА-ға (халықаралық әуесқой бокс қауымдастығы) өтініш жолдады. Бұл туралы сенбі күні өткен баспасөз мәслихатында Бокстан мемлекеттік бапкер Болат Манкенов мәлімдеді, деп хабарлайды "Қазақстан Бүгін" агенттігінің тілшісі.
"Бізді әрбір құрлықтың екі қаласында халықаралық бокс академиясын салу жобасын іске асырмақ болып отырған АІВА басшылығының саясаты қатты қуандырып отыр. Қазір біз Азия құрлығы бойынша тендерге қатысып отырмыз және осындай академияны ұлттық құраманың Алматының жанындағы жаңадан салынған базасында орнықтыруды қалаймыз", - деді Б. Манкенов.
Ол мәселе Алматыдан 27 шақырым жердегі Новоалексеевка ауылында жеке инвестиция тарту есебінен салынған боксшыларды дайындау базасы жөнінде болып отырғанын хабарлады. "Іс жүзінде бұл база бүгінгі таңда бокстан ұлттық құрамаға табыс етілді және онда академия құруға барлық жағдай жасалған", - деп атап көрсетті мемлекеттік бапкер.
Б. Манкенов бұл базада жалпы көлемі 1640 шаршы метр болатын екі спорт зал, 72 нөмірлі қонақ үй, 120 орындық дәмхана, сауна және сауықтыру орталығы бар екенін хабарлады.
"Тендерлік құжаттарды АІВА-ға 7 наурызға дейін беріп қойдық. Алайда, қазір Олимпиада ойындарына үлкен дайындық жүріп, көптеген құрлықтарда бокстан соңғы лицензиялық турнирлер өтіп жатыр. Сондықтан, біздің өтінішіміз бірнеше ай бойы қаралады деген ойдамын", - деп сөзін жалғастырды Б. Манкенов.
Ол АІВА құрылымында бокс академиясын салуға өтініштерді қарастыратын арнайы комиссия құрылғанын жеткізді. "Бұл өте жақсы жоба. Ол бокстың техникалық жағынан болсын, тактикалық жағынан болсын дамуына әсер етеді. Біздің алға қойған мақсатымыз - боксты дамыту және біздің спортшыларымыздың бәсекеге қабілеттілігін арттыру. Өйткені, бокс бәсекесі Азия құрлығында да, дүниежүзінде де күн сайын артып келеді", - деп сөзін қорытындылады Бокстан мемлекеттік бапкер.
Ақпаратты пайдаланған жағдайда "Казахстан Сегодня" ақпараттық агенттігіне сілтеме жасау міндетті
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.