Қызылорда облысында өӊір футболынныӊ жағдайы талқыланды
Бірақ, жергілікті жанкүйерлердіӊ жайын ескерген облыс басшылығы орталық стадионныӊ қосалқы алаӊын жөндеу туралы шешім қабылдады.
Қызылорда. 3 мамыр. Kazakhstan Today - Қызылорда облысыныӊ өӊірлік коммуникация қызметінде брифинг өтіп, онда өӊір футболынныӊ жағдайы талқыланды.
Облыстық денешынықтыру және спорт басқармасыныӊ бастығы, облыстық футбол федерациясыныӊ президенті Садық Мұстафаев БАҚ өкілдеріне жуырда ғана өткен ҚКФЛ тексеруініӊ нәтижесі туралы айтып өтті.Тексеру нәтижесіне сәйкес бүгіннен бастап Ғ.Мұратбаев атындағы орталық стадионныӊ негізгі алаӊы мен "Локомотив" стадионында ҚКФЛ аясындағы ойындарды өткізуге тыйым салынады. Оныӊ себебі алаӊ сапасыныӊ төмендігі.
Осыған орай ҚКФЛ қойған талапқа сәйкес "Қайсар" өз алаӊындағы ойындарды басқа қалаларда өткізуі тиіс.
Бірақ, жергілікті жанкүйерлердіӊ жайын ескерген облыс басшылығы орталық стадионныӊ қосалқы алаӊын жөндеу туралы шешім қабылдады. Бірақ оныӊ сыйымдылығы 1,5 мыӊ адамға лайықталған.
Осыған байланысты ІІД Жергілікті полиция қызметі бастығыныӊ орынбасары, полиция полковнигі Қуаныш Шүкіров құқық қорғаушылардыӊ матч кезіндегі басты міндеті жанкүйерлер қауіпсіздігін қорғау екендігін атап өтті. Бірақ, небәрі мыӊ жарым орындық алаӊға 7 мыӊ жанкүйер ағылғанда олардыӊ қауіпсіздігін қорғау оӊай болмасы анық. Демек, "Қайсарға" жанашыр мыӊдаған жанға ойынды үйден тамашалауға тура келеді. Мәселеніӊ осы жағын баса айтқан Қ.Шүкіров жергілікті "Қазақстан-Қызылорда" телеарнасы команданыӊ өзіміздегі ойынын тікелей эфирде көрсетсе деген ойын жеткізді.
Ғани Мұратбаев атындағы орталық стадион директорыныӊ орынбасары Нұржан Машаевтыӊ айтуынша табиғи алаӊды реконструкциялауға шамамен 150 млн.теӊге бөлінеді. Жоспарланған жұмыстар дер уақытында бітсе, шілде-тамыз айларында "Қайсар" қарсыластарын жаӊа алаӊда қабылдайды. Осы пікірді тірілткен Садық Шоӊмұрынұлы жаӊа алаӊ сапасы Алматыдағы Орталық стадион алаӊымен бірдей болатынын жеткізді.
Брифингте "Қайсарға" тағы қосымша 63 миллион теӊге бөлініп отырғандығы айтылды. Футболшылар аймақ басшылығы мен жанкүйерлер тарапынан көрсетіліп отырған сенімді ақтауға барынша күш салады. Басты міндет чемпионат кестесінде 6-орыннан төмендемеу.
Ақпаратты пайдаланИан жаИдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық қИқық.
тақырып бойынша жаңалықтар
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды
Сурет: gov.kz
Қазақстандық гимнаст батуттық гимнастикадан Париждегі Олимпиадаға тағы бір жолдаманы жеңіп алды, деп хабарлайды ҚР Туризм және спорт министрлігінің баспасөз қызметінен.
Батуттық гимнастикадан әлем кубогының 5 кезеңінің қорытындысы бойынша, 25 жастағы Данил Мұсабаев Париж Олимпиадасының жолдамасын жеңіп алды.
2023 жылы Ханчжоудағы жазғы Азия ойындарында батуттық гимнастикадан жеке жаттығуда бірінші рет күміс жүлде иеленген.
Бұған дейін батуттық гимнастикадан 2016 жылы Рио Олимпиадасында алғаш Пирмаммад Алиев қатысып, 12-орынға табан тіреген еді.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық гимнаст Испаниядағы Гран-при кезеңінде алтын медаль жеңіп алды
Сурет: instagram/kazgymfederation
Эльжана Таниева Испаниядағы Гран-При кезеңінде алтын медаль жеңіп алды, деп хабарлайды Қазақстан гимнастика федерациясының баспасөз қызметінен.
Көркем гимнастикадан Испанияның Марбелье қаласында өткен Гран-При кезеңінде қазақстандық Эльжана Таниева тұғыр биігінен көрінді.
Доппен жаттығудың финалында өнер көрсеткен спортшымыз төрешілерден 33.400 ұпай алып, алтын жүлдеге қол жеткізді.
Бұл сында өзбекстандық спортшы күміс медаль (32.600) иегері атанса, словениялық гимнасшы (32.200) үздік үштікті түйіндеді.
Эльжана Таниева мен бапкері Әлия Махсұтқызын алтын жүлдемен құттықтаймыз!
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Қазақстандық теннисшілер Индиан-Уэллс турнирін жеңіспен бастады
Сурет: KTF
Қазақстандық теннисшілер Индиан-Уэллс турнирін жеңіспен бастады, деп хабарлайды ҚТФ баспасөз қызметінен.
Әлемнің 51-ракеткасы Александр Шевченко Индиан-Уэллс мастерс жарысының алғашқы айналымында рейтингіде өзінен екі саты жоғары тұрған германиялық Доминик Кепфермен сынға түсті.
Бірінші партияда Шевченко 6:3 есебімен басымдық танытса, екіншісінде есе жіберді - 1:6. Дегенмен шешуші, үшінші сетте тай-брейкте жеңісті жұлып алды - 7:6 (7:3).
Александр Шевченко екінші айналымда әлемнің 22-ракеткасы, аргентиналық Франсиско Черундоломен шеберлік байқасады.
Әйелдер арасында Индиан-Уэллс WTA 1000 додасында әлемнің 79-ракеткасы Юлия Путинцева да сәтті ойнай алды. Ол рейтингіде 76-орындағы тағы бір германиялық Тамара Корпачты екі сетте жеңді - 6:2, 6:3.
Юлия Путинцеваның келесі қарсыласы - әлемнің 16-ракеткасы, ресейлік Екатерина Александрова.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.
Елена Рыбакина Доха турнирінің ширек финалына өтті
Сурет: ktf
Елена Рыбакина Доха (Қатар) WTA 1000 турнирінің ширек финалына шықты, деп хабарлайды ҚТФ баспасөз қызметінен.
Жарыстың 3-ракеткасы болып тіркелген қазақстандық теннисші үшінші айналымда дүниежүзілік рейтингіде 23-орында тұрған америкалық, 22 жастағы Эмма Наварромен шеберлік байқасты.
Бірінші партияда Рыбакина 5:0 есебімен алға кетіп, бет қаратпады - 6:1.
Керісінше тартысты өрбіген екінші сетте тай-брейкте Наварроның асығы алшысынан түсті - 7:6 (8:6).
Үшінші, шешуші партияда Елена брейк жасап, 4:2 есебімен алға шықты. Ақыры осы басымдылығынан танған жоқ - 6:4.
Екі сағат 10 минутқа созылған тартысты бәсеке барысында қазақстандық спортшы 10 эйс жасап, 10 брейк-пойнттың алтауын мүлт жіберген жоқ.
Елена Рыбакина жартылай финалға шығу үшін әлемнің 38-ракеткасы, 2021 жылғы АҚШ ашық чемпионатының финалисі, канадалық Лейла Фернандеспен кездеседі.
Ақпаратты пайдаланған жағдайда Kazakhstan Today ақпараттық агенттігіне гиперсілтеме жасау міндетті. Kazakhstan Today Ақпараттық агенттігінің материалдарына авторлық құқық.